¹ Ulo imfumu yanakashi ya Sheba yaumfwile ululumbi lwakwa Solomone,yaishile mukumwesha namepusho yakwafya, Yaishile nomulongo uukalamba ngashi, ne ngamali shapiitile ifye fungo, golide uwingi namabwe yauma umutengo ayengi,ulo yaishile kuli solomone, yamwebele fyonse ifyali kuba kumutima waiko. ² Solomone alyasukile amepusho yaiko yonse Takwali nangu cimo ivcali cakwafya kuli Solomone; takwali ilipusho nangu limo ilyo ashayasukile. ³ Ulo imfumu yankashi ya sheba yamwene amano yonse ayakwa Solomone ne sano akulile. ⁴ Ifilyo petebulo lyakwe imikalile ya babomfi bakwe, imilimo yababomfi bakwe ne fyakufwala fyabo, naba kasumika wakwe ne fyakufwala fyabo, ne lambo lya cakoca alikutuula pa nganda yakwa Yawe, camusungwishe apakalamba. ⁵ Yalandile ku mfumu, ''Ici cishinka, icebo naumfwile mu calo candi palwa fyebo fyobe na mano yobe. ⁶ Nshacetekele ifyo naumfwile ukufikila ulo naishile kuno, kabili nomba amenso yandi yalifimwene. Tafyafikile citika ifya ebelwe kuli nebo palwa mano ne fyuma fyobe! ulicilile napa lulumbi ulo naumfwile. ⁷ Ifyo bapalwa abaume bobe, nefyo bapalwa ababomfi bobe abeminina lyonse kuli webo, pantu bomfwa amano yobe. ⁸ Apalwe Yawe Lesa obe, uwasanga ukubekwa muli webo, uwabikile webo pa cipuna cakwe, nkuba imfumu kuli Yawe lesa obe. Pantu Lesa obe alitemenwa Isreali, ukuleka abapampamike umuyayaya, abikile webo ukuba imfumu pali bena ukuleka ucite ubupingushi no bulungami!'' ⁹ Yalipeele imfumu bakikari ba golide umwanda na makumi yabili nefye fundo ifingi ngashi na mabwe yauma umutengo. Takwabalile akubapo ifyefungo ngefi ifyo imfumu yanakashi ya sheba yapeela kuli Solomone. ¹⁰ Ababomfi bakwa Hiramu naba bomfi bakwa Solomone, bal;i kuleta golide ukufuma ku Ofiri, balikuleeta ne milando ya mialmigi na mabwe yauma umutengo. ¹¹ ''Ku milando ya Mialmugi, imfumu yapangileko amatabo ya munganda yakwa Yawe ne nganda yakwe, na bansango na mapango ifya ba kemba. Takwabala akumonekapo imilando iyakuba ngeyi mu calo Yuda. ¹² Imfumu Solomone alipeele kuli namfumu waku Sheba conso ico yafwaile na conse ico yaipwishe; apeele namfumu ukucila pafyo yaletele ku mfumu kanshi yalifumineko nokubwelela ku calo caiko, yena na babomfi baiko. ¹³ NOmba ukufina kwa golide waishile kuli Solomone mu mwaka umo kwali bakikari ba golide imyanda mutanda amakuwi mutanda na mutanda. ¹⁴ Ukulundapo na golide uyo abamakwebo na basulwishi bali kuleta. imfumu shonse isha mu Arabia na balashi mu calo nabo bali kuleta golide na Silfer kuli Solomone. ¹⁵ Imfumu Solomone yalipangile ifishanga imyanda abili ifya golide watapwa. imyanda mutanda yaba shekele wa golide ebali kwingila mu cishangu cimo. ¹⁶ kabili apangile imyanda itatu iya nkwela kuli golide watapwa. Ba mani batatu ebali kwingila muli cila nkwela; yashibikile mwisano lya mu mutengo wa mu lebanone. ¹⁷ lo imfumu yapangile icipuna cabumu ku meno yansofu no kupaminako golide walopololwa. ¹⁸ kwali amatabo mutanda ukufika pa cipuna, neca kubikapo amakasa icalambatikwa ku cipuna. cila lubali lwa cipuna kwali apakusanshika amaboko ne nkalamo shilibili shaiminine cila lubali lwa fiko. ¹⁹ Inkalamo ikumi na shibili shali kwiminina pa matabo, imo cila lubali lwa matabo yonse mutanda. Takwalipo icipuna cakuba ngeci mu bufumu ubuli bonse. ²⁰ Ifipe fyonse ifyakunwenamo ifya mfumu solomone fyali kuba fya golide, kabili ifipe fyonse ifyakunwenamo mwisano lya mutengo wa mu Lebanone. Tapalipo ica Silfere pantu Silfere wacitilwe wakubulwa kantu kantu mu nshiku sha kwa Solomone. ²¹ Imfumu yalikwete pali bemba ingalaba sha pali fibemba, pamo ne ngalaba shakwa Hiramu umuku umo pa myaka iatu ingalaba shali kuleta golide, silfer, na meno ya nsofu, pamo na fikolwe fikalambo nabakolwe bamapemba. ²² Kanshi imfumu Solomone alipitilepo napa mfumu shonse isha calo mu fyuma na mano. ²³ Ne shamfumu shonse isha pesamba lya calo shali kufwaisha ukubapo kwakwa Solomone ukuleka balekumfwa ku mano yakwe, ayo Lesa abikile mu mutima wakwe. ²⁴ Bonse abatandashi balikule ifya kutula ifipe fya silfere nefya golide, nefyakufwala. ifyanso, ne fyefungo pamo na bakafwalo, ne mfalashi umwaka na mwaka. ²⁵ Solomone ali ne milimba amakana yane iya bakafwalo na maceleta, na makana ikumi na yabili iya ba pali ba kafwalo, abo atekele mu mishi ya bamaceleta nabo aisungile umwine mu Yerusalemu. ²⁶ Alitekele pa mfumu shonse ukutula pa mumana wa yufrate ukuya kufita ku calo caba pelishiti, naku mupaka wa Egupti. ²⁷ Imfumu yali na silfer mu Yerusalemu, pamo na mabwe yambi mu mushili. Alengele imiti ya mikedari ukufuka nga imikunyu yamu shefela isha mwisamba lubali. ²⁸ Balikuleta bakafwalo bakwa Solomone ukufuma ku Egupti namu ncende shimbi. ²⁹ Lelo imilandu imbi yakumine Solomone, iyakubalipo na ku mpela, bushe tayalembwa mu milandu yakwa Natani kasesema, na mu masesemo yakwa Ahiya umwana shilo, na mu fimonwa fyakwa Ido kamona (umo kabili mwali ilyashi pali Yeroboamu umwana mwaume wakwa Nebati)? ³⁰ Alilele pamo nefikolwe fyakwe nabantu bamushikile mu mushi wakwa Dabidi wishi. Reho baomu, umwana wakwe umwaume, atolele amalo ya bufumu mwi punda lyakwe. ³¹ Elo afwile, alishikilwe umusumba wakwa Dabidi, alyo ba ineke ba wishi bakwe. Elo mwana wakwe Roabaomu aishile kuba imfumu yakokelepo.