¹ Pali bulya bushiku Debora an Baraki umwana mwaume uwakwa Abinoamu, baimbile ulwimbo ulu: ² "Ulo intungulushi shabulile ubutungulushi mu Israeli elo abantu baipeleshe mubulwi-twalumbanya Yawe! ³ Umfweni, mwebo mwemfumu! kutikisheni mwebo mwentungulushi! nebo inkembila Yawe; inkembila ishamushilo kuli Yawe, Lesa wakwa Israeli. ⁴ Yawe, ulo mwafumine ku Seiri, ulo mwaendele kwenu ukuma mu Edonu, icalo calitenkene, imyulu nayo yalisunkene; anamkumbi nanyo yalitile panshi amenshi. ⁵ Impili nasho shalisunkene pacinso aakwa Yawe; kabili no lupili lwa Sinai lwalisunkene pacinso cakwa Yawe, Lesa wakwa Israeli. ⁶ Munshiku shakwa Shamugari (umwana ymwaume wakwa Anati) Munshiku shakwa Yaele imisebo iikalamba alilekeshiwe, elo bonse abalikwenda balikubonfyafye utushila twa tondo. ⁷ Mwali abantu akumushi abanono mu Israeli mpaka nebo Debora, nalimine-nalimine nga nyina wa Israeli! ⁸ Ulo basalile imilungu imbi, pali ulubali pampongolo yamusumba nolo inkwela tayamonekele nangula muba makana amakumi yane muli Isreali. ⁹ Umutima wandi waya kubakulu bafita fyakwa Israeli, pamofye nabantu abaipele mukutembwa twatotela Yawe pali bena. ¹⁰ Tontokanya pali ici-webo weunian pampunda wakubuta mwebaika pa matanda ngefyakutetamapi, namwenda. Umfweni amashiwi yabo bemba pancende shakutapila. ¹¹ Kulya bakalanda nakalbili pabololoke mu bwamitile yakwa Yawe, nemicitile iyabulungamo iya fita fyakwe mu Israeli. Elo abantu akwa Yawe balitentemwike kumpongolo yamu sumba. ¹² Alamuka, alamuka, Debora! Alamuka, Alamuka imba ulwimo! ina baraki ikata abafungwa bobe webo wemwana mwaume wakwa Abinoamu. ¹³ Elo abapusukile batentemwike kubakankala; abantu bakwa Yawe balishile kuli nebo abashilika. ¹⁴ Balishile ukufuam ku Efraimu abo ituntunko yabo yali muli Ameleki abantu bakwa Benjamini balimikonkele. ukufuma mubakulu bafita balitentemukile, elo ukufuma ku Sebuconi kwafumine abalikusenda inkonto yakwa cilolo. ¹⁵ Abana abaume bamfumu bandi mu Isakari bali na Debora; elo Isachari ali na Baraki balikubatuka panuma yakwe ukuya kumukonka ngefyo alikuku mukonkomesha, pakati kacikota cakwa Rubene, kwali ifyakufwaisha fyamutima. ¹⁶ Nindo iyo mwaikalike pakati kancende yamulilo mukoumfwa uko bakacema bakolisha icimpeta ku mikuni yabo? Pacikota cakwa Rubene kwali kufwaisha kukalamba kwa mutima. ¹⁷ Gileadi alikele kulubali lya Yordani, na Dani nindo alikwendaukila icibwato? nsha alishele kululamab lwaku nika nokwikala mupep ne fyabu fyakwe. ¹⁸ Sebulani wali mutundu uwinga-bika imyeo yabo mubwafya ukufika nakumfwa, kabili Naftali, naeba pampanga wabulwi. ¹⁹ Isha mfumu shalishile, shaliwile; imfumu shaku canani shalilwile pa Taanachi liba kumenshi yaku Meggido, Lelo tabasendele Silfere nge cakutapa. ²⁰ Ukufuma mumulu itanda shalilwile, ukufuma mutushila twabo ukuya kumyulu balikulewa na Sisera. ²¹ Inika ya Kishoni yalibasendele, iya niak yakale, inika ya Kishini. Shinguluak mumweo wandi, Kosa! ²² Elo kwaishile iciunda ca mabondo wabakabalwe bako tolauka, kunshindo shabo, ukula ukutolauka kwabakosa kwabo. ²³ 'Tipeni Merosi' ifyalanda malaika bakwa Yawe 'icine cine tipeni nabekalamo!-pantu tabalikwisa ku kwafwa Yawe-kukwafwa Yawe mubulwi nefita fikalamba; ²⁴ Yaele alipalwa ukucial abanakashi bonse, Yeali (umukashi wakwa Heberte umwina Keni), ali-palwa ukucila abanakashi bonse abekala muma Hema. ²⁵ Umwaume alilombele amhenshi elo alimupele ukukaka; alimuletele umukaka wakuotikama mulukombo ulusuma ulwakulinga abana bamfumu abaume. ²⁶ Alibikile ukuboko kwakwe ku cisomekelo ce hema, kabili alibikile ukuboko kwakukulyo, pacibombelo ca nondo; alipeye Sisera kunondo, alishinawile nomutwe wakwe. Alitobawile akabongoselo kakwe mutupimfya ulo amusepele ukupita lumbali yamutwe wakwe. ²⁷ Aliponene pakati kamakasa yakwe, aliponene nokulambalala palya pakati kamakasa yakwe aliboelele. Pancende apo awilile epo bamwipailile bubi bubi. ²⁸ Panse yansolokoto aliloleshe-nyina wakwa Siseya ali kulolesha ukupitila pacakupikulwa kabili alikutile mubucinda, 'nindo iceleta lyakwe lyacelelwa ukwisa? Nindo intampulo shabakabalwe isho ishitita iceleta lyakwe shicelelwe? ²⁹ Bana mfumu bakwe abamano balya swike, nao alipele ubwasuko bumo bwine. ³⁰ Bushe tabasangile nokwakana ifya kutapa fyansalu shapindulwa ishakwa Sisera, ifitapwa fyansalu ishapindulwa ishakupikula utupimfya twansalu shibili ishapindulwa isha kupikula kumikoshi yabo abali kutapa? ³¹ Eco abalwani benu bonse bangonaulwa, Yawe! lelo abanenu babe nga kasuba ilyo katula mumaka."Elo icalo cali kwete umutende pamyaka amakumi yane.