¹ Nomba ilyo Solomone apwile ukupepa, umulilo waliponene ukufumu mu mulu no koca ca bupe na malambo, no bukata bwakwa Yawe bwaiswile mu nganda. ² Bashimapepo tabaingile mu nganda yakwa Yawe, pantu ubukata bwakwa Yawe bwaiswile mu nganda yakwe. ³ Na bana ba Israeli balimwene umulilo ulepona no bukata bwakwa Yawe pa nganda, balikonteme ne finso panshi apalambatikwa amabwe balapepa no kutolela Yawe. Batile ati, ''pantu musuma, pantu lwamuyayaya uluse lwakwe.'' ⁴ Elyo imfumu na bantu bonse balipele ilambo kuli Yawe. ⁵ Imfumu Solomone alipele ilambo lya ngombe ishilume amakana amakumi yabili na yabili elo na amakana umwanda na makana amakumi yabili impanga ne mbushi. Efyo imfumu na bantu bonse bakupawile inganda yakwa Lesa. ⁶ Bashimapepo baliminine cila muntu apo abombela; nabe Lebi ne fisolobesho fya kuli shishako inyimbo shakwa Yawe, ifyo Dabidi imfumu yapangile mu kutolela kuli Yawe mu nyimbo, ''pantu lwamuyayaya uluse lwakw.'' bonse bashimapepo balilishishe amapanga apalungatene nabo, nabena Isreali bonse baliminine. ⁷ Solomone ashishishe mukati ka lubansa pa cinso ca nganda yakwa Yawe. pantu emo acitile ifya bupe fya ocewa aefya mafuta fya mutende, pantu icipailo ca mukuba ico Solomone acitile calicepele ukubikapo icakuninika ne ca bunga ne fya mafuta. ⁸ Elyo Solomone alipangile umutebeto we lambo mu nshita ilya pa nshiku cine lubali nabena Isreali bonse pamo nankwe, ukulongana ukukalamba nganshi, ukutula pa Hamati ukufika pa mupaka wa Egupti. ⁹ Mu bushiku bwalenga cine konse konse balicitile ukulongana kwa bulanda, balisungile ukupalwa kwa cipailo pa nshiku cine lubali, no mutebeto we lambo panshiku cine lubali. ¹⁰ Pa bushiku bwalenga amakumi yabili na shitatu ku mweshi wa cine lubali, Solomone alitumine abantu ukufuma pa mayanda yabo ne sansa kabili ne mitima iyasekelela pa busuma