¹ Caishile kuba ukuti ilyo Yesu apwile aya yonse amashiwi, alandile ku basambi bakwe ati, ² ''Mulishibile ukuti panuma ya nshiku shibili inshiku nkulu ye Pasaka ileisa, elo no Mwana wa Muntu bakamutwala nokumutanika.'' ³ Elyo abakulu bakuba shimapepo elo na bakulu ba bantu balongene pamo mwi mu cipango ca mukulu wakuba shi mapepo, uo balikukuta ati Kaifa. ⁴ Baumfwene pamo pakwikata Yesu mubucenjeshi elo nokumwipaya. ⁵ Pantu balikulanda ati, ''Tepa nshita ya nshiku nkulu, epakuti tapemine ifyongo mu bantu.'' ⁶ Lelo ulo Yesu ali mu Betani mu ng'anda yakwa Simoni uwali ne fibashi, ⁷ ulo alikulya pa tebulo, umwanakashi alishile kuli ye alikwete ne botmutengo olo ilya mafuta ayakununkila aya mutengo nganshi , elo nokwisa kupngolwela pa mutwe wakwa Yesu. ⁸ Nomba uluntu abasambi babwene, balifulilwe no kulanda elo ati, ''Mulandu ndo uwabonaushi ubwa musango uyu.'' ⁹ Aya mafuta nga baliyashitishe pa mutengo uukulu elo nokupela ku balanda.'' ¹⁰ Nomba Yesu, Yesu ico alishibile ifyo, alandile kuli bo ati, ''Indo muleshupila uyu umwanakashi? Pantu acita icintu icabune kuli ne. ¹¹ Mulaba lyonse nabalanda, nomba nebo tabmwakabe nandi lyonse. ¹² Pantu ilyo acimpongolwela aya amafuta pa mubili wandi, acitila ifi pa kushikwa kwandi. ¹³ Mucine Ndelanda kuli mwe nati, ulo lonse ulo iyi imbila nsuma ikalekubilwa ku calo conse, ico uyu umwanakashi acita naco bakalekucilandapo pakumwibukisha.'' ¹⁴ Elyo umo pali balya ikumi nababili, uwalikukutwa Yuda Eskalioti, aile ku bakulu bakuba shimapepo ¹⁵ elo nokulanda ati, ''Bushe nindo mwinga fwaya ukumpa pakuti ninga muleta kuli mwe?'' Baishile ku mupimina indalama shama silifa amakumi yatatu kuli ye. ¹⁶ Ukufuma fye pali ilya nshita alikufwailisha inshila yaku mutwalilamo kuli bo. ¹⁷ Lelo pa bushiku bwkutampilapo ubwa mikate iyakubula ukututumuka abasambi balishile kuli Yesu elo nokulanda ati, ''Bushe nikwisa uko mwingatemwa ukulila ipasaka?'' ¹⁸ Alandile ati, ''Kabuyeni mu musumba ku muntu umo elo mulande kuli ye ati, 'Kafundisha alanda ati, ''Inshita yandi ili apepi. Nalasungila isabata ku nga'anda kobe pamo nabasambi bandi.''' ¹⁹ Abasambi balicitile ifyo ngefyo Yesu abebele, elo balipekenye ne cakulya ca mulalilo. ²⁰ Ilyo icungulo cafikile, alikele panshi nokulya nabasambi ikumi nababili. ²¹ Ulo bali balelya, alandile ati, ''Mucine Ndemyeba nati umo pali mwe alensangukila.'' ²² Balikwetwe ubulanda, elo cila umo alitampile ukumwipusha, ''Icine fye tene Shikulu?'' ²³ Alyasukile ati, Uyo uwalatubikila ukuboko pamo nandi mwi beseni euyo uulensangukila. ²⁴ Umwana wa Muntu alinokuya, pamo nge fyo calembwa pali ye. Nomba alale we bulanda kuli uyo uuleshitisha Umwana wa muntu! Kuti cawamisha nga cakuti uyu muntu tafyelwe.'' ²⁵ Yuda, uyo uwali noku mwalukila alandile ati, ''Bushe nine, Rabbi?'' Alndile kuli ye ati, ''Ulilandile we mwine.'' ²⁶ Ulo balekulya, Yesu abulile umukate, noku upala, elo noku usunaula. Alipele abasambi bakwe elo nokubeba ati, ''Buleni, mulye.'' Uyu mubili wandi.'' ²⁷ Abulile icikomba elo nokutotela, elo nokubpela elo noklanda