¹ Ilyo abntu bonse ba yabwike Yodani, yawe atile kuli Yoshua, ² ''Saala abaume ikumi limo nababili abobe ukufuma mu bantu, umwaume umo cila lupwa. ba peele ifunde ili: ³ Buleni amabwe ikumi na yabili ukufuma pa kati ka Yodani apeminine bashimapepo pa mushili wauma, nokuyaleta no kuyalalika panshi pancende muleya tusha buno bushiku ubushiku.'' ⁴ Elyo Yoshua aitile abaume ikumi limo na babili abo asalile ukufuma mu ndupwa sha kwa Israeli, umo umo ukufuma muli cilalupwa. ⁵ Yoshua atile kuli bena, ''Kabiyeni kuntanshi ya mbokoshi ya cipao cakwa Yawe Lesa wenu mukati ka Yoadani. Cila umo asende ilibwe pa kubeya kwakwe, ukulingana ne mpendwa ya ndupwa sha bantu ba kwa Israeli. ⁶ Ici cikaba ecilangililo mu kati kobe ilyo abana bobe bakepusha munshiku shikesa, ifinshi aya mabwe ya pilibula kuli iwe? ⁷ Elyo ukutile kuli bena, 'Amenshi ya mu Yadani yali patukene ku ntanshi ya mbokoshi ya cipao ica cipangano ca kwa Yawe. Ilyo capitile mu Yodani, amenshi ya mu yodani yali patukene. Eico aya mabwe yakaba eci bukisho ku bantu bakwa Israeli umuyayaya.'' ⁸ Abantu ba mu Israeli ba citile fintu Yoshua abebele. kabili ba imishe amabwe ikumi limo na yabili ukufuma mu kati ka Yodani, nga fintu Yawe atile kuli Yoshua. Babikile amabwe ukulingana ne mpendwa ya ndupwa sha bantu bakwa Israeli. Basendele amabwe, ukufika pa ncende bali no kwikala no kulala no kuyabika panshi. ⁹ Elyo Yoshua abikile amabwe ikumi limo na yabili mu kati ka mumana wa Yodani, pa ncende apali amakasa ya bashimapepo basendele imbokoshi ya cipangano ya iminine icibukisho ici epo cili na leelo. ¹⁰ Ba shimapepo aba sendele imbokoshi ya cipao ba iminine pa kati ka Yodani mpaka ifintu fyonse ifyo Yawe akonkomeshe Yoshua. Ukweba abantu fya pwile, ukulingana na fyonse ifyo Mose akonkomeshe kuli Yoshua. Na bantu balyangufyenye ukwa buka. ¹¹ Ilyo abantu bonse ba pwile ukwabuka, imbokoshi yakwa Yawe na ba shimapepo ba yabwike pa ntanshi ya bantu. ¹² Umutundu wakwa Rubeni, umutundu wa Gadi, na Hafu wa mutundu wakwa Manase abapitile pantanshi ya bantu ba Israeli bapangile nga bashilika, nga fintu Mose atile kuli bena. ¹³ Mupepi amakana amakumi yane abantu aba ipangeshe ku bulwi bapitile pantanshi yakwa Yawe, kubulwi mu lulamba lwa Yeriko. ¹⁴ Pali ubo bushiku Yawe acindamike Yoshua mu menso yakwa Israeli onse. Bali mucindike- ngefyo bale cindika Mose- munshiku shakwe shonse. ¹⁵ Elyo Yawe alandile kuli Yoshua, ¹⁶ ''Sosa kuli ba shimapepo abasenda imbokoshi ya bunte ukufuma mu Yodani.'' ¹⁷ Eico, Yoshua akonkomeshe bashimapepo, ''Fumeni mu Yodani.'' ¹⁸ Ilyo bashimapepo aba sendele imbokoshi ya cipangano cakwa Yawe ba fuminine mukati ka Yodani, ne nyantilo shankasa shabo shafumine pa mushili wauma, elyo amenshi ya mu Yodani ya bwelele mu ncende no kulaposa mululamba, nokuba nga papita inshiku shine kuntanshi. ¹⁹ Abantu ba fumine mu Yodani mu bushiku bwalenga ikumi mu mweshi wa kubalilapo. Baikele m Gilgali, kukabanga ka Yeriko. ²⁰ Amabwe ikumi na yabili ayo bafumishe mu Yodani, Yoshua aya bikile mu Gilgali. ²¹ Atile ku bantu bakwa Israeli, ''Ilyo imfyalwa yobe ba kepusha ba shibo mu nshita shileisa, 'Nga ya mabwe ya nshi?' ²² Mukebe abana benu, 'Apa epo Israeli ayabukile Yodani pa mushili wauma.' ²³ Yawe Lesa wenu akamishe amenshi ya Yodani pali imwe, mpaka mwayabuka, nga filya fine Yawe Lesa wenu acitile kuli bemba wa matete, untu akamishe mpaka twayabuka, ²⁴ epakuti abantu bonse aba pesonde ba keshiba ukuti ukuboko kwa kwa Yawe kwa maka, kabili epakuti naimwe mulecindika Yawe Lesa wenu umuyayaya.''