¹ Yoshua aimine bwangu muluceelo, basakile no kufuma mu shitimu. Baishilefika ku Yodani, eena na bantu bonse abakwa Israeli, basakile ne nsakwe kulya ilyo bashilati babuke. ² Panuma ya nshiku shitatu, bacilolo baile ukulalanya pakati ka nsakwe; ³ bakonkomeshe abantu, ''Ilyo mwamona imbokoshi ya cipangano iykwa Yawe Lesa wenu, na bashimapepo ukufuma ku bena Lebi nabaipinga, mufwile ukufuma pa ncende ino no kuikonka. ⁴ Intamfu ya pakati keenu na yeena pafwile ukuba ba kubiti amakana yabili ukutalukako. Mwikesha kupalamako kuli yena, pakuti mukamone inshila ukwakuya, apo tamulatala amuya muli iyi nshila ukufuma nakale. ⁵ Yoshua ku bantu atile, ''Mukaisangulule mwebene mailo, apo Yawe akacita ififpesha manao pakati kenu.'' ⁶ Elyo kuli bashimapepo Yoshua atile, ''Imyeni imokshi yacipangano, nokupitila pa ntanshi ya bantu. Efyo baimishe imbokoshi ya cipangano pa muulu no kuya pa ntanshi ya bantu. ⁷ Yawe atile kuli Yoshua, ''Ubushiku bwa leelo ndi noku kupanga umuntu uwalulumbi pa mesno ya bena Israeli bonse. Bali no kwishiba ukuti ngefyo nali na Mose, efyo ndi nokuba nobe. ⁸ Uli noku konkomesha ba shimapepo balya abaseenda imbokoshi ya cipangano, 'Nga mwafika ku mpela ya menshi ya Yodan, mufwile ukwiminina shika mu mumana wa Yodani.'' ⁹ Efyo Yoshua ku bantu ba Israeli atile, ''Isene kuno, no kumfwa ku mashiwi yakwa Yawe Lesa wenu. ¹⁰ Napali ci muli nokwishiba ukuti Lesa wa mweo aba pakati kenu, naku ntanshi yenu ali kuseshako abena-Kenani, abena Hiti, abena Perisi, abena Girigashi, abena Amoli na Bena Yebusi,. ¹¹ Moneni! Imbokoshi ya cipangano iyakwa mulopwe umwine we Sonde lyonse yayabuka kwi shilya pa ntasnhi yeenu no kwingila mu Yodani. ¹² Nomba usale abaume ikumi limo na babili ukufuma mu mitundu ya Bena Isreli, umwaume umo ukufuma cila mutundu. ¹³ Ilyo insokoso sha makasa yaba shimapepo abo abasendele imbkoshi ya cipangano cakwa Yawe, imfumu nkalamba iye sonde lyonse, shili nokubula mu menshi ya mumana wa Yodani, amenshi ya Yodani yali nokwakanikana, na ku muulu wa mulonga yali nokuleka ukupongoloka kabili yali no kwiminina pamo umupili.'' ¹⁴ Kanshi ilyo abantu batelulwile ku kuya mukwabuka Yodani, bashi mapepo balya abasendele imbokoshi ya cipangano baile nabatangilila abantu. ¹⁵ Cilya cinefye abo abasendele imbokoshi ya cipangano bafikile mu Yodani, na makasa ya abo abasendele ica cifuba yanyantile mu menshi ya mumbali (napa nshita iyo ninshi Yodani nabuunda ukufika pa mipuma yonse mu nshita ilya iya busomboshi), ¹⁶ amenshi ayo ayaleisa yaletentemuka ukufma ku muulu wa mulonga yaiminine shika mulupili umo. Amenshi yalekele ukupita pa ntamfu iyishailepela. Amenshi yalekele ukupita ukufuma ku Adamu, umusumba uwali lubali ku Zaretani, uwa Araba, Bemba-mukalamba uwamucele. Abantu bayabukile mupepi naku Yeriko. ¹⁷ Bashimapepo abalesenda imbokoshi-ya-cipangano cakwa Yawe baimine pa mushili uwauma pakti ka Yodani mpaka abantu bakwa Israeli bonse bapwa ukwabuka pa mushili uwauma.