¹ Elyo Yawe atile kuli Yoshua, ² ''Landa ku bantu babena Israele, Utile, 'sonta imisumba iyambutushi ilya nasosele kuli iwe kukuboko kwakwa Mose. ³ Mucite ico pakuti uyo uwaipaya umuntu mukuluba eko enga ya kulya. Ilya misumba ikaba nincende yambutushi ukufuma kuli cilaumo ulefwaya icilandushi camuntu uwaipaiwa. ⁴ Ena akabutukila kuli umo wailya misumba elyo akeminipa mwinshi wampongolo shamusumba nokulondolola umulandu wakwe kubakalamba baulya musumba. Elyo bakamusenda ena mukati kamusumba no kupela ena icifulo pantu ena ukwikala mukati kabena. ⁵ Ena afwile ukwikala muli ulya musumba mpaka ena akemininemucilye kubupingushi, mpaka imfwa yauyo uwalebomba nga shimapepo mukalamba mulishilya nshiku. ⁶ Elyo umo uwaipeye umuntu mukukana ishiba abwelele kumushi wakwe elyo ing'anda yakwe, kumushi uko abutwike.'' ⁷ Kabili abena Israeli basalile Kedeshe mu Galili mucalo catupilitwa Naftali, Shekemu mucalo catupili ca Efraimu, na Kiriatiaba (pamo nga Hebrone) mucalo catupili cakwa Yuda. ⁸ Ukucila Yordani kukabanga ka Yeriko, basalile Besere mu matololo icifulo icapapatala ukufuma kumutundu wakwa Rubeni, Ramote, Gileadi, ukufuma kumutundu wa Gadi; elyo Golani muba Bashani, ukufuma kumutundu wakwa Manase. ⁹ Iyi emisumba yasalilwe kubantu bonse abena Israeli elyo nakubatulatulafye abaleikala mukati kabo. Pakuti uyo onse uwaipaya umuntu mukuluba kuti abutukila kuli bena mukuipususha. Uyu muntu tafwile ukufwa kukuboko kwauyo ulefwaya ukulandula umulopa uyo waishile, mpaka umuntu uwatungilwe akabale akemine pantashi yalukuta.