¹ Mukwangufyanyafye imfumu shonse isha bena Amore ku lubali lwa masamba aya Yodani, na imfumu shonse isha bena Kanani, abali kululamba lwa bemba mukalamba, baufwile ukuti Yawe alikamishe amenshi mu Yodani ba suka abantu ba Israeli ba abuka, imitima yabo yalisungulwike, kabili tamwali no mupashi mulibena pa mulandu wa bantu ba Israeli. ² Pali ilyo nshita Yawe atile kuli Yoshua, ''Panga imyele ya mabwe na kabili sembulula abana baume bonse aba Israeli.'' ³ Eico Yoshua apangile umwine imyele ya mabwe no kusembulula abana baume bonse abena Israeli ku Gibeati haroloti. ⁴ Uyu emulandu Yoshua aba sembulwilile: Abaume bonse abafumine mu Egypto, ukubikapo na baume bonse abankondo, bafwilile mu nshila ya mu matololo, panuma yakwisa ukufuma mu Egypto. ⁵ Nangu cakutila abaume bonse abaishile ukufuma mu Egypto bali sembulwilwe, nalyoline, tapali abalumendo pali abo bonse abafyalilwe mu matololo aba sembulwilwe. ⁶ Pantu abantu ba Israeli baendele mu matololo imyaka amakumi yane mpakafye abantu bonse, emukutila, abaume ba nkondo bonse abaishile ukufuma mu Egypto, bafwile, pantu tabalebela ishiwi lwakwa Yawe. Yawe alapile kuli bena ukuti takaleke bena ukumona impanga iyo alapile ku fikolwe ukutila, kabapela, impanga iilefukauka umukaka no buci. ⁷ Bali bana babo abo Yawe aimishe pa ncende yabo abo Yoshua asembulwile, pamulandu wa kukana sembululwa mu nshila. ⁸ Ilyo bonse ba sembulwilwe, bashele ifyo bali munkambi mpaka bapola. ⁹ Eico Yawe atile kuli Yoshua, ''Ubwa leelo na lafumyapo umusalula wa mu Egypto ukufuma kuli imwe.'' Kanshi, ishina lya ncende ilya leitwa Gilgali mpaka ukufika ubushiku bumo ubwa leelo. ¹⁰ Abantu ba mu Israeli ba ikele mu nkambi mu Gilgali. Balesunga ica kucilila pabushiku bwalenga ikumi na shine mu mweshi icungulo, mu lulamba lwa Yeriko. ¹¹ Pabushiku panuma ya cakucilila, ubushiku bulya bwine, balelya ifilimwa fimo ifya mu mpanga, umukate ushatutumuka ne ngano shasalulwa. ¹² Mana alekele pashiku panuma balile ifilimwa fyamu mpanga. Takwatalile akuba mana ku bantu ba Israeli, leelo balelyafye ifilimwa fya mu mpanga ya Kanani ulya mwaka. ¹³ Ilyo Yoshua ali mupepi na yeriko, ainwine amenso yakwe nokulolesha, moneni, umwaume aliminine kuntashi yakwe; ali samwene ulupanga kabili lwali mu minwe yakwe. Yoshua aile kuli wene no kutila, ''Bushe uli naifwe nangu uli mulwani wesu?'' ¹⁴ Atile, ''Awe tapali. PAntu nine mushika wafita fyakwa Yawe. Nomba naisa.'' Eico Yoshua akotamike icinso panshi nokushishimuna na kutila kuli ena, ''Finshi ifyo shikulu atilile ku mubofi wakwe?'' ¹⁵ Mushika wa fita fyakwa Yawe atile kuli Yoshua, ''Fula insapato kumakasa yobe, pantu pa ncende wiminine pa mushilo.'' Ifi efyo Yoshua acitile.