¹ Caishile kuba pa mpela ya myaka amakumi yabili, ulo Solomone akulile inganda yakwa Yawe ne nganda Yawe umwine. ² Solomone akululwile imishi iyo Hiramu apeela kuli ena, kabili aliteekelemo abantu ba mu Israeli mu shene. ³ Solomone asanshile Hamatisoba no kuunwisha. ⁴ Alikulile na Tadmore mu matololo, ne misumba yakututilamo yonse, iyo akulile mu Hamati. ⁵ Kabili alikulile Bete-horeo wapa mulu na Bete-horenw wakwisamba, imisumba yashingulwikwe ne fibumba, impongolo, ne mipindo. ⁶ Alikulile Baalati ne misumba yonse iyakututilamo yali kuba yakwe ne misumba yonse iya maceleta ne misumba ya ba pali bakafwalo, na fyonse fyo afwaile ukukula ku kuisekesha nu Yerusalemu, mu lebanono, na mpanga yonse yali mu butungulushi bwakwe. ⁷ Lelo kubantu bonse abo bashelepo mu bena hiti, abena Amore, abena Perisi, abena Hibi, na bena Yebusi abatali kuba bamu bena Isreali, ⁸ Abamu cikota cabo abashelepo mu chalo, abo abena Isreali bashaonauwile-Solomone abacitile ukuba ababomfi bamulaasa, ifyo baba nokufikila nakuli lelo. ⁹ Nangu Gibe ifyo, Solommone tacitilepo abana ba Isreali ukuba ababomfi bamulasa, lelo baishile kuba ifita bamushika wakwe, bacilolo wakwe naba mushika ba pa maceleta yakwe na ba pali bakafwalo bakwe. ¹⁰ Naba ebali kuba bacilolo bakalamba abali kwangilila pali bakateeka wamilimo eabali kuba ba mfumu Solomone, imyanda ibili na makumi yasano efyo bali, abali kuteeka bantu bali kubomba imilimo. ¹¹ Solomone aliletele umwana mwanakashi wakwa Farao ukufuma mumusumba wakwa Dabidi ukwisa ku nganda amukuulile, ico alandile, ''umukashi wandi tengekala mu nganda wakwa Dabidi imfumu yakwa Isreali, pantu ponse apaisa icipao cakwa Yawe pa mushilo.'' ¹² Elo Solomone apeele ilambo lya cakoca kuli Yawe pa lufuba lwakwe ulo akuulile ku ntanshi ya muputule wa kwingililamo ¹³ Alikutuula amalambo umwali kubeela umutande wa cila bushiku; alikuyatuula, mukulola namu makambisho yali kusangwa mu mafunde yakwa Mose, pa masabata, panshiku umweshi wamoneka, napa nshiku sha mitebeto yalingwa pamiku wamoneka, napa nshiku sha mitebeto yalingwa pamiku itatu cila mwaka; umutebeto wa cishatutumuka, umutebeto wa milungu(inshiku cine-lubali), nemitebeto ya nsakwe. ¹⁴ Pamulandu wakulama ifyakushika fyaitilwe na wishi Dabidi, Solomone asontele ifiputulwa fya ba Shimapepo ku milimo yabo na bena lebi ku fiputulwa fyabo, pakupepa Lesa nokupyungila pa cinso caba shimapepo umwabelele umutande wa cilabushiku. kabili asontelepo abakubaka impongolo mu fiputulwa fyabo pali cila mwinshi pantu Dabdi, umuntu wakwa Lesa, nao akambishe pali ici. ¹⁵ Aba bantu tababalile patuka ukufuma ku mafunde ya mfumu aya pali bashimapepo na bena Lebi pafikumine umulandu onse, nangula ifikumine umwakututila. ¹⁶ Imilimo yonse yafwaile Solomone yalipwile ukutula ubushiku umufula wa nganda yakwa Yawe wa shimpilwe ukusukila nokupwa kwa iko. Inganda yakwa Yawe yalipwile. ¹⁷ Elo solomone aile ku Esione-gebere elo kabili ku Elote pa mbali lwa bemba, mu mpanga ya Edomu. ¹⁸ Hiramu alimutumine ingalaba mu maboko ya bacilolo bakwa abaume baishibe bemba, na babomfi bakwa Solomone baile ku Ofiri no kuya kuleta ukufuma kulya imyanda ine namakumi yasano ya bakikari wa golide no kuleta ku mfumu Solomone.