¹ Isula ifibi fyobe, Lebanoni, pakwebati umulilo oce imikedari yobe! ² Lila, ifimutifya Mukapri, pantu ifimuti fya Mukedari filiwile! Ifyali kuba fualulumbi filibungawilwe! Leleni mwe miti ikalamba iya Bashani, pantu mutengo ushalikapitwamo uliwilile panshi. ³ Kuli ko iciunda icaba cema yagwe, pantu ululumbi lwabo lulyonawilwe! Kuli ko ishiwi lya misepela ya nkalamo ilikobuluma, pafya lulumbi lwa mumumana wa Yondano filibungawilwe! ⁴ Ifi efyo Yawe Lesa wandi akolanda, "Kubati nikacema, ukotamba umukune ukobikwa lubali lwakwipayiwa! ⁵ (Abo abashishita balashipaya elo taba kwata na mulanndu, elo nabo abashishitasha balanda ukwebati, Yawe abeuwakupalwa! Nelo ndibele mukakala! Palibaka ceema abankobomba pakwebati abene ba mukuni tabakoshi kwatilaluse.) Pantu nebo shakatale kabili ukulekulangukila abekashi bamu calo! Uku kulanda kwa Yawe. ⁶ Mona! Nebo neka ndimupepi nokupilibwilapo kumuntu onse ,u kuboko kwa mwina mupalamano wakwe elo na mukunoko kwa mfumu yakwe, elo bakonaula icalo elo takuli nelo umo uwokapokolola ukufuma mjukuboko kwabo." ⁷ Elo nebo nabele ka ceema wamukuni wasontelwe kukwipaila abo abalikumba ku mpanga. Nebo nalibulile inkoto shibili; inkoto yakubalilapo nalikutile "ububile" elo ne inankwe nalikutile ati, "Ukwikatana." Muli inshita nebo emocee mena umukuni. ⁸ Mumwenshi umo nebo nalyonawilepo bakacema batatu, Nebo nalishile kuba umukalwe na bena, elo nabena balipatile nebo. ⁹ Elo nalilandile kubene, "Nebo shaka bombe lubili nga kacema kuli webo. Ne mpanga inshikofwa - lekeni shilekufwa; ne mpanga inshikoonaulwa - mulekuleka nshikoonaulwa. Lekeni mpanga inshikoshalapo cila imo ilekuya umunofu wa mupalamano munankwe. ¹⁰ Elo nebo nalibilile inkoto yandi "UBucingo" elo nalicitobele ceena kukutoba icipangano eco nebo napangile na bantu bonse. ¹¹ Pali bulya bushiku nacipangano calitobekele eco nabo abalecula mu mpanga elo nabo abaletamba nebo balishibile ikwebati Yawe alilandile. ¹² Nebo nalilandile kuli bena, " Nga kubati ca bune kuli webo, pela amalipilo ya ndi. Lelo ngatefye, wicicita." Elo balipimine amalipilo yandi nokuupela. Amakumi yatatu ayatupifyatupifya aya silvere. ¹³ Elo Yawe alilandile kuli nebo, "Posa ama silfere mu cipao, umutengo wabukatebebe uo balingile webo! "Elo nebo nalibulile amakumi yatatu ayatupifyatupifya aya silfere elo nokuyaposa mucipao mu ng'anda yakwa Yawe. ¹⁴ Elo nebo naputwile inkoto yandi eya bubili, "Ukwikatana," ku nkonaula bumunina bwakubwaice pakati ka Yuda elo na Israeli. ¹⁵ Yawe alilandile kuli nebo, "Nakabili, buula ifibombelo fya kwa kacema umupuba kuli wemwine. ¹⁶ Pantu moona, nebo ndinokutuma mucende kacema mu calo. Takalekusakamana palwa mpanga inshikocululuka. Takalekale kusa kamana ne mpanga inshikoluba. Takalekundapa ne mpanga ishakulema nga yakwiina elo akalekulepula nefibondo fyaiko. ¹⁷ Webulanda we kuli kacema uwafye uyo ukosha impanga! Lupanga lwingesa palwa kuboko kwakwe elo na paliso lyakwe elya kukulya! No kuboko kwakwe kwingakuminina elo nelinso lyakwe lyakwe lyakukulyo lingalekumpofula!"