¹ Nalimwene shikulu aliminine pa cipailo, alilandile ati, ''uma pa mulu wa nceshi pakuti imangililo shitente. no kufifwanta pakuti fiponene pa mitwe yabo bonse, elo abashalapo nkabepaya no lupanga. tapali nangu umo ukubutu kabili nangu umo ukapusuka. ² Nga baimba bafika ku mbo, ukuboko kwandi kuti kwababula. Nangu banina ku, kulya kabekisha panshi. ³ Nangu bafisama pa mulu wa ngamila, palya nkafwaya no kumusanga. Nangula bafisama ku cinso candi pesamba lya mumana, palya nkatuma icisoka no kusuma. ⁴ Nangula baya muli bunkole, ukusendwa nabalwani babo, kulya nkaba ulupanga, nobepayaula. Nkabika amenso yandi pali bena nokuletapo ububi nokuletapo ubusuma iyoo.'' ⁵ Shikulu Yawe akumye calo ne calo ca sunguluka; na bonse abekalamo balosha, naco conse cikema ngo umumana, nokwibila nkabili ngo mumana wamu Egupti. ⁶ Niena eukula mu mulu imiputule ya pa mulu, mo kushimpa insaama yakwe panshi. Ewita amenshi yali bemba no kuyetila pa mulu we sonde Yawe e shina lyakwe. ⁷ ''Tamuli nga bantu baku kushi kuli nebo, mwebena Isreali, ifi efyo Yawe akolanda. Bushe tene nafumishe abana ba Isreali mu Egupti naba Pelishiti mu Krete, nabena Aramu ukufuma ku Kiri? ⁸ Moneni amenso yakulu Yawe yali ubu bufumbwa lubembu, nkaconaula pa menso ye sonde, kanofye ukukuna onaula inganda yakwa Yakobo Cisemo cakwa Yawe. ⁹ Moneni, nkapela icipoma, kabili ukasukanya inganda yakwa Isreali pa fyalo fyonse ngefyo ingano shisenswa mu lupe lelo nakwakapone panshi uluseke nangu lumo. ¹⁰ Bonse ababembu mu bantu bandi bakafwa ku lupanga na bonse alanda ububi tabwakatusange ukutukumanya'' ¹¹ Mu bushiku bulya nkemya ihema lyakwa Dabidi ilyo lya ponene, nokwisala impongolo. Nkemya fyonse ifyaonawilwe no kukula cipyacipya nga ifyo cali nshiku shakale, ¹² Ukuleku bamo bakwate umusashi wamu Edomu ne fyalo fyonse ifitwa pe shina lyandi ifi efyo Yawe alanda alacita ifi. ¹³ Moneni, inshiku shikoisa -ifi efyo Yawe alanda -ilyo uukolima akapalama ukosepa ukolima imyangashi akapalama ku okobyalka imbuto. Impili shitonya umwangashi uwalowa, no tupili tonse tukakonkoloka umwangashi. ¹⁴ Nkabwesha abantu bandi abena Isreali muli bunkole. Bakakule imisumba ya onawilwe no kwikalamo no kubyala imyangashi no kunwa umwangashi bakalima amabala no kulya ifisabo. ¹⁵ Nkabyala mu mpanga yabo, na kabili tayakalimbulwe ukufuma mu mpanga nabapele, ''ifya landa Yawe Lesa wenu.