¹ Lelo ulucelo lwaishile kwisa, bonse abakulu baku bashimapepo elo naba kulu ba bantu balipingushenye nokuti bepaye Yesu. ² Balimukakile, nokumutwala kumbi, elo nokumupela kuli Pilato umulashi. ³ IlyoYuda, uwamubembele, amwene ukuti Yesu bamupingwila ukufwa, alilapile elo nokubwesesha amakumi yatatu ayandalama sha slilifa kubakulu baku bashimapepo elo nabakulu, ⁴ elo nokulanda ati, ''Napanga isambi pakusangukila umulopa uwakaele.'' Nomba bamwebele ati, ''Bushe ico kuli fwebo? Imwene we mwine.'' ⁵ Elyo aposele indalma sha silifa mwi tempele, elo nokuya, elo nokuya panse nokuya kuikulika umwine. ⁶ Bashimapepo bakalamba baishile kubula indalama sha silifa elo nokulanda abati, ''Tefunde ukubika ishi mu cipao pantu ni ndalama sha mulopa.'' ⁷ Balanshenye uyu mulandu bonse, elo mulisho ndalama bashitilemo impanga yakwa nakabumba umwakushika abeni. ⁸ Na pamulandu waci mpanga baikuta ati, ''Impanga ya mulopa'' ukushinta nalelo. ⁹ Elyo ico icalandilwe nakasesema yeremia califikilishiwe, icakuti, ''Balipitile amakumi yatatu aya silifa, umutengo uwabikilwe pali ye ku bana ba Israeli, ¹⁰ elo bashipele nakumpanga yakwa nakabumba, ngefyo Shikulu ankonkomeshe.'' ¹¹ Nomba Yesu aliminine ku ntanshi yakwa cilolo, elo na cilolo amwipwishe ati, ''Bushe niwe Mfumu yaba Yuda?'' Yesu amwasukile ati, ''Ulilandile we mwine.'' ¹² Lelo balikumulubulwisha abakalaba baku bashimapepo elo na bakalamba, talikwasukapo nangu kamo. ¹³ Elyo Pilato alandile kuli ye ati, ''Bushe tauleumfwa ifyo balekushinina?'' ¹⁴ Lelo ta asukilepo ishiwi nangu fye limo, eico cilolo alipapile nganshi. ¹⁵ Nomba pa mutebeto lwali lutambi lwakwa cilolo ukulekako umufungwa umo uwasalwa ku cintu bwingi. ¹⁶ Pali ilya nshita balikwete umufungwa uwaishibikilwe nganshi kuli buntala misoka uwe shina lya Barabba. ¹⁷ Eico ilyo bakolongene pamo, pilato alandile kuli bo ati, ''Bushe ninani uo mulefwaya ukuti mikakwile? Barabba, nangu Yesu uyo uukutwa ati Yesu?'' ¹⁸ Alishibile ukuti baliletele Yesu kuli ye pa mulandu fye uwalupato. ¹⁹ 19Ulo ali alikele pa cipuna cabupingishi, umukashi wakwe amutumine ulusebo elo nokumweba ati, ''Wiesha ukucita icintu nangu nangu cimo kuli uyo muntu wakaele. Pantu Ndiculile nganshi lelo pa mulandu ne ciloto ico nacikwata pali ye.'' ²⁰ Lelo abakulu baku bashimapepo elo nabakulu babeleleke ibumba nokuti babapele Barabba, elo nokuleka Yesu epaiwe. ²¹ Cilolo alibepwishe ati, ''Bushe pali aba babili ninani uo nebo mulefwaya ukuti mikakwile?'' Balandile ati, ''Barabba.'' ²² Pilato alandile kuli bo ati, ''Nindo ifyo mukofwaya ukuti nebo cite na Yesu uukutwa Kristu?'' Bose balyasukile ati, ''Mutanike.'' ²³ Ellyo alandile ati, ''Nindo, bushe mulandu ndo acitile?'' Nomba balicililepo ukubilikisha ati, ''Mutanike.'' ²⁴ Eico uluntu Pilato abwene ukuti tapali icintu nangu cimo ico engacita, nomba icimfulunganya ecatampa,abulile amenshi, nokusamba amaboko pe bumba lya bantu, elo nokulanda ati, ''Ndi wakaele pali uyu mulopa uwa uyu muntu. Ibweneni mwebene.'' ²⁵ Abantu bonse baishile kulanda ati, ''Lekeni umulopa wakwe ube pali fwe elo nabana besu.'' ²⁶ Elyo abkakwililile Barabba, nomba alopwele Yesu elo nokubapela ukuti bamutanike. ²⁷ Elyo abashilika bakwa cilolo bapitile Yesu nokumutwala mukati kalubansa ka mwisano elo balongenye ne mpuka yabashilika bonse. ²⁸ Balimufulile ififwalo elo nokumufwika umwingila uwakukashika. ²⁹ Balukile ing'ana yamyunga elo nokumufwika ku mutwe, elo babikile inkonto mu minwe yakwe. Balikufukama kuli ye elo nokumunika, ninshi balelanda ati, ''Kuku, Imfumu yaba Yuda!'' ³⁰ Balimusakile amate, elo balimupokele inkonto elo nokumupuma pa mutwe imiku ne miku. ³¹ Ilyo baleke ukumupunika, balimufulile umwingila elo nokumufwika ififwalo fyakwe, elo nokumutwala muku mutanika. ³² Ulo bafumine panse, baishil kusangana umuntu ukufuma ku Cyrene uwe shina lya Simoni, uo bapatikishe ukuya nabo pakweba ati enga musendelako umusalaba. ³³ Baishile kufika pa ncende iikutwa ati