¹ Panuma yamfwa yakwa Ehudi, abantu bakwa Israeli nakabili balicitile icabubi ku menso yakwa Yawe. ² Yawe alibashitishe mu minwe ya kwa Yabine imfumu yaku Kenani uyo walikuteka mu Hasori. Mushika wamulalo wakwe ainikwe Sisela, uyo wali kwikala mu Halosheti Hagoyimu. ³ Abantu bakwa Israeli balikutile kuli Yawe ukuti abafwe, pantu Sisela alikwete amaceleta aya cela imyanda pabula, kabili ena alicushishe abantu ba kwa Israeli pa myaka amakumi yabili. ⁴ Nomba Debola, kasesema(Umukashi wakwa Lapidote), ena ali nikapingula uwali kutungulula mu Israeli pali ilya shita. ⁵ Ena ali kwila mwisamba lya lucindu lwakwa Debola pakati ka Rama na Betele mu calo camilundu ica kwa Eframu, na bantu bakwa Israeli bali kwisa kuli ena ku kuputwilwa imilandu. ⁶ Ena alitumine ukukuta Balaki mwana Abinoamu ukufuma mu Kadeshi mu Nafutali. Ena alimwebele ati, ''Yawe, Lesa wakwa Israeli, ali kukambishe webo, 'ulekuya ku lupili lwaTabole, kabili webo usende abaume amakana ikumi limo ukufuma ,mu nafutali na Sebuloni. ⁷ Nebo nkaleta Sisela, mushika wamulalo wakwa yabini ku kukumanya pa niika ya Kishoni na maceleta yakwe kabili nomulalo wakwe, kabili nebo nkakupa ukucifya pali ena.'' ⁸ Balaki alilandile kuli ena atin, ''umfwa webo ulekuya nandi, nebo nkoya, lelo umfwa webo tawaye nandi, nandi ntaye.'' ⁹ Ena alilandile ati, ''nebo nkoya nobe ukwabula ukutwishika. Nomba umfwe, ulwendo ulo koyamo webo talukokupo ululumbi lobe, ico Yawe akobika Sisela muminwe yamwanakashi.'' Nolu Debola alimine kabili alile na Balaki ku Kedishi. ¹⁰ Balaki alikutile abaume bamu Sebuloni na Nafutali ukwisa pamo pa Kedishi. Abaume amakana amakumi bali mukonkele, kabili na Debola alilile nakwe pamo. ¹¹ Nomba Habele(umwina Kenite) ena aliyipatwileko umwine ukufuma ku bena Kani- bena bali mu lupwa lwafumine muli Hobabi (wishifyala wakwa Mose)- kabili ena alitanikile Ihama lyakwe lubali lwa mukunwu mu Sananimu mupepi na Kadishe. ¹² Ulo babele Sisela ukwebati Balaki mwana Abinoamu alininine ukuya ku lupili lwa Tabore, ¹³ Sisela alilongenye yonse amaceleta yakwe, amaceleta yacela imyanda pabula, kabili ne fita fonse ifyali nakwe, ukufuma ku Halosheti Hagoyimi ukufika kunika ya kushoni. ¹⁴ Debola alyebele Balaki, ''kauye! ico ubu ebushiku ubo Yawe apele webo ukucimfya pali Sisela. Bushe Yawe takokuntungulula?'' Eco Balaki alitentemukile ukufuma pa lupili lwa Tabore na baume amakana ikumi limo bali kumukonka panuma. ¹⁵ Yawe alifulungenye Sisela na maceleta yakwe yonse nomulalo wakwe onse kukutwa kwa lupanga kabili Sisela alikile ukufuma pe celete lyakwe elo abubutuka ulobilo pa makasa. ¹⁶ Lelo Balaki ali sowele ama celeta nomulalo ukufika ku Halosheti Hagoyimi, kabili nomulalo onse uwakwa Sisela walifwile kukutwa kwa lupanga, kabili tapali umuntu wapuswike. ¹⁷ Lelo Sisela aile ulubilo ne nkasa ukuya kufika kwi hema lya kwa Yaele, umukashi wakwa Hebele umwina Keni, ico palyu mutende pakati kakwa Yabini Imfumu ya Hazore no mukowa wakwa Hebere umwina Keni. ¹⁸ Y aele alifumine ukuya ku kumukumanya Sisela kabili ali mwebele ati, ''alulukeni mwe shikulu wandi, alulukileni kuli nebo kabili mwitina.'' Eco ena alya lulukile kuli ena kabili alishile mwi hema lyakwe, elo ena amufimba icipikilo icakutikama. ¹⁹ Sisele alyebele Yebele ati, ''nko papata pelako tumenshi tunono nwe, ico nebo ndinecilaka.'' Ena aliswile icola campapa umo mwali umukaka kabili alimupele ena ukunwa, kabili nolu alimufibile nakabili. ²⁰ Sisela alyebele Yebele ati, ''Iminina pamwinshi we hema. umfwa umo ese no ku kwipusha webo ati, 'bushe pali umuntu umbi pamo?' , 'webe ati' awe'.'' ²¹ Nolu Yaele(umukanshi wakwa Hebere) alibulile umushimpo we hema kabili ne nonde muminwe yakwe kabili alingile kukati mubufisolo kuli ena, Ico ena ali mutulo utwine twine, kabili ali mupopele umushimpo we hema ku mutwi kulubali kwa kutwi ukusukafye wayingila na mu mushili, kabili ena alifwile. ²² Elo Balaki alikusowa Sisela, Yaele alifumine kukumuku manya noku mweba ati, ''Inseni, nebo komilanga umuntu mukofwaya.'' eco ena alile nakwe mukati kabili ali mwene Sisela alilele nafwa, nomushipo we hema kumutwe ku lubali lwa kutwi. ²³ Eco napali bulya bushiku Lesa ali cinfishe Yabini, imfumu ya Kenani, pamulola wa bantu bakwa Isreali. ²⁴ Bupomfu bwa bantu ba kwa Isreali bwali kukoselakofye, kabili bwali kukoselako ku bufumu bwa. kwa Yabini imfumu ya kenani, bena balisukile bamwipaya