¹ Icipendwilo cabubili bapendwile ca ponene pali Simeoni, umukowa pa mukowa. Nomba ubupyani bwabo bwali pakati bupyani bwali pamutundu yakwa Yuda. ² Bakwete ubupyani Beresheba, Sheba, Molada, ³ Hasa, Shuali, bala. Esemu, ⁴ Elitoladi, Betihuri, Homa. ⁵ Simoni kabili akwete Sikilagi, Beti MAkaboti, Hasa Susa, ⁶ Beti Labaoti, Nashaluheni. Isho shali imisumba ikumi limo naitatu, ukulundapo nemishi yabo. ⁷ Simoni kabili akwete Aini, rimoni, Eta, na Ashani, isho shali imisumba ine, ukulundapo nemishi yabo. ⁸ Abo bali pamo, ukulundapo nemishi yabo ukushingoluka iyo misumba pamofye nga baalati Bele (pamofye nga Rama mu Negebu). Ubu ebupyani bwalupwa lwakwa Simoni, umukowa no mukowa. ⁹ Ubupyani bwa mutundu wakwa Simoni, bwapangilwe iciputulwa cacitungu ca mukowa wakwa Yuda. Panyu iciputulwa ca mpanga capelwe kumukowa wakwa Yuda cali icikulu sana kuli bena, umukowa wakwa Simoni wapokele ubupyani bwali ukufuma pakati ka ciputulwa cabo ¹⁰ Icipendwile cabutatu bapendwile cawile pa lupwa lwakwa Sebuloni, umukowa no mukowa. Umumpaka wabapyani ni bwaba watampile pa Saridi. ¹¹ Umumpaka wabo waile kukapinda kamasamba ukulola ku Marala nokuyaikata ku Dabbeshete; elyo yalundileko ukufika ulubali lwa Yokeneamu. ¹² Ukufuma ku Saridi umumpaka washinguluka akapinda kakabanga ukulola ku kabanga na kumasamba kokuya ku mumpaka wa Kisilite Tabole. Ukufuma kulya walola ku Dabelati elyo ukufika naku Yafiya. ¹³ Ukufuma kulya wayapita ku kapinda ka kabanga ukufika ku Gati Heferi, elyo naku Eti Kasini; nakabili waya ku Palimoni no kupilibukila ukulola ku Neya. ¹⁴ No mumpaka wapangile icinshoko kukapinda katali ku Hanatoni nokuyapelela mumupokapoka ka Efita eli. ¹⁵ Ici citungu ukulundapofye nemisumba ya Katati, Nahalali, Shimuroni, Idala, na Betelemu. Imisumba yali ikumi na ibili, ukulundapo nemishi yabo. ¹⁶ Ici ecali cakupyaninina camutundu wakwa Sebuloni, umukowa nomukowa, ukulundapo neyo misumba, ukulundapo nemishi yabo. ¹⁷ Icipendwilo cabune bapendwile cawile kuli Isaka, umukowa no mukowa. ¹⁸ Iciputulwa cabo ukulundapo Yesireli, kesuloti, Shunemu, ¹⁹ Afalaimu, Shironi, na Anahalati. ²⁰ Elyo ukulundapo Rabiti, Kishioni, Ebesi. ²¹ Remeti Eni Ganimu, Eni Hada, na Beti Pasesi. ²² Umumpaka wabo nakabili waikete Tabo, Shahasuma na Beti Shemeshi, nokufika ku Yodani. Imisumba yali ikumi namutanda, ukulundapo ne mishi yabo. ²³ Ici ecali icakupyaninina ca mutundu wakwa Isaka ukukonkana nemikowa yabo- Imisumba, ukulundapo nemishi yabo. ²⁴ Icipendwilo cabusano bapendwile cawile pamutundu wakwa Asheri, umukowa no mukowa. ²⁵ Iciputulwa cabo ukulundapo Halt Kati, Hali, Beteni, Akishafu. ²⁶ Alameleki, Amadi na Mishali. Kumasamba umumpaka walilundilweko