ati, ''Nweni,mwe bonse. ²⁸ Pantu uyu mulopa wandi uwa cipangano uyo uulesuma pa bantu abengi pa kubelelwa amasambi. ²⁹ Lelo Ndelanda kuli mwe, Ntakatale ukunwa nakabili ku cisabo ca mwangash, mpaka bulya ubushiku uluntu Nkanwa nenu mu bufumu bwakwa Tata.'' ³⁰ Ilyo baimbile ulwimbo, baile panse ku lupili lwa mi Olifi. ³¹ Elyo Yesu alandile kuli bo ati, ''Mwe bonse mulebutuka pa mulandu wandi, pantu calilembwa ukuti, ''Nkapuma kacema elo ne mpanga shikapalangana.' ³² Nomba panuma nga nabuka, Ndi nokumitangilila ku Galilee.'' ³³ Nomba Petelo alandile kuli ye ati, ''Nangu bonse babutuke pamulandu obe, nebo ntakushe.'' ³⁴ Yesu alandile kuli ye ati, ''Mucine Nkolanda kuli we ati, lelo line ubushiku, ulo mukolwe talati ukulila, ninshi ulinkene imiku itatu.'' ³⁵ Petelo alandile kuli ye ati, ''Nangu kufwa nobe, Ntakukane.'' Nabonse abasambi balandile fimo fine. ³⁶ Elyo Yesu ae nabo ku ku ncend iyo bakuta ati Getisemani elo alandile ku basambi bakwe ati, ''Ikaleni pano ulo nalaya kulya elo nokupepa.'' ³⁷ Apitile Petelo elo naba mwana Zebeti babili elo atampile ukumfwa ubulanda elo nokushupikwa. ³⁸ Elyo alandile kuli bo ati, ''Umupashi wandi waikatwa no bulanda nganshi, ukufika na mukufwa. ''Shaleni pano elo mulekulola nandi.'' ³⁹ Alileko akalamukila, awile ukbunkupeme, elo nokupepa. Alandile ati, ''Mwe Tata, tekufwaya kwandi, nomba ukufwaya kwenu.'' ⁴⁰ Aishile ku basambi bakwe elo nokubasangana balilele, elo alandile kuli Petelo ati, ''Nindo, tekuti mulinde nandi pa nsa fye imo? ⁴¹ Loleni elo nokupepa pakuti mwiponena mu muatunko. Umupashi icine ulekabila, nomba umubili ulinakile'' ⁴² Alifuminepo nakabli umuku wa bubili elo nokupepa. Alandile ati, ''Mwe Tata, nga cakuti ici tekuti cipite kano fye Nweko, lekeni ubufwayo benu bucitike.'' ⁴³ Alishile nakabili elo nokubasangana balilele, pantu bali notulo mu menso. ⁴⁴ Eico abashile nakabili, alifuminepo elo nokupepa umuku wakulenga butatu, ukulanda amashiwi yamo yene. ⁴⁵ Elyo Yesu aishile ku basambi bakwe elo nokulanda kul bo ati, ''Bushe mucili mulilele elo nokutusha? Boneni inshita ilifikile, elo no Mwana wa Muntu alesangukulwa mu minwe yaba masambi. ⁴⁶ Alamukeni, natulekuya. Boneni, uyo uulensangukila ali mupepi.'' ⁴⁷ Umo ali alelanda, Yuda, umo pali balya ikumi limo nababili, alishile. Ibumba ilikulu lyalishile naye ukufuma ku bakulu bakuba shimapepo elo nabakulu ba bantu. Baishile namapanga elo ne nkoli. ⁴⁸ Lelo umuntu uwali nokusangukila Yesu alibalangilile, nokulanda ati, ''Uyo uo Ndetomona euyo wine. Mu mwikate.'' ⁴⁹ Apopene alishile kuli Yesu elo nokulanda ati, ''Mwapoleni, Rabbi!'' elo nokumutomona. ⁵⁰ Yesu alandile kuli e ati, ''We munandi, cita ifyo ukonkele ukucita.'' Eluntu baishile, nokubika amaboko pali Yesu elo noku mwikata. ⁵¹ Moneni, umo pali abo abali na Yesu alifungulwile ukuboko, nokusomona ulupanga, elo nokukoma umubomfi wa mukulu wakwa shimapepo, elo noku mupula ukutwi. ⁵² Elyo Yesu alandile kuli ye ati, ''Bwelesha ulupanga umo lwikala, pantu abo bonse ababomfya ulupanga ni kulupanga eko bakafwa. ⁵³ Bushe ulebona ukuti kuti nafilwa kukuta kuli Tata, elo naye nokuntumina ba malaika ukucila pa makana ikumi nababili? ⁵⁴ Lelo bushe amalembo kuti yafikilishiwa shani, ifi nga taficitikile?'' ⁵⁵ Pali ilya inshita Yesu alandile kwi bumba ati, '''Bushe mwaisa namapanga elo nenkoli ukwisa mukungikata ukabati ndi cipondo? Cila bushiku Nalikwikala ndesambilisha mwitempele, elo tamwangikete. ⁵⁶ Nomba ifi fyonse fyacitika akuti ifyalembele bakasesema fifikilishe.'' Elyo abasambi bakwe balimushile elo nokubutuka. ⁵⁷ Abo abaikete Yesu balimufunishepo nokumutwala kuli Kaifa umukulu wakubashimapepo, uko uko bakalemba elo nabakulu balongene pamo. ⁵⁸ Nomba Petelo alimukonkele akatalamukila ukushinta namulubansa lwakwa mukulu wakubashmapepo. Aingile mukati elo nokwikalako panshi pamo nabamalonda pakubona ifiletumbukamo. ⁵⁹ Lelo abakulu bakuba shimapepo elo nabakapingula bonse balikufwailisha ubunte bwabufi ubwakubepesha Yesu pakuti benga mwipaya. ⁶⁰ Tabasangene nangu bumo, nali cali ukuti bakambone wabumfi abengi balishile. Nomba mukulekelesha kwalishile babili ⁶¹ elo nokulanda ati, ''Uyu muntu alikulanda ati, ''Nebo kuti natobolola itempele lyakwa Lesa elo nokulikula mu nshiku shitatu.''' ⁶² Umukalamba waba shimapepo aliminine elo nokulanda kuli ye ati, ''Bushe taukwee ifyakwasuka nangu fimo? Bushe findo ifi ifyo balekubela bukambone?'' ⁶³ Nomba Yesu ali fye shilili. Umukulu wakubashimapepo alandile kuli ye ati, ''Nakukonkomesha mwishina ilyakwa Lesa uwamweo, twebeko nga cakuti niwe Kristu, Umwana uwakwa Lesa.'' ⁶⁴ Yesu amwasukile ati, ''Ulilandile we mwine. Nomba Ndekweba nati, ukufuma lelo ukuya nakuntanshi ukabona Umwana wa Muntu alikele kukuboko ukwa maka,elo aleisa mu makumbi ya mumulu.'' ⁶⁵ Elyo umukulu wakuba shimapepo alepwile ififwalo fyakwe elo nokulanda ati, ''Alanta imiponto! Bushe cindo nanomba tulefwaila bakambone? Boneni, lelo mwaumfwa imiponto. ⁶⁶ Findo muletontonkanyapo?'' Balyasukile elo nokulanda ati, ''Alilingile ukufa.'' ⁶⁷ Elyo bamusakile amate pa menso elo noku mupuma, elo nokulopola ne fisansa fya maboko yabo, ⁶⁸ elo nokulanda ati, ''Tusesemene, we Kristu. Bushe ninani uwakuma?'' ⁶⁹ Lelo Petelo alikele mukati ka lubansa, elo umubomfi umwanakashi aishile kuli ye elo noku mweba ukuti, ''Nobe wali na Yesu waku Galilee.'' ⁷⁰ Nomba alikene pa menso ya bantu bonse, nokulanda ati, ''Nteshibile ifyo uklelandapo''. ⁷¹ Ilyo afumine ukuya ku mwenshi, naumbi umubomfi umwanakshi alimubwene elo nokulanda kuli abo abali palya ati, ''Noyu muntu naye alikusanganwa na Yesu waku Nasareti.'' ⁷² Nakabili alikene nokulapika ati, ''Ntamwishibile uyu muntu!'' ⁷³ Panuma ya nshita fye iinono abo abataleme mupepi balishile elo nokulanda kuli Petelo ati, ''Mucine fye nobe wine uli umo pali bo, pantu ifyo ulelanda efilega.'' ⁷⁴ Elo alitampile ukutipa elo nokulapika ati, ''Ntamwishibile uyu muntu,'' elo ulo lwine na mukolwe alilile. ⁷⁵ Petelo aibukishe amashiwi ayo Yesu alandile ayakuti, ''Ulo mukolwe talalila ninshi webo uli nkene imiku itatu.'' Elyo afumine panse elo nokulila nganshi.