¹ ''Elyo ubufumu bwa mu mulu bukaba ukubati niba nacisungu ikumi abo abapitile ifisaniko elo baile mukukumanya shi bwinga. ² Basano bali bapuka elo basano bali abakucengela. ³ Pantu ilyo bana cisungu basano basendele ifisaniko fyabo tabapitile amafuta nangu yamo. ⁴ 4Nomba bana cisungu balya basano aba mano balipitile amafuta yamufisako. ⁵ Lelo ulo shibwinga akokwele ukwisa, balimfwile utulo elo nokulala. ⁶ Nomba pakati ka bushiku kwaumfwikile akapota, 'Boneni, shibwinga! Kabuyeni elo nokumukumanya.' ⁷ Elyo nabo bana cisungu basantamukile elo nokwambusha ifisaniko fyabo. ⁸ Abapuka balandile kuba mano ati, 'Tupeleniko amafuta yenu yamo pantu ifisaniko fyesu fyalashima.' ⁹ ''Nomba abamano balyasukile elo nokulanda ati, 'Apo tayakumane fwebo elo namwe, kabuyeni kanshi kuli abo abashitisha elo muye mushite amafuta yenu.' ¹⁰ Ulo bali mukushita amafuta, shibwinga alishile, elo abo abaipekenye balingile nao ku mutebeto wa bwinga, elo ne cibi caliselwe. ¹¹ Panuma balya bambi bana cisungu nabo balishile elo nokulanda ati, ''Kanabesa, kanabesa, tuswileniko.' ¹² ''Nomba alibasukile elo nokubeba ati, 'Mucine Nkolanda kuli mwe, Ntamishibile .' ¹³ Eico beni abakulola, pantu tamwaishiba ubushiku nangu ne nshita. ¹⁴ ''Pantu caba kwati nilyo alefwaya ukuya mu calo cimbi. Alikutile ababomfi bakwe elo nokubapela ifyuma fyakwe. ¹⁵ Kuli umo amupele amatalanta yasano, kuli umbi amupele yabili, elo kabili kuli umbi amupele limo. Cila umo apokele ukulingana napapelele amaka yakwe, elo noyo muntu alifuminepo nokuya. ¹⁶ Uyo uwapokele amatalanta yasano aile pamuku umo elo ailekuya kuyabika mu makwebo elo apangilapo nayambi yasano. ¹⁷ Mu musango umo wine ulya uwapokele yabili apangilepo nayambi yabili. ¹⁸ Lelo ulya uwapokele italanta limo alifumunepo, nokuya kwimba icilindi, nokufisa indalama shakwa kanabesa wakwe. ¹⁹ Lelo panuma ya nshita iitali kanabesa wabalya babomfi alibwelele nokufwaya indalama shakwe. ²⁰ Umubomfi ulya uwapokele amatalanta yasano alishile nokuletelapo nayambi yasano amatalanta. Alandile ati, Kanabesa, mwampele amatalanta yasano. Boneni, ndipangilepo nayambi amatalanta yasano.' ²¹ ''Kanabesa wakwe alandile kuli ye ati, 'Mwabombeni, we mubomfi musuma elo uwacishinka! Wali uwacinshinka pa fintu ifinono. Nalakubika ukulolekesha pa fintu ifingi. Ingila munsansa shakwa kanabesa obe.' ²² ''Umubomfi ulya uwapokele amatalanta yabili aishile elo nokulanda ati, 'Kanabesa, mwampele amatalanta yabili.' ²³ Kanabesa wakwe amwebele ati, 'Mwabombeni, we mubomfi musuma elo uwa cishinka! Nalakubika mukulolekesha pa fintu ifingi. Ingila mu nsansa shakwa kanabesa obe.' ²⁴ ''Elyo ulya ulya umubomfi uwapokele italatanta limo aishile elo nokulanda ati, ''Kanabesa, nalishiba ukuti uli muntu uwakushupa. Usombola napo