¹ Yesu afumine mwi Tempele nokutendeka ukuya mu nshila yakwe. Abasambi bakwe baishile kuli wene pakuti bamulanga ifikulwa fye tempele. ² Lelo aliasuka nokutial kuli bene, "Bushe Tamulemona ifintu fyonse ifi? Mucishinka natila kuli ba imwe, tapakabe ilibwe nangulimo ilikashala pali nankwe ilishaka tobaulwe." ³ Ilyo aikele pa lupili lwa Miolife abasamia baishile kuli wene mubufinsolo nokutila, "Twebe, bushe ifi fintu fikacitika lilali? Cilangililonshi cikabako pa kwisa kobe elyo nempela ya nshita?" ⁴ Yesu aliasuka nokutila kuli bene, "Beni abacenjela pakutila umuntu nangu umo eka milufya. ⁵ Pantu abengi bakeshila mwishina lyandi. Bakatila, 'Nine Kristu, elyo bakalufya abengi. ⁶ Mukomfwa palwa nkondo elyo napa mashiwi ya nkondo. Moneni ukutila tamucushiwe, pantu ifi fintu fifwile fyacitika; Lelo impela tailafika. ⁷ Pantu Icalo cikemina icalo cinankwe no bufumu bukemina ubufumu bubiye. Kukaba ifipowe nefintu nkukuma muncende ishingi. ⁸ Lelo fyonse ifi fintu kutendekafye kwa bukali bwa kupapa. ⁹ Elyo bakamiposa mu kucula kabili baka mipaya. Ifyalo fyonse fikamipata pamulandu we shina lyandi. ¹⁰ Elyo abengi baka ipununa, no kufutuka umo no mubiye elyo nokupatana. ¹¹ Abengi bakasesema babufi bakema no kulufya abengi. ¹² Pantu bumpula mafunde bakacilamo ukutemwa kwa bengi kuka fubalila. ¹³ Lelo uyo uukashipikisha ukufika nakupela akapusuka. ¹⁴ Iyi mbila nsuma yabufumu ika shimikwa ku calo conse ngo bunte ku nko shonse. Elyo impela ikesa. ¹⁵ "Eico ilyo mwamona umupamba wabonaushi, ico ca soselwelepo na Danieli kasesema uwa iminine mu ncende iya shila" (Lekeni uulebelenga omfwe), ¹⁶ "Lekeni abo abali mu ?Yuda bafulumuke ku mpili, ¹⁷ Lekeni uyo uuli pa muntenge wa ng'anda eikila mukusenda ifili fyonse ukufumya mu ng'anda yakwe, ¹⁸ Kabili lekeni uyo uuli mwibala ebwela mukusenda umwingila. ¹⁹ Lelo kalanda kuli abo aba imita nakuli abo abale onsha utunya muli ilya shilya inshiku. ²⁰ Pepeni ukuutila ukubutuka kwenu kwika citik mumpempo nangu pe sabata. ²¹ Pantu kukaba ukucula apakalamba ico icishatla acicitikapo ukufuma apo icalo catendekele mpaka ino nshita, awe efyo tacakacitikepo nakabili. ²² Kanofye shilya nshita shali pifiwe, tapali uwinga pusuka, lelo pamulandu waba salwa shilya nshiku shikepifiwa. ²³ Eico ngacakutila uuli onse ngatila kuli imwe, 'moneni, Kristu uyu!' nagu, 'Kristu uyo!' mwicisumna. ²⁴ Pantu ba Kristu ba bufi naba kasesema ba bufi bakema noku langa ifishibilo ne fisungusho ifyapesha mano pakuti bakamilufye, ngakuti cacitika, naba salwa bene. ²⁵ Moneni, namyeba ilyo inshita tailayi ifike. ²⁶ Eico ngaba sosa kuli imwe abati, 'moneni ali mumatololo,' mwikofuma nokuya mumatololo. Nangu, 'moneni ali mumiputule ya mukati, mwikaci sumina. ²⁷ Pantu nga filya akalumba kabeka ukufuma kukabanga no kubyata