¹ Nomba mulinshi nshiku, elo impendwa ya basambi yalifula, ukuilishanya kwatatikula kuba Yuda baku kilishi paba ebele, pantu bamuka mfwilwa wabo ka bakeleshiwa mukwafwilishiwa kwanshiku shonse. ² Abekumilimo nababili, kabeta ibumba lya basambi nokulabila kulibo ati ''leciwemepo kuli fwe uku lekelesha icebo chaku Lesa kukupekanya amatebulo. ³ Kanshi mwe ndume mulingile ukusala aba lalume cine lubali mweka mwe, abalalume aba cetekelwe, abeswilemo no mupashi namano, abo tunga sonte palimbu bukwebo. ⁴ Kulifwe, twakukonkanyapo lyonse mumapepo namubupyungishi bwa cebo.'' ⁵ ukulabila kwabo kakusekesha ibumba lyionse kanshi kabasala shitefani, umwanalalume uwa isulamo icicetekelo nomupahsi nwamushilo, na Filipo pulokolashi Nikana, Timoni, paminashi, na nikalashi, umupuloseliti waku Antyoke. ⁶ Abacetekele kabaleta mba balalume ku batumu? abapepele nokubika amaboko yabo palibo. ⁷ anshi icebo caku Lesa kacitwalilila ukusalangana, nempendwa yaba sambi mu Yelusalemu kailundwapo ukukula, nempendwa iikulu iyabanshi mapepo kabaanakila kucicetelo. ⁸ Sitefani, mukwisulamo ukusenaminwa namaka, alikucita ifipapwa ifikulu nefishibilo pantu. ⁹ Nomba kakwima abantu bam,bi abamu Sunagogi yalikwitwa sungago wabantu bakakulwa, iyabena sililyani na Alexandala, nabambi ukufuma ku Silishya na Asya. Mba bantu bali kutalikana na shitefoni. ¹⁰ Nomba tabakwanishepo ukwimina na mano no mupashi ifyo sitefani alabile. ¹¹ Nomba kababosha bambi abalalume ukulabila ati, ''Tulimukutikile Sitefami akolabila amashiwi yamipo nto pali Mose na Lesa.'' ¹² Kabatunka abant, abakuli, nakalemba, kabapalama nakuli Sitefani nokumwikata nokumutwala kucilye. ¹³ Kalaleta imboni shabufi, ishalabile ati, ''Ngumuntu talekapo ukulabila amashiwi ayabipile pali njino incende yamushilo ne funde. ¹⁴ Pantu tulimukutikile akolabila ati ngu Yesu waku Nasaleti akonaula njino incende noku pindulula ifishino ifyo Mose apele kulifwe.'' ¹⁵ Onse uwaikele mucilye ka tonta amenso yabo paliye no kubona icinso kwati cinso camungelo.