ukufika ku Kameli na Shili libinati. ²⁷ Elyo eapilibukile lwakukabanga ku Beti dangoni nokuya ukucila na Sebuluni, elyo na kumupoka poka wa Ifita eli, lwakukabanga ku Beti Emekina Neyeli, elyo yakonkenyepo ku Kabuli ukuya ku kapinda. ²⁸ Elyo waile ku Ebuloni, Rehobi, Hamoni, na Kana ukucila Sidoni mukalamba. ²⁹ Umumpaka wapilibwile ukubwelela ku Rama, elyo kabili kumusumba wamalinga wa Tuli. Elyo umumpaka wapilibukile ku Hosa no kupelela pali bemba, mucitungu ca Akasibi, ³⁰ Uma, Afeki, na Rehoba. Imisumba yali amakumi yabili- nayabili, ukulundapo ne mishi yabo. ³¹ Ici ecakupyaninina ca mutundu wakwa Sheri, umukowa no mukowa- imisumba, ukulundapo nemishi yabo. ³² Icipendwilo camutanda bapendwile cawile pa mutundu wakwa nafatali, umukowa no mukowa. ³³ Nemimpaka yabo yafumine ku Helefi, ukufuma ku Oki pa Sananimu, ku Adami Nekebi na Yabineli, ukufikafye na Lakumi, yapwilile pa Yodani. ³⁴ Umumpaka wapilibukile ku masamba ku Asinoti Tabo elyo waya ku Hukoki; waikete Sebuloni ku kapinda kakukuso nokuyafika ku Asheri ku masamba na Yuda kukabanga kumumana wa Yodani. ³⁵ Imisumba ya malinga yali Sidimu, Seli, Hamati, Rakati, Kinereti. ³⁶ Adama, Rama, Haso, ³⁷ Kedeshi, Edilei, na Eni Haso. ³⁸ Kwali nakabili Yiloni, migidali Eli, Horemu, Beti Nati, na Beti Shemeshi. Imisumba yali ikumi limo napabula ukulundapo ne mishi yabo. ³⁹ Ici ecakupyaninina camutundu wakwa Nafatali, umukowa no mukowa- imisumba, ukulundapo nemishi yabo. ⁴⁰ Icipendwilo ca cinelubali bapendwile cawile pamutundu wakwa Dani, umukowa no mukowa. ⁴¹ Iciputulwa cabupuani ukulundapo Sola, Eshitaoli, Shemeshi, ⁴² Shalabini, Aiyaloni, na Itila. ⁴³ Elyo yalundilweko Eloni, Yimuna, Ekironi. ⁴⁴ Eliteke, kibetoni, Balati, ⁴⁵ Yehudi, Bene Beraki, gati Rimoni, ⁴⁶ Meyakoni na Rakoni ukulola kucitungu ukucilinganya ukufuma Yopa. ⁴⁷ Ilyo icitungu ca mutundu wakwa Dani walubile kuli, bene. Dani asanshile Leshemu, ukulwa nao, ukumwikata nokumukoma kulupanga; nokumupoka icikwatwa cakwe no kwikalapo. Elyo bapilibwile ishina Leshemu, ukwita dani ukulingana nefikolwe fyabo. ⁴⁸ Ici ecakupyaninina ca mutundu wakwa Dani, umukowa no mukowa- imisumba, ukusanshapo nemishi yabo. ⁴⁹ Ilyo bapwile ukwakanya impanga ngecakupyaninina, abantu abena Israeli bapele icakupyaninina kuli bena abene kuli Yoshua mwana Nuni. ⁵⁰ Ku kukonkomesha kwakwa Yawe bamupele umusumba uo aipwishe, Timunati Sela mucalo campili ica kwa Efaramu. Akulile cipyacipya umusumba nokwikalamo. ⁵¹ Ifi efya kupyaninina efyo Eliasari Shimapepo, Yoshua mwana Nuni, elyo nentungulushi shandupwa umukowa wakwa Israeli uwalembelwe pa Shilo, pantanshi yskwa yawe, pamwinshi wetenti lya kulonganinamo. Eco Bapwililishe ukulemba impanga.