¹ Elo ubufumu bwa mu mulu bukaba nga bana cisungu ikumi abasendele inyali shabo no kuya mukukumanya Shibwinga. ² Basano bali fiwelewele na basano bali aba mano. ³ Pantu ilyo aba ifiwele wele bana cisungu ba bulile inyali shabo, tabasendele amafuta nabo. ⁴ Lelo bana cisungu aba mano basendele amabotolo ya mafuta pamo ne nyali shabo. ⁵ Nomba ilyo shibwinga acelelwe, bonse balishipwile no kulala. ⁶ Lelo ubushiku pakati kwali ukulila, "Moneni shibwinga! Kabiyeni kunse no kumukumanya." ⁷ Elyo bonse bana cisungu ba imine no kwasha inyali shabo. ⁸ Abawelewele basosele ku ba mano, "Tupeniko yamo pa mafuta yenu pantu inyali shesu shala shima." ⁹ "Lelo aba mano bayaswike no kusosa, 'Apo tayabe ayengi kuli ifwe naimwe, kabiyeni kuli abo aba shitisha no kuya shita nayambi mwe bene.' ¹⁰ Ilyo baile mu kushita, shibwinga alishile, na bonse aba ipekenye baile nankwe ku malila ya cupo, ne cibi caliselwe. ¹¹ "Panuma balya bambi bana cisungu nabo balishile no kusosa, "shikulu, Shikulu, twiswileniko." ¹² "Lelo abaswike nokusosa, "cine, ndesosa kuli imwe nshi mwishibe." ¹³ Loleni eico, pantu tamwishibe ubushiku nangu kashita. ¹⁴ "Caba ngo mwaume uwali nokuba pa lwendo lwakuya ku calo cimbi. Aitile abasha bakwe nokupela ifikwatwa fyakwe kuli bene. ¹⁵ Kuli umo pali bene apele yasano amatalanta kuli umbi apele yabili, elyo na kuli umbi apele limo. Cila umo apokelele icipendo ukulingana na maka yakwe, elyo naulya umwaume aile pa lwendo lwakwe. ¹⁶ Uwa pokele yasano amatalanta aile apopene no ku yabika mu ncito no kusangulapo yasano amatalanta. ¹⁷ Munshila imo ine, uwapokele yabili amatalanta asangwilepo na yambi yabili. ¹⁸ Lelo umusha uwapokele limo italanta aile kumbi aimba icilindi mu mushili, noku fisa indalama shakwa shikulu wakwe. ¹⁹ Nomba panuma yanshita itali Shikulu wa basha balya alibwelele nokwisa bika ifipendo na bena. ²⁰ Umusha uwapokele yasano amatalanta aishile no kuleta nayambi yasano amatalanta. Atile Shikulu mwapele yasano amatalanta. Moneni, nasangwilapo yasano amatalanta nayambi." ²¹ "Shikulu wakwe asosele kuli wene, "Wacita bwino umusuma kabili uwacishinka umusha! Wali uwacishinka pa tunono. Nkakubika kangalila pa fintu ifingi. Ingila mu nsansa shakwa shikulu obe. ²² "Umusha uwapokele yabili amatalanta aishile nokusosa, 'shikulu, mwampele yabili amatalanta. Moneni ninsangwilapo yabili nayambi amatalanta.' ²³ "Shikulu wakwe asosele kuli wene, "Wacita bwino umusuma kabili uwacishinka umusha! Wali uwacishinka pa tunono. Nkakubika kangalila pa fintu ifingi. Ingila mu nsansa shakwa shikulu obe." ²⁴ "Elyo umusha wapokele limo italanta aishile nokusosa, nalishiba ukuti waliba necifukiushi. utukuta apo, tawabyele kabili noku lobola apo tawatandile. ²⁵ Nali no mwenso, eco naile nokufisa italanta lyenu mumushili. Moneni namukwata icikwatwa cenu." ²⁶ "Lelo shikulu wakwe amwaswike nokusosa kuli wene, 'we mubi kabili umunangani umusha, walishibe ukutilsa ine ndobolola apo nshabyele noku sepa apo nshatandile. ²⁷ Eico ngawali pele indalama shandi kuli bakasunga, napa kwisa kwandi nga ali poka ishandi pamo nansosela. ²⁸ Eico pokeni italanta kuli ena no pela ku musha ukwete ikumi amatalanta. ²⁹ Pantu kuli onse ukwete ukucila akapelwa, kabili akakwata imintapendwa. Lelo kuli uyo ushakwata nangu cimo, neco, akwata cikapokololwa kuli wene. ³⁰ Poseni icinangwa ca musha kunse mu mfifi, umo umukaba ukulila noku sumanya ameno.' ³¹ "Ilyo umwana wa muntu akesa mu bukata bwakwe na bonse ba malaika pamo, na wene, elyo akekala pa cakwe icabukata icipuna. ³² Kuli ena kukalonganikwa shonse inko, kabili akapatulula abantu umlo ku mubiye, ngefyo kacema akapatulula upanga ukufuma ku mbushi. ³³ Akabika impanga ku kuboko kwa kukulyo, lelo imbushi ku kwa kukuso. ³⁴ Elyo imfumu ikasosa kuli abo kukuboko kwa kulya, 'iseni, mwalipalwa na tata, pyaneni ubufumu ubwapekanishiwa kuli imwe ukufuma ku kutendeka kwe sonde. ³⁵ Pantu nali ne nsala kabili mwampele ifyakulya; nali necilaka kabili mwampele ifyakunwa; nali umweni kabili mwanjingisha mukati; ³⁶ Nali ubwamba kabili mwamfwika; nali lwele kabili mwalinsakamene; nali mucifungo kabili mwaishile kuli ine.' ³⁷ "Elyo abalungama bakasuka no kusosa, 'shikulu ni lilali twamimwene ne nsala no ku mulisha? Nagu icilaka noku munwensha? ³⁸ Nililali twa mumwene umweni no kumwingisha? nangu ubwamba nokumfwika? ³⁹ Nililali twa mumwene abalwele nangu mucifungu nokwisa kuli imwe?" ⁴⁰ "Elyo imfumu ikasuka no kusosa kuli bene, "Cine ndesosa kuli imwe, ifyo mwacitile kuli umo pabacepesha pali aba bamunyinane, mwacitile fi kuli ine." ⁴¹ Elyo ika sosa kuli abo aba kukuboko kwakuso, "fumeni kuli ine, mwe batipwa, mumulilo wa muyayayauyo uwapekanishiwa kuli ciwa naba malaika bakwe, ⁴² Pantu nali ne nsala lelo tamwampele ifyakulya; nali ne cilaka, lelo tamwa mpele ifyakunwa; ⁴³ Nali umweni lelo tamwanjigishe mukati; Nali ubwamba, lelo tamwamfwikile; umulwele na mu cifungo, tamwansakamene." ⁴⁴ Elyo nabo bakasuka no kusosa, 'shikulu, nililali twamumwene insala, nagu icilaka, nangu umweni, nangu ubwamba, nangu mucifungo, elo tatwa mu bombele? ⁴⁵ "Elyo akabasuka noku sosa, 'cine ndesosa kuli imwe, ifyo tamwacitile pali umo uwacepesha palya aba, tamwacitile ine.' ⁴⁶ Aba bakaya mukukandwa ukwa muyayaya, naba lungami mu mweo wa muyayaya."