ukufika naku masamba, efyo nokwisa kwa Mwana wa muntu kukaba. ²⁸ Uko konse ukuli inama iyafwa uko ko amakubi yalongana. ²⁹ "Lelo ubucushi bwa nshita shilya bukafilwafye ngabwapita apopene akasuba kalafita, umweshi tawakasanike ulubuto lwauko, intanda shikapona ukufuma mu lwelele, elyo na maka yamyulu yaka tenkanishiwa. ³⁰ Elyo icilangililo ca Mwana wa Muntu cikamoneka mu lwelele elyo imitundu yonse iya pacalo ikalosha. bakamona Umwana wa Muntu aleisa pa makumbi yamu lwelele na maka elyo no bukata ubwapulamo. ³¹ Akatuma abangeli bakwe ne ciunda icikalamba ice penga, elyo bakalonganika capamo abasalwa bakwe ukufuma kumyela ine, ukufuma kumpela imo iyalwelele ukufika nakuli imbi. ³² "Sambililenipo cimo ukufuma ku mukunyu. Lilya linefye imisambo ya naka elyo namabula yalukuta, ninshi mwaishiba ati amainsa yaba mupepu. ³³ Elyo nakabili, ilyo mwamona ifintu fyonse ifi mufwile mwaishiba ati ali mupepi, alifye pa mpongolo. ³⁴ Ndemyeba icine cine, iyi nkulo tayakapite mpaka ifi fintu fyonse fikacitike. ³⁵ Umulu ne calo fikapita lelo amashiwi yandi taya kapite ³⁶ Lelo pa lwa bushiku lulya ne nsa takwaba nangu umo uwaishiba, nangufye ba Malaika ba mu mulu, nangu mwane, lelo kanofye wishi. ³⁷ Filya fine inshiku sha kwa Noah shali, efyo cikaba nokwisa kwa Mwana wa Muntu. ³⁸ Nga filya cali muli shilya nshiku ilyo takulaba ilyeshi balelya no kunwa, bale upa no kufya mpaka ubushiku bulya Noah aingile mu bwato, ³⁹ elyo tabaishibe nangu cimo mpaka ilyo ilyeshi lyaishile nokwisa basenda bonse-efyo cikaba napakwisa kwa Mwana wa Muntu. ⁴⁰ Elyo abaume babili bakaba mwi bala-umo akasendwa, elyo umbi akashala. ⁴¹ Abanakashi babibili bakalapela ne libwe lya kupolelako -umo akasendwa, elyo umbi akashala. ⁴² Eico beni abalola, pantu tamwa ishibe ubushiku Shikulu wenu akesa. ⁴³ Lelo ishibeni ici, ngacakutila umwine wa nga'anda alishibe inshita ya bushiku iyo umupupu ali nokwishilapo, nga ali uwalala elyo nga talekele impupu ukwiba mung'anda yakwe. ⁴⁴ Eico naimwe mufwile mwaba abaipekanya, pantu umwana wa Muntu akesa panshita iyo tamule enekela. ⁴⁵ "Nomba mu bomfi nshi uwamano kabili uwacishinka uwo shikulu wakwe akabika ukulolekesha pa ng'anda pakuti engalabapela icakulya panshita iyalinga? ⁴⁶ Alipalwa uyo umubomfi untu shikulu wakwe akasanga alecita ifi nga isa. ⁴⁷ Ndemweba icine ukuti Shikulu wakwe akamubika ukulolekesha pa fintu fyakwe fyonse. ⁴⁸ Lelo ngacakutial umubomfi uwabipa umutima atila mumutima wakwe, 'shikulu naba mucelesha,' ⁴⁹ elyo atampa ukuma ababomfi banankwe, elyo no kulya no kunwa naba cakolwa, ⁵⁰ Elyo shikulu wa ulya mubomfi akesa pa bushiku ubo umubomfi talesubila elyo napa nshita iyo taishiba. ⁵¹ Shikulu wakwe akamuputaula mutu pimfya nokumupela incende naba mumbi munda, uko uku kaba ukusha no ku sumanya ameno.