¹ Ifi efyo shikulu Yawe andangile moneni, alelenga makanta uwingi pakutendeka kwa kutanda kwa kulekelesha panuma ya kuputululwa kwa cani ca mfumu. ² Elyo apwile ukulya ifimenwa fyamu calo, elyo natile, ''Shikulu Yawe napapata mbeleleni uluse; yakobo akeminina shani? pantu ali umunono,'' ³ Yawe alangulwike pali ici.'' Tacakacitike, ''efyo alandile, Yawe alangulwike pali ici, ''Tacakacitike.'' efyo alandile. ⁴ Ifi efyo Yawe shikulu andangile; moneni, shikulu aita umulilo ku kupingula. caumika amenshi pe tenga panshi ya calo yalaswa yalya umulundu. ⁵ Elyo nalandile ati, shikulu Yawe, napapata lekeni, bushe yakobo akeminina shani? pantu ali umunono.'' ⁶ Yawe alilangulwuke pali ici, ''ici tacakacitike, ''Efyo shikulu Yawe alandile. ⁷ Ifi efyo andangilile; Moneni, shikulu aliminine mupepi ne cibumba icapangilwe ne ntambo ya kupiminako mu minwe yakwe. ⁸ Yawe alilandile kuli nebo, ''Amos findo wamona?'' nalandile ati, ''intambo yakupiminako,'' Elo shikulu alandile ati, ''Moneni ndebika intambo ya kupiminako mu kati ka bantu bandi abena Isreali. Nshakabelele nakabili. ⁹ Nefifulo ifikalamba ifya kupepelamo fyakwa Isaki fikonaulwa, na mwa mushilo mwa kwa Isreali mukonaulwa. Kabili nkalwisha aba nganda yakwa Yerobamu no lupanga.'' ¹⁰ Elo Amasia, shimapepo waku Betele, alitumine amashiwi kuli Yeroboamu, imfumu yabena Isreali; Amos amumanina akapi mukati ka ba nganda ya bena Isreali.Ne calo cafilwa ukushipikisha amashiwi. ¹¹ Pantu ifi efyo Amos alandile, ''Yeroboamu ali no fwa ku lupanga, na Isreali icacine ali nokuya muli bunkole ukufuma mu calo cakwe? ¹² Amesia alilandile kuli Amos, ''kamona, kabiye, butukila ku calo ca Yuda, nakulya ukalekulya umukate no busesemo. ¹³ Nomba wikasesema kabili kuno ku Betele, pantu emwa mushilo mwa mfumu kabili e nganda ya bufumu. ¹⁴ Elo Amos alilandile kuli Amasia, ''nshili kasesema nangula mwana kasesema. Ndi muceni kabili nsunga ifimuti fya mikunyu. ¹⁵ Lelo Yawe alisendele ukufuma mukumona umukumi no kuya, sesema ku bantu bandi bamu Isreali. ¹⁶ Nomba umfwa amashiwi yakwa Yawe. Iwe uleti, ''wisesema pali Isreali, kabili wilanda pamulandu wa nganda yakwa Isaki.'' ¹⁷ Eico ifi efyo Yawe alanda, ' umukashi obe akaba cilende mu musumba abana baume nabana banakashi bakawa ku lupanga, impanga yobe ikapimwa no kuyakanya; ukafwa mu mpanga iya kowela, na Isreali akaya muli bunkole ukufuma mu calo cakwe.