¹ Ulekulomba imfumu ukufuma kuli Yawe munshita ya mainsa - Yawe uupanga imyela ya nkuba - elo apa utusansa balimi kuli cila umo ne filimwa mu mabala. ² Pantu utulubi twa mu ng'anda tu landa ububi; na bakabuka bamona ifimonwa fya bufi; ba landa ifiloto fya kubelebeka no kupa umutende wa fye, elo balubantika kubati ni mpanga no kulakucula pamulandu wa kubula kacema. ³ "Ubukali bwandi bukobilikila pali ba kacema; ni ba pumbwe - ne ntungulushi - abo nebo ndi nokukanda. Yawe wa milalo aali nokupempula nkabali umukuni wakwe, ne ng'anda yakwa Yuda, elo akalenga bena kubati kafwalo wa nkondo mubulwi! ⁴ Ukufuma kuli Yuda ku koisa ilibwe lya pa cifutu; ukufuma kuli ena ku koisa kateka; ukufuma kuli ena ku koisa ubuta bwa bulwi; ukufuma kuli ena ku koisa cila intungulushi ca pamo. ⁵ Bakalaba kubati ni mpalume aba konyantaula abalwani babo mu matipa ya mu musebo mu bulwi, bakala ku panga inkondo, pantu Yawe ali pamo na bena, elo bali no kulenga insoni abo abab nina pali bakafwalo. ⁶ Nebo nka koselesha ing'anda yakwa Yuda elo nkopususha ing'anda yakwa Yosefe, pantu nebo nko babwesha bena no kuba belela ulluse. Bali nokuba kubati nebo nshali ku bakana, pantu nine Yawe Lesa wabo, elo nebo nkalakubasuka. ⁷ Nolu Ephraimu akaba kubati ni mpalume, elo imitima shabo shikaba ku sangalala nga abali no mwanganshi; abana babo bakula kumona elo nokusangala. Imitima shabo shakula ku sangalila muli nebo! ⁸ Nebo nkaba kubakuta mu munsoli kuli bena nokuba kolonganika, pantu nebo nko bapususha bena, elo bali nokuba na maka nga filya bali kale. ⁹ Nebo nalibabyele bena pakati na bantu , lelo bakula kunjibukisha nebo mu fyalo fya kutali, eico bena na bana babo bakula kwikala no kubwelluluka. ¹⁰ Pantu nebo ndi nokuba bwesha ukufuma mu calo ca Egupto no kuba kolonganika bena ukufuma ku Assiria. Nebo nkobaleta bena ku calo ca Gileedi na Lebanoni mpakafye takwakatale kuba umuputule wabo. ¹¹ Nebo nkala kupita ukupula muli bemba wa kumanama kwabo; nebo nkala kulasa amabimbi ya uyo bemba elo nkala kumika ponse apashika pa mumana wa Naele. Ba mulopwe baku Assiria bali no kuletwa panshi, ne nkonto ya ku Egupto ili no kuya ukufuma ku bena Egupto. ¹² Nebo nkala kubakoselesha bena nebo ne mwine, elo bali nokula kwendela mwishina lyandi - ici cisemo cakwa Yawe.