¹ Abantu bakwa Isreali balicitile ifyabubi mu menso Yakwa Yewa, kabili alibapele mumaboko yakwa Midiani pa myaka cine lubali. Amaka ya bena Midiani yalicilile Isreali. pa mulandi pan myaka cinelubali. ² Amaka yabena Midiani yalicilile Isreali. pa mulandu wakwa Midiani, abantu bakwa Isreali baliipangile abene insaka ukufuma mu mendo iili mupili, mu ncengo no mwakufisama. ³ Calecitika ati inshita yonse abena Isreali babyala ifili mwa fyabo abena Midiani nabena Amaleke nabantu ukufuma ku kabanga abalikwisa mukusansa abena Isreali. ⁴ Balimukubika ifita fyabo mumpanga nokonaula ifilimwa fyabo, ukuyakufika fye naku sasa. Tabalimukusha icilyo ni ngombe nangu nimpunda. ⁵ Ulolonswe bakwata ifitekwa fyabo baimika nama Hema, balimukwisa kubati ni makanta uuwingi, kabili tacaangukile ukupenda abantu nangu bakabalwe babo. ⁶ Balimukwingila mu mpanga pakwebati bayonaule. Midiani alinashishe abena Isreali pamaka icakwebati abantu baklwa Isreali balililile Yawe. ⁷ Ulo abena Isreali balilile kuli Yawe pamulandu wakwa MIdiani, ⁸ Yawe alitumine kasesema ku bantu bakwa Isreali. Kasesema alibebele ati, ''Ifi efyo Yawe, Lesa wakwa Isreali, alanda; nalimiletele ukufuma mu Egupti, nalimifumisha mu nganda ya busha. ⁹ Namipokolwele kumaboko yabena Egupti, na kumaboko ya abo bonse abali mukumicusha. Nalibatamfishe ukufuma kuli mwebo, kabili nalimipele icalo. ¹⁰ Nalilandile kuli mwebo, ''Ninebo Lesa wenu Nalimikonkomeshe ukukana shinshimuna imilungu yabena Amore, abo mukoikala mu calo cabo.'' Nomba tamwakonkele ishiwi lyandi. ¹¹ Nomba malaika wakwa Yawe alishile nokwikala mwisamba lya mutelebinti mu Ofera, uwali wakwa Yoashi (umwina Abiesere), ulo Gideone, umwana mwaume wakwa Yoashi, alimukupatula ingano mukushipumina panshi mucakukaminamo imyangashi mukuifisa ku bena Midiani. ¹² Malaika wakwa Yawe alimonekele kuli ena nokulanda kuli ena, "Yawe ali nobe we mushilika wakukosa!'' ¹³ Gideone alilandile kuli ena, Alale, mweshikulu, nga Yawe ali na fwebo, nindo kabili fyonse ifi fyacitikile kuli fwebo? Ilipi imicitile yakwe yonse iyabune iyo bashifwe balimukutwebapo, ulo balandile ati, 'Bushe Yawe tatufumishe mu Egupti?'Nomba Yawe alitulekeleshe nokutupela mumaboko yakwa Midiani.'' ¹⁴ Yawe alimuloleshe nokulanda ati, ''kabiye mumaka wakwata kale. kapokolole Isreali mumaboko yakwa Midiani, ''Bushe nshakutumine?'' ¹⁵ Sideone alilandile kuli ena ati, ''Napapata, mwe shikulu kuti napokolola shani Isreali? Moneni, icikota candi ecaba icanakisha mu Manase kabili ndi uwakusulwa sana mu nganda yakwa tata.'' ¹⁶ Yawe alimwebele ati, ''Nkalekuli nobe, kabili ukacimfya ifita fyabena Midiani fyonse ngo muntu umo. ¹⁷ Sideone alilandile ena ati, ''ngacakwebati mulisekele muli nebo, ninshi mpeni icishibilo cakwebati nimwebo mukolanda nandibo. ¹⁸ Napapata, mwinsha pano, mpaka naisa kuli mwebo nokuleta icabupe candi nokucilanga ku cinso cenu.'' Yawe alilandile ati, ''Nkololela mpaka ubwele.'' ¹⁹ 4Gideone alilekupekanya imbushi iyiteku kabili ukufuma kuli efa wa bunga alipangileko umukate uwakubulo kututumuka. Alibikile inama mu cipe, kabili alibikile umuto mu nongo nokumuletela mwisamba lya cimuti ca mutelebenti, nokufipela. ²⁰ Malaika wakwa Lesa alilandile kuli ena ati, ''Bule nama no mukate uwakubulokututumuka nokubika pacilibwe ici, nokupongolwelapo umuto.'' Efyo Gideone. ²¹ Elo malaika wakwa Yawe alifikile no lutwe lwa nkonto yakwe muminwe. kuli lwena alikumishe inama no mukate wakubulokutumuka; umulilo walimine ukufuma cilibwe nokulye nama no mukate wakulokututumuka. Elo malaika wakwa Yawe alifuminepo na Gideoni tamumwene nakabili. ²² Gideoni alishibile ukwebati uyu ali ni makaila wakwa Yawe. Gideone alilandile ati, ''Alale, shikulu Yawe! ico ndimwene malaika wakwa Lesa icinso pa cinso.'' ²³ Yawe alilandile kuli ena ati, ''Umutende kuli webo! witina, tawafwe.'' ²⁴ Eco Gideone alikulile Yawe icipailo palya. Alicinikile ati, ''Yawe mutende,'' ukufika nobwa lelo cicili naciminina pa Ofera iya cikota cakwa Abiesere. ²⁵ Bulya bwine bushiku Yawe alimwebele ati, ''Senda ingombe yakwa Wiso iilume, nebubili ingombe iilume iikwete myaka cinelubali, kabili tobola icipailo cakwa Baali ico icili cakwa Wiso, nokuputula Ahera uyo uuli ku lubali lwaciko. ²⁶ kulila Yawe Lesa obe icipailo pamulu waici cifulo ca kushinamo, kabili ucipangile munshila iyakulungama. Pela ingombe iilume nge cabupe bwa koca, ukobomfya inkuni ukufuma kuli Ashere uyo wacitema.'' ²⁷ Eco sideon alibulile ikumi pababomfi bakwe nokucita ifyo Yawe amwebele. Nomba pamulandu wakutina abamunganda yakwa wishi nabaume bamumusumba ukucita akasuba, acicitile ukushiku. ²⁸ Ulucelo ulo abaume bamumusumba bashibukile icipailo cakwa Baali cititobaukile, elo na Ashere uwali kulubali lwa ciko baliciputwile, kabili ne ngombe iilumi iyabubili balipele cipailo ico icakulilwe. ²⁹ Abaume bamumusumba balilandile kuli umo nomunakwe ati, ''Nainani uucitilefi?'' Ulo balandile nabambi nokufwailisha amasuko, balilandile ati, ''Gideone umwana umwaume Yoashi eucitileici cintu.'' ³⁰ Elo abaume bamumusumba balyebele Yoashi, ati, fumya umwana obe umwaume pakwebati epayiwe, pantu alibongolwele icipailo cakwa Baali elo napamulandu wakwe bati aliputwile Ashere uwali kulubali lwa cikko.'' ³¹ Yoashi alilandile kuli bonse abamutalikishi ati, ''Nimwe mukoimininako Baali? mukomupususha mwebo? Onse uukomulandilako umulandu, nalengwe ukwipaiwa ulo lucili ulucelo. ³² Nga Baali mulungu, naipokolole umwine ulo umuntu umo abongolola icipailo cakwe.'' Eco pali bulya bushiku balinikile Sideone. ''Yerubi Baali,'' pantu alilandile ati, '''lekeni Baali, aipolole umwine kuli ena,'' pantu Gideone alibongolwele icipailo cakwa Baali. ³³ Nomba bonse abena Midiani, abena Amaleke, nabantu baku kabanga balilongene pamo. balyabukile ku bushilya bwa Yordani nokupanga mu mukonko wa Yeserele. ³⁴ Nomba umupashi wakwa Yawe walishile pali Sideone. Gideone alilishishe intandala, ukukuta icikota cakwa Abiesera, ukwebati limbi kuti bamukonka. ³⁵ Alitumine inkombe Monse mwa manase kabili nabo, balibetile ukumukonka. Kabili alitumine inkombe ku Ashere, sebuluni, na naftali, kabili balile mukumanya. ³⁶ Gideone alilandile kuli Lesa ati, ''ngamukofwaya ukubomfya nebo kuku lubula Isreali, ngefyo mulandile, ³⁷ Moneni nkobika amasako ya mpanga pacipumino panshi. Ngacakwebati icime caba fye pamasako ya mpanga, elo panshi ponse palyumine, lyena nkeshibati mukamomfya kukupususha Isreali ngefyo mwalandile.'' ³⁸ Ifi efyacitikile ulucelo lwakonkelepo Gideoni alimine pa macha, alikambantenye amasako ya mpanga pamo, elo akama icime ukufuma ku masako ya mpanga, icingi icakwisusha ibeseni na menshi. ³⁹ Elo sideone alilandike kuli Lesa ati, ''mwinkalipila, nalalanda umuku umo nakabili. Napapata nsuminisheni icakwesha nacimbi cimo ukubomfya amasako ya mpanga. uno muku kuleka amasako ya mpanga yauma, elo ukuleka icime panshi ponse ukuyashinguluka.'' ⁴⁰ Lesa alicitile ifyo amwipushishe bulya bushiku. Amasako yampanga yali ayakuma elo pali cime panshi ponse ukuya shinguluka.