tawabyele, elo usombola napo tawaposele. ²⁵ Nalyumfyule umwenso, eico ine nalile elo nokufisa italanta lyobe mu mushili. Moneni, pokeni icintu cenu.' ²⁶ ''Lelo kanabesa wakwe amwasukile elo nokumweba ati, 'Iwe wewabubi elo umunangani wa mubomfi, walishibile ukuti Ndasombola napo ntabyele elo Ndasombola napo ntaasalanenye. ²⁷ Eico kanshi nga walibikile indalama shandi ukwakusungila, elo pakwisa kwandi nga Nalisangene nokupoka nsonsela wandi. ²⁸ Eico kanshi pokololeni ne talanta limo kuli o nokupela umubomfi uyo uukwete amatalanta ikumi. ²⁹ Pantu uyo onse uwakwata ifingi, bakamubikilapo nafimbi--elo namukufula. Lelo kuli uyo onse ushakwata akali konse, nottwine uto akakwata baka mupoklola. ³⁰ Poseni uyo umubomfi wa bubi panse apakufita, apo apakaba ukulila elo nokusenganya ameno.' ³¹ ''Ilyo umwana wa Muntu akesa mu bucindami bwakwe elo naba malaika bonse bakaba naye, elyo akekala pa cipuna cakwe ica bucindami. ³² Kuntanshi yakwe kukalongana ifyalo fyonse, elo akapatulula abantu ukufuma ku banabo, ukubati nifilya kachema apatulula impanga ukufuma ku mbushi. ³³ Akabika impanga ku kuboko kwa kulyo, nomba imbushi ku kuso. ³⁴ Elyo Imfumu ikalanda kuli abo abakaba ku kulyo kwakwe ati, 'Iseni, imwe mwebapalwa kuli Tata, pyaneni ubufumu ubo ubwapekanishiwa ukufuma pa kutampa kwa calo. ³⁵ Pantu Nali nsala elo mwalimpele ifilyo; Nali ne cilaka elo mwalimpele icakunwa; Nali umweni mwalimpokelele; ³⁶ Nali ubwamba elo mwalimfwikile; Nali uwakulwala elo mwalinsakamene; Nali mu cifungo elo mwalishile kuli ne.' ³⁷ ''Elyo abalungami bakamwasuka elo nokulanda ati, 'Shikulu, nilwisa ulo twamimwene ninshi muli ne nsala elo twamipela ifilyo? Nangu mwali ne cilaka elo nokumipa amenshi? ³⁸ Nangu abeni elo nokumipokelela? Nangu ubwamba elo nokumifwika? ³⁹ Bushe ni lwisa ulo twamibwene abakulwala nangu mu cifungo elo nokwisa kuli mwe? ⁴⁰ ''Elyo Imfumu ikasuka elo nokulanda kuli bo ati, 'Mucine Ndemyeba nati, fyonse ifyo mwacitile kuli aba ba munyina abanono ninshi mwacitile kuli ne.' ⁴¹ Elyo akalanda kuli abo abakaba ku kuso kwakwe ati, 'Fumeni pali ne, mweba tipwa, akuyeni mu mulilo wa muyayaya uyo uo bapekaninishisha Satana naba malaika bakwe, ⁴² pantu Nali nsala, nomba tamwampele ifilyo; Nali ne cilaka, nomba tamwampele amenshi; ⁴³ Nali umweni, nomba tamwampokelele; ubwamba, nomba tamwamfwikile; nalilwele elo namu cifungo, nomba tamwansakamene.' ⁴⁴ Elyo nabo bakamwasuka abati, 'Shikulu, ni lwisa twamibwene muli ne nsala, nangu ne cilaka, nangu umuneke, nanguabakulwala, nangu mucifungo, elo tatwamitangete?' ⁴⁵ ''Elyo akabasuka elo nokulanda ati, 'Mucine Nkolanda kuli mwe nati, ifintu ifyo tamwacitilile aba abanono uku, ninshi tamwacitile nebo.' ⁴⁶ Abo bakaya mukucula ukwa muyayaya, nomba abololoke ku mweo wa muyayaya.