¹ Nomba iminshi yonse ku Yeliko yaliselwe pamulandu wa fita fya bena Israele. Takwali nangu umo uwaleingilamo nangu umo uwa kufumamo. ² Yawe atile kuli Yoshua, ''Mona, nimpela Yeliko muminwe shobe, imfumu yaiko, naba shilika bauko aba kanshiwa. ³ Mukashinguluke umusumba, bonse abaume ba bulwi bakashinguluke umusumba pamuku umo. Mukacite ifi panshiku mutanda. ⁴ Bashimapepo cine lubali bakasende amapenga cine lubali aya nsengo shaba sukusuku kuntanshi yacipao camafunde. Pabushiku bwalenga cine lubali, mukashinguluke umusumba imiku cine lubali, na bashimapepo bakalishe amapenga. ⁵ Elyo bakalishe panshita ntali kumasengo ya basuku suku, Ilyo mukomfwa iciunda icepenga abantu bonse baka punde ukupunda ukukalamba, necibumba camusmba cikapona panshi. Abashilika bakatashe, umuntu onse uuleya kuntashi. ⁶ Elyo Yoshua mwana Nuni aitile bashimapepo nokutila kuli bene, ''Sendeni icipao cacipangano, nokuleka bashimapepo cine lubali bakasende amapenga ya masengo ya ba sukusuku kuntashi ya cipao camafunde yakwa Yawe.'' ⁷ Atile ku bantu, ''Kabiyeni nokuya shinguluka umusumba, Nabaume abaipangasha bakaye kuntanshi ya icipao camafumnde yakwa Yawe.'' ⁸ Nga fintu Yoshua alandile ku bantu Bashimapepo cine lubali basendele amapenga cine lubali aya musengo yaba sukusuku kuntanshi yakwa Yawe. ⁹ Abaume babulwi bayendele pantanshi yaba shimapepo, nabo balishishe amapenga yabo. Elyo nomba bamalonda balekonka panuma naba shimapepo balishishe amapenga ukutwalila.'' ¹⁰ Lelo Yoshua akonkomeshe abantu, atile, ''Mwipunda ishiwi likufuma mutunwa twenu mpaka nkamyebe ukupunda. Mutunwa twenu mpaka nkamyebe ukupunda. Elyo fye mukapunde.'' ¹¹ Alengele ne cipao cakwa Yawe ukushinguluka umusumba umuku umo ubo bushiku. Elyo baingile munkambi ubo bushiku, kabili baikele munkambi ubushiku. ¹² Elyo Yoshua abukile kuma caca, nabashimapepo basendele icipao camafunde ya kwa Yawe. ¹³ Bashimapepo cine lubali, Abalesenda amapenga cine lubali aya masengo yaba sukusuku kuntanshiya cipao cakwa Yawe, Bayendele abaibukila no kulisha amapenga. Abashilika abaipangasha baleyenda kuntashi yabo. Lelo bamalonda ba kunuma baleyenda kuntanshi yacipao cakwa Yawe. Elyo amapenga ya twililepo ukulila. ¹⁴ Bashingulwike umusumba umuku umo ubushiku ubwalenga shibili bapilibukile na kunkambi. Bacitile ifi panshiku mutanda. ¹⁵ Cali nipa bushiku bwa Cine konse konse, Elyo babulile ku mavcaca, kabili bashingulwike umusumba mumuango umo wine balecitilamo, paliinshita umuku walenga cine lubali, nipali ubo bushiku bashingulwike imiku cine lubali. ¹⁶ Pabushiku bwalenga cine lubali, Elyo bashimapepo balishishe namapenga, ifyo Yoshua akonkomeshe abantu, ''Pundeni! Pantu Yawe namipela umusumba. ¹⁷ Umusuba na bonse abalimo bakapatwilwa kuli Yawe kubonaushi. Ukufumyako fye Rahabu cilende eukaba nomweo--ena nabonse abali munda yakwe--pantuafishile abume twatumine. ¹⁸ Nomba kuli iwe, ube ube pabulinshi bobe pakusenda ifintu fya kupatwila kubonaushi, pakuti panuma ukubikapo ifishibilo fyobe kubonaushi, wikasendapo nangu cimo pali fyene. Nga wacita ifi, ukulenga nkambi yakwa Israeli icintu icikonaulwa kabili ukaleta amafya pali wene. ¹⁹ Silfere onse, Golide, na fyonse ifya pangwa no mukuba ne cela fyapatwilwa kuli Yawe. Fikaye mu cipao cakwa Yawe.'' ²⁰ Elyo balisha amapenga, bakebe abantu ukupunda ukulamba necibumba cika bongoloka no muntu onse akabutukilemo nokupoka umusumba. ²¹ Bapwishishe fyonse nokonaula fyonse mumusumba kumilomo yalupanga--umwaume no mwanakashi, umwaice no mukalamba, Ng'ombe, impanga ne mpunda. ²² Elyo Yoshua atile kubaume babili abalengwile icalo, '''Kabiyeni ku Ng'anda yakwa cilende. Kaleteni umwanakashi nabonse abalinankwe, Ngefyo mwalapile kuli wene.'' ²³ Na lumendo abali inengu, baile nokuya leta Rahabu. Baletele bawishi, banyina, bandume yakwe, na balupwa lwakwe bonse abali nankwe. Babaletele muncende kunse yankambi yakwa Israeli. ²⁴ Baocele umusumba afyonse ifya limo. Kano fye Silfere, golide, nefipe fya mukuba necela fyabikilwe mucipao ca mun'ganda yakwa Yawe. ²⁵ Kabili Yoshua asuminishe Rahabu cilende naba n'ganda yakwa wishi, nafyonse ifyo ali nafyo ukuti fibe no mweo. Aikele mu Israele ukufika kuli Buno Bushiku, pantu afishile abaume abo Yoshua atumine mukulengula Yeriko. ²⁶ Kabili Yoshua aba konkomeshe pali iyo nshita nomulapo, kabili atile, ''Alitipwa umuntu mumenso yakwa Yawe onse uwa kulubula uyu musumba, Yeliko. Pacipendo cebeli lya mwana mwaume wakwe, akabika umufula, na pa mutengo wa mwana wakwe umwaume umunono, epo akabikila impongolo.'' ²⁷ Eico Yawe ali na Yoshua, nolulumbi lwakwe lwaile icala conse.