¹ Ici cisemo ce shiwi lya kwa Yawe palwa calo ca Hadraki na Damaseke, incende ya kutushishamo iya ciko; pantu amenso yonse aya muntunse onse ne mitundu ya mu Iraeli balungatene Yawe. ² Ici cisemo naco capalwa Hamati, ica mumipaka ya Damaseke, elo ici cikumine Turi na Sidone, pantu bena bali kwatishe amano. ³ Tuir aliikilele umwine umupaka, elo alitulikile silvere kubati lukungu na golide walopolwa kubati matipa mu misebo. ⁴ Moneni! Shikulu akosesha ena nokonaula amaka yakwe pali bemba, elo ena akonawilwa ku mulilo. ⁵ Ashikeloni akalemumona elo nokuba no mwenso! Gasa nao akula kututuma apa kalamba! Ekrone, ukwenekela kwakwe kuka sebana! imfumu ikoloba ukufuma mu Gasa, elo Ashikeloni takatale ikalwamo nakabili. ⁶ Abeni bakapanga imishi myabo mu Ashidodi, elo nka putulako ne cilumba ca bena Pelishiti. ⁷ Pantu nebo nkofumya imilopa shabo pa tunwa twabo elo ne fya bunani ukufuma pakati ka meno yabo. Nolu bena bakoisa kuba abakoshalapo pali Lesa wesu kubati mukowa mu Yuda, elo Ekroni akoisa kubati bena Yebusiti. ⁸ Nebo nkacita inkambi uku shunguluka impanga yandi ku fita fya balwani, elo takuli nolo umo uwa kupitamo nangu uku bweluluka, pantu takuli wa mmucilikisha ukapititlila bena, pantu nomba ndi mwenene na menso yandi. ⁹ Ule kusangalala pamaka, we mwana mwanakashi wa mu Yerusalemu! Moneni!Imfumu yenu ikoisa kuli mwebo. Wa kulungama elo wa bwanshisho. Wa kufuka elo akoendela pa mpunda, pa kana ka mpunda. ¹⁰ Nolu nebo nkoputulako neceleta ukulekufuma kuli Ephraimu elo kafwalo kuli Yerusalemu, elo ubuta bwa kulaputulwako ku bulwi; pa kweba ati akula kulanda umutende ku nko, elo ukuteka kwakwe kwa kula kufuma kuli bemba ukulekufika kuli bemba, elo ukulekufuma ku mumana ukulekufika ku mpela ye sonde! ¹¹ Elo kuli webo, pamulandu wa mulopa wa cipangano candi na webo, nebo nkolenga aba fungwa bobe abakaele ukufuma munindi uko ukushilipo menshi. ¹² Bweleleni ku mupaka, mwebafungwa ba citetekela! Nebbo fye bunobushiku nebo nko konkomesha ukweba ati nkobwela linili kuli mwebo, ¹³ pantu ndi petekele Yuda ngo buta bwandi. Nebo ndi sulishemo Ephraimu mufwi wandi. Nebo shilimwine abana benu abaume, Zioni, ku kwimina abana bobe abaume, Grisi, elo ndi lengele webo, Zioni, kubati lupanga lwa mpalume. ¹⁴ Yawe akomonekela kuli bena, elo imifwi yakwe ikalekulasa kunse kubati ninkuba! Pantu shikulu wandi Yawe akalisha ipenga elo akalekutwalilila na mabimbi ukufuma ku Temani. ¹⁵ Yawe wa milalo akala kucingilila bena, elo ba konaula bena no kucimfya amabwe ya mu malengeni. Nolu bakalakunwa no kula kubilikisha kubati bantu bakolelwe umwangashi, elo ba kesulamo umwangashi kubati ni nsani, kubati fifutu fya pa cipailo. ¹⁶ Elo Yawe Lesa wabo akbupususha bena pali bulya bushiku, ngo mukuni wa bantu bakwe. Bena ni ta mabwe twa cilongwe ico ci kabengeshima mu calo cakwe. ¹⁷ Efyo akaleku wama elo nefyo cikale ku yemba! Na balumendo bakale kwikalilila mu ngano elo na bana cisunka pa mwangashi uwakulowa.!"