Gologota, icipilibula ukuti, ''Pa cipanga.'' ³⁴ Balimupele umwangashi uo basankenyemo nefyakulula uwakunwa. Nomba uluntu aumfwilemo, alifililwe ukunwa. ³⁵ Elyo bamutanikile, balepwile ififwalo fyakwe nokupendula, ³⁶ elo balikele elo nokmulonda. ³⁷ Pa mulu wa mutwe wakwe balibikilepo icipampa, icalembelwepo, ''Uyu ni Yesu, Imfumu yaba Yuda.'' ³⁸ Utupondo tubili eto batanikile pamo naye, kamo ku kulyo kwakwe elo nakambi ku kuso kwakwe. ³⁹ Abo abalikupita balikumutuka, balepukumya ne mitwe ⁴⁰ elo nokulanda ati, ''Webo wewali nokonaula itempele elo nokukula mu nshiku shitatu, ipusushe we mwine! Nga cakuti uli Mwana wakwa Lesa, iciluka ukufuma pa musalaba!'' ⁴¹ Mu musango umo wine abakulu baku bashimapepo balikumupunika, pamo pene naba kalemba elo nabakulu, elo nokulanda ati, ⁴² ''Alikupususha bambi, nomba tekuti aipusushe umwine. E Mfumu yabena Israeli. Lekeni aciluke ukufuma pa musalaba, elo eluntu twalasumina muliye. ⁴³ Alicetekela muli Lesa, lekeni Lesa amupusushe lelo, nga cakuti Lesa alefwaya ukumupususha. Pali alikulanda nokuti, 'Ndi Mwana wakwa Lesa.''' ⁴⁴ Mu musango umo wine notupondo uto bamutanikile naye pamo twlikulanda insele kuli ye. ⁴⁵ Lelo ukufuma pansa yakulenga mutanda imfinshi yaishile kukupa icalo conse ukushinta napansa yakulenga pabula. ⁴⁶ Ukulola ku nsa yakulenga pabula, Yesu alilile no musowa uukukulu elo nokulanda ati, ''Eloi, Eloi, lama sabachtani?'' icalikupilibula ukuti, ''Lesa wandi, Lesa wandi, bushe nindo wandekelesesha?'' ⁴⁷ Ilyo bamo abataleme palya baumfwile ifi, balandile ati, ''Alekuta Eliya.'' ⁴⁸ Ulo lwine fye umo ali butukile elo nokuya kubula ifuso, nokulitumika mu mwangashi uwakusasa, nokubika kwitete, elo noku mutambika ukuti anwe. ⁴⁹ Abashala bonse balandile ati, ''Muleke fye. Lekeni tubone nga cakuti Eliya alaisa kumupusushe.'' ⁵⁰ Elyo nakabili Yesu alilie mwishiwi ilikulu elo nokuleka umweo. ⁵¹ Moneni, icisalu ca mwitempele caishile kulepuka ukwakanikamo pakati ukufuma pa mulu ukushinta panshi, elo ne calo calisunkene, elo nama bwe yalilepaukilemo. ⁵² Inshishi shalisukile, elo ne mibili ya bantu abamushilo abo abalele mutulo utwamfwa balibukile. ⁵³ Balifumine mu nshishi panuma yakushikuka kwakwe, nokwingila mu musumba uwamushilo, elo balibonekele na kubantu abengi. ⁵⁴ Lelo ilyo malonda elo nabalikubona Yesu babwena icinkukuma elo ne fintu ifyacitikile, balyumfwile umwenso elo nokulanda ati, ''Mucine uyu ali Mwana wakwa Lesa.'' ⁵⁵ Abengi abanakashi abo abakonkele Yesu ukufuma ku Galilee kuku musakamana bali kulya kwine balikulolesha akatalamukila. ⁵⁶ Pali abo pali Maria Mandalena, Maria nyina wakwa Yakobo elo na Yusufu, elo nyina wabana bakwa Zebedi. ⁵⁷ Ilyo cali icungulo, kwalishileko umuntu umukankala ukufuma ku Arimate, uweshina lya Yusufu, uyo naye uwali umusambi wakwa Yesu. ⁵⁸ Ailekubona Pilato elo noku mwipusha ukuti apit umubiliwakwa Yesu. Eluntu Pilato abebele ukuti bamupele. ⁵⁹ Yusufu apitile umubili, noku ufunganya mu nsalu iyabusaka, ⁶⁰ elo nokulalika icitumbi mu nshishi iipya iyo afonkwele mulibwe. Elo akunkulushishepo ne libwe ilikulu pa mwenshi wa nshishi elo nokuya afumako. ⁶¹ Maria Mandalena elo na Maria umbi bali kulya, baikele ukulolenkana ne nshishi. ⁶² Ubushiku bwakonkelepo, ubwali ubushiku bwapanuma Yakuteyanya, abakulu baku bashimapepo elo naba Falisasi balikele pamo na Pilato. ⁶³ Balandile ati, ''Mulopwe, twaibukisha ukuti uluntu ulya kabepa ali umutuntulu,alandile ati, 'Panuma ya nshiku shitatu Nkabuka nakabili.' ⁶⁴ Eico kanshi konkomesheni ukuti inshishi ilekulondwa mpaka pa bushiku bwakulenga shitatu, nalimo kuti abasmbi bakwe kuti baisa, elo noku mwiba elo nokulanda ku bantu ati, 'Alibukile kuba kufwa,' elo ubufi ubwakulekelesha kuti bacilapo pa bwakutampilapo.'' ⁶⁵ Pilato alandile kuli bo ati, ''Piteni malonda. Kabuyeni elo elo mushininkishe nokuti kwacingililwa ngefyo mwaishiba.'' ⁶⁶ Eico balile elo nokuya kucingilila inshishi, ukukomenena ilibwe elo nokubikapo malonda.