¹ Ishiwi la kwa Yawe wa milalo lyalishile kuli nebo, nokukweba ati, ² "Yawe wa milalo akolanda ici: Nebo ndi kwete akalumwa pali Zioni na kalumwa akakalamba, elo ndi kwete inkumbu pali ena nokukali ubukalamba! ³ Yawe wa milalo akolanda ici: Nkabwela kuli Zioni elo nkala kwikala mukati ka Yerusalemu, pantu Yerusalemu akalekukutwa umusumba wa xishinka elo ulupili lwakwa Yawe wa milalo lukala kukutwa ulup2ili lwa mushilo! ⁴ Yawe wa milalo akolanda ici: Abaume abakote na abanakashi abakote nakambi bakaba mu misebo ya mu Yerusalemu, elo cila muntu akala kukabila nkoto mu minwe yakwe pamulandu ena alikotele sana. ⁵ Imisebo ya musumba ikalekwisulamo abalumenso na bakashana bakoangala muli yena. ⁶ Yae wa milalo akolanda ici: Nga icintu ci komoneka ica kukosa mu menso yabakoshalapo pali aba bantu isho nshiku, bushe ici nakabili kuti cikomoneka ica kukosa mu menso yandi? - ici cisemo cakwa Yawe. ⁷ Yawe wa milalo akolanda ici: Mulekumona, ndimopepi ku kulekupususha abantu bandi ukufuma mu calo uko akasuba katula elo no kufuma mu calo uko akasuba kawila! ⁸ Pantu nebo nkobabwesha, elo bena bakale kwikala mukati ka Yerusalemu, eico bena nakabili bakaba abantu bandi, elo nebo nkaba Lesa wabo mu cinshika na mu bulungami! ⁹ Yawe wa milalo akolanda ici: Mwebo abo nomba aba kotwalilila ukulekukutika ku mashiwi yamo yene ayaishile ukulekufuma utunwa twa bakasesema ulo umufola wa ng'anda yandi wa yanshikilwe - iyi ng'anda iyandi, Yawe wa milalo: Mulekukosha amaboko yenu pa kweba ati itempele linga lekukulwa. ¹⁰ Lelo ulo isho inshiku tashilabako ifilimwa tafya kolonganishiwile ku muntu ndo umo, tamwali bukumu ku muntu cila umo ukulakwiminina umwina mupalamano wakwe. ¹¹ Lelo nomba tacakele kuba nga munshiku sha kukale, nebo nkalekuba na bakoshalapo pali aba bantu - ici cisemo cakwa Yawe wa milalo. ¹² Pantu imbuto sha mutende shika byalwa; umutima mwangashi ukatwata icisabwa ca uko elo isonde likapela ifitwalo fya uko; ne myulu ikapela umume wa uko, pantu neb nkalenga abakoshalapo abantu ukupyana ifi fintu fyonse. ¹³ Mwebo mwali ica cilangililo ku nko shimbi ku citipu, mu ng'anda yakwa Yuda na mu ng'anda ya kwa Israeli. Elo nebo nkopususha mwebo elo mu l]kalakuba ipalo yenu ibe iyakukosa! ¹⁴ Pantu Yawe wa milalo akolanda ici: Nga filya nebo napangile uku cena mwebo ulo ifikolwe fyenu fyankalifishe mubukali bwandi - efyo akalanda Yae wa milalo - elo tabweseshemo, ¹⁵ elo nabakili nkapanga muli ishi nshiku ku kucita icisuma nabambi ku Yerusalemu elo ne ng'anda yakwa Yuda! Mwila kutina! ¹⁶ Ifi e fintu mulekucita; Mulekulanda icine, cila muntu no mwina mupalamanno wakwe. Mulekupingula mu cine, umulinganya, elo nomutende mu mpongolo shenu. ¹⁷ Mwile k panga ukulekucita ifya kubipa mu mutima wenu palwa umo no mu nannkwe, elo tecakwesha kutemwa imilapo ya kubelebeka - pantu ifi e fintu nebo napata! - Ici cisemo cakwa Yawe," ¹⁸ Nolu ishiwi lya kwa Yawe wa milalo lya lishile kuli nebo, ukweba ati, ¹⁹ "Yawe wa milalo akolanda ici: Ukufunga ifya kulya fya mu mweshi wakulenga fine, no wa kulenga fisano, no wa kulenga cine lubali, elo no wa kulenga ikumi yale kuba ninshita ya kusangalala, ukusekelela, elo nemitebeto ya nsansa kuba ng'anda yakwa Yuda! ELo mulekutemwa icine no mutende. ²⁰ Yawe wa milalo akolanda ici: Abantu bakale kwisa nakabili, nelofye abo aba koikala mu misumba iingi iya kulekana lekana. ²¹ Abekashi bamu musumba umo bakalekuya ku musumba naumbi elo nokulanda ati; Natulekuya bwangu ku kulekupapata pacinso cakwa Yawe no ku kabila Yawe wa milalo! Na fwebo fwe bene tukoya! ²² Abantu abengi ne fyalo fya maka fikoisa ku kukabila Yawe wa milalo mu Yerusalemu nokulekupapatila u bubile bwakwa Yawe! ²³ Yawe wa milalo akolanda ici: muli isho nshiku abaume ikumi ukufuma cila mutundu elo ne nko bakale kwikata kunsenkebele isha mwingila wa mu Yuda no kulanda ati, Lekeni fwebo tulekuya na mwebo, pantu fwebo tu lyumfwile ukuti Lesa ali na mwebo!'''