¹ Nomba pakupwa kwe Sabata, ilyo kwatampile ukuca kubushiku wantanshi ubwa mulungu, Maria mandalena na umbi maria baishile ku nshishi. ² Moneni kwali icinkukuma icikulu, pantu malaika wakwa shikulu alikile ukufuma ku mulu aishile kunkulushapo ilibwe no kwikalapo. ³ Imimonekele yakwe yali kwati nikuba, ne nsalu shakwe ishabuta ngo bunga bwa mfula. ⁴ Bamalonda balitutumimine no mwenso kabili bali kwati bantu bafwa. ⁵ Malaika atekeshe abanakashi, kabili no kulanda kulibo, " Mwitina , pantu ninjishiba ukuti mulefwaya Yesu, uwatanikwe. ⁶ Tali pano, lelo na bushiwa , ngefyo alandile. Iseni mumone incenda umo shikulu acilala. ⁷ Kabiye bwangu no kweba abasambi bakwe, "Nabushiwa kubafwa. Moneni, akomitangilila ku galile. kulya bali no kumona ? moneni , nimweba." ⁸ Abanakashi bwangu bafumineko ku nshishi no mwenso kabili ne nsansa ishikalamba, no kubuka ukuya eba abasambi bakwe . ⁹ Moneni Yesu alibakumenye no kulanda "Mwapoleni " abanakashi balishile , no kufukatila amakasa yakwe no kupepa. ¹⁰ Elyo Yesu alandile kuli bo, "Mwitina kabiyeni mwebe bamunyina baye ku Galile kulya bakamoma." ¹¹ Lelo ilyo abanakashi baleya, moneni, bamalonda bambi baile mumu sumba elyo no kweba ba shimapepo bashimapepo bakalamba ifintu fyonse ifyacitikil. ¹² Ilyo bashimapepo bakumene ne ntungulushi no kulansyanya uyu mulandu nabo bapele icipendo ca ndalama icikulu ku bashilika ¹³ no kubeba, landeni kuli bambi abasambi bakwe Yesu bcisa ubushiku no kwiba icitumbi ilyo waciba mutulo.' ¹⁴ Aya mashiwi nga yafika ku mulashi, tukamunasha,fumyeni ukusakamana muli mwe.'' ¹⁵ Eico abashilika balipokele indalama no kulanda umo mwine babelele. Aya malyashi yalisabonkene mu ba Yuda monse kabili nalikonkashiwipo ukushita nalebo. ¹⁶ Nomba abasambi ikumi na limo baile ku Galile, ku lupili uko Yesu abalangile . ¹⁷ Ilyo ba mumwene, bamupepa nomba bambi balitwishike. ¹⁸ Yesu aishile kuli bo no kulanda kulibo nokusosa, ' Yonse amaka yalipelwa kuli ine mumulu na muno calo. Eico. ¹⁹ Eico kabiyeni no kupanga abasambi abanko shonse. Mukalebabatisha mwishina lya Tata, nelya mwana, nelya mupashi wa mushilo. ²⁰ Mukalebafunda ukulaumfwila ifintu fyonse ifyo na mukonkomesha, moneni naba naimwe lyonse, mpaka na kumpela ya nshiku.''