¹ Yesu alandile ku mabumba na kabasambi bwakwe. ² Atile, "Bakalemba na ba Falise bakala mu cipuna cakwa Mose. ³ Eico fyonse efyo bamikonkomesha ukucita ficiteni ifi fintu nokufikonka. Lelo mwikonkelesha imicitile yabo, pantu balasosa ifintu lelo taba ficita. ⁴ Ee, bakaka ifyafina ifisendo kabili ifyashupa ukusenda, kmicitile abili bafibika na pamabeya yabantu. Lelo bena tabakaseshe numunwe ukufisenda, ⁵ balacita imicitile yabo pakuti bamonekele kubantu. Pantu bapanga utwafufwala twamafunde utwafunguka, nokukusha impela shamalaya yabo. ⁶ Balitemwa incende shacindama pamatebeto kabili nefipuna fyacindama muma Sinagogi, ⁷ mokuposha ukwa mucinshi mufisakano nokwitwa 'kafundisha' kubantu. ⁸ Lelo tamufwile ukwitwa 'kafundisha,' pantu mwakwatafye umo kafundisha, kabili bonse muli bamunyina. ⁹ Kabili mwiita umwaume nangu umo pesonde wishinwe, pantu mwakwata umofye wishinwe, kabili aba mumulu. ¹⁰ Tamufwile ukwitwa 'kafundisha,' pantu mwakwatafye umo kafundisha, Kristu. ¹¹ Lelo uli mukalamba pali imwe akaba umubombfi wenu. ¹² Onse uuisumbula umwine akacefyeshiwa, na onse uuicefya akasumbulwa. ¹³ Lelo ubulanda kuli imwe, bakalemba nama Falise, bamumbi munda! Mwalisalila ubufuma bwamumulu abantu. Pantu tamwingilamo mwebene mweka, kabili tamusuminisha abo abalipo ukwingila. ¹⁴ Ubulanda kuli imwe, bakalemba nama Falise, bamumbimunda! Pantu musansa ama yanda yabamuka fwilwa, nokuilanga muyatali amapepo. Eico mukapokelela ukusekwa ukukalamba. ¹⁵ Ubulanda kuli imwe, bakalemba nama Falise, bamumbimunda! Pantu muya kufyalo kabili namuncende nakulenga umo ukucinja, nelyo asanguka umo, mwalenga imiku ibili ukuba umwana mwaume wakumbo nga imwe. ¹⁶ Ubulanda kuli imwe, imwe ntungulushi impofu, mwebatipa, 'onse ulapa ukupitila mwitempele, cafye. Lelo onse ulapa ukupitila golide ya mwitempele, alikakwa kucilapo cakwe.' ¹⁷ Mwe mpofu ishiwelewele! cinshi icikalamba, golide nangu itempele ilenga golde ukushila? ¹⁸ Kabili, 'Onse ulapa pa cipailo, cafye. Lelo onse ulapa pa cabupe icilipo, ali uwakakwa kucilayo cakwe? ¹⁹ Mwe mpofu shabantu! Cinshi icikalaamba icabupe nangu icipailo cililenga icabupe ukushila? ²⁰ Eico, ulapa ps cipailo alapa pali cena kabili nafyonse ifilipo. ²¹ Uyo ulapa petempele alapa pali cena kabili pali uyo uwikalamo. ²² Kabili uyo ulapa pa mulu alapa icipuna cakwa Lesa kabili pali uyo uwikalapo. ²³ "Ubulanda kuli imwe, balalemba na ba Falise, bamumbi munda! Pantu mupela icekumi imisalu, lelo mwalisha ifyo tamwacita imilandu ikulu iyama funde - umulinganya kabili no luse na bucishinka. Lelo ifi efyo mwalingile ukucita kabili tekusha fimbi ifyabula ukucita. ²⁴ Mwe ntungulushi mpofu, imwe mweba fwisa utusshishsilelo mumina ingamali! ²⁵ "Ubulanda kuli imwe, bakalemba naba Falise, bamumbi munda! Pantu muwamya kunse yalu kombo na mbale, lelo mukati mwasushiwamo bukaitemwe kabili ukuiposaika mweben. ²⁶ We mu Falise impofu! Icantanshi wamya mukati kalukombo nembale, pakuti kunse kwinga wama nako. ²⁷ "Ubulanda kuli imwe, bakalemba na ba Falise, bamumbi munda! Pantu mwaba ngeya buta ifya panshinshi, ifi moneka bwino kunse, lelo mukati mwaishishiwamo namafupa yabantu bafwa na fyonse ifishasanguluwa. ²⁸ Munshila imo ine, naimwe kunse mumoneka kwati bulungami ku bantu abaume, lelo mukati mwaisulamo bumumbi munda kabili buntoba mafunde. ²⁹ "Ubulanda kuli imwe, bakalemba naba Falise, bamumbi munda! Pantu mukula imanda shaba kasesema nokuwaminisha ishishi sha balungami. ³⁰ Mutila, 'Atwikala munshiku shaba shifwe, ngatatwa ibimbilemo mukusumya umulopa waba kasesema.' ³¹ Eico mwebene muleilansila ukuti muli bana baume ababa lya abaipeye bakasesema. ³² Kabilia muleisusha icipimo icabawishinwe. ³³ Mwe nsoka mwe, mwebana bamafwa fwa mwe, mukabutuka shani ubupingushi bwa kumbo? ³⁴ Eico, mona, ndemitumina bakasesema na baume abamano kabili bakalemba. Bambi pali mukepaya nokutanika, kabili bambi nabo mukalaba puma muma Sinagogi kabili nokubakonka ukufuma kumusumba ukufika kumusumba. ³⁵ Icikafuma cakutila pali imwe epo umulopa wa balungami uyo uwasumishiwe pesonde. ukufuma akumulopa wamulungami Abele, ku mulopa wakwa Zachaliya mwana Berekiya, ebo mwaipeye pakati ka ncende kamwashila necipailo. ³⁶ Ndemyeba icine ati, ifintu fyonse fikesa pa uno inkulo. ³⁷ "yerusalemu, Yerusalemu, wewipaya bakasesema kabili nokuba toba abo abatumwa kuli iwe! Miku inga nafwaile ukukolonganika abana bobe pamo, ngefyo nakonko akolonganika utwana nokutubika muma pindo yakwe, lelo tamwalefwaya! ³⁸ Mona, ing'anda yobe naishala icitantala. ³⁹ Panti ndetila kuli imwe, tamwakambone ukufuma nmba mpaka ukusosa, "Alishuka uwishila mwishina lyakwa shikulu."'