¹ ifi efyo shikulu Yawe anangile. Moneni Umuseke fisabo fya ku lusuba! ² alilandiule ati, '' findo wa mona Amos?'' Nalilandile ati, ''ndi mwene umuseke wa fusabo, '' Elo Yawe alandile kuli nebo, '' Kwaisa impela ku bantu bandi abena Isreali; nshakabalekepo fyo nakabili. ³ Inyimbo sha mwi tempele shikaba imisowa mu bushiku balya cisemo cakwa shikulu Yawe ifitumbi ifingi, fikaposwa monse monse mu mutalalila. ⁴ Umfweni kuli ifi, mwebanyanta abakabila nokumya abalanda mu calo. ⁵ Balanda ati, ''nitilali umweshi upya ukapita pakuti tukashitishe uluseke nakabili? Nililali isabata lilepwa pakuti tushishe ingano? takacefya elo tukalunde umutengo, tukabepa ku icipimo. ⁶ Ifi efyo tukashitisha ifinangwa fya ngano, nokunonkela mu mulanda muli Silfere, no mubusu pa kulu kwa nsapato.'' ⁷ Yawe nalapa ku kucindama kwakwa Yakobo, ''cacine nsha kalabe imicitile yabo yonse.'' ⁸ Bushe pali ici tacakatenkane calo, na onse uwikalamo akaloshe? conse cakema no kutunkana nga naelo umumana kabili nokusunkana no kwibila ngo mumana na naelo mu Egupti. ⁹ ''Kabili cikesa muli bulya bushiku cisemo cakwa Yawe nkawisha akasuba ka mutwe, no kulenga ukufika mu calo inshita ya kubuta. ¹⁰ Nkasangula ne mitebeto yenu ye lambo iya kulosha ne nyimbo shenu shonse nkasangula sha bulanda. Mumisana yonse nkalengo ukufwalamo insamu na pa mutwe onse we pala. Nkalenga kukabe ngo kulosha umwana mwaume umo. ¹¹ Moneni, inshiku shikoisa ici ecisemo cakwa shikulu Yawe, elyo nkatuma icipowe mu calo, te cipowe ca mukate, nangula icilaka ca menshi, ica kumfwa ku cebo cakwa Yawe. ¹² Bakatalantanta ukufuma kuli bemba umo na kuya ku unankwe; bakabutuka ukufuma ku kapinda ka kunso ukufika ku kabanga mu kufwaya icebo cakwa Yawe, lelo tabakacisange. ¹³ Muli bulya bushiku bana cisungu na balumendo bakatembuka ku cilaka. ¹⁴ Bakalapa ku lubembu lwaku Samaria nokutila, ''Umweo wa mulungu obe we Dani; napamo, ''nga inshila yakwa Beere-sheba ikala; bakawa no kwima nakabili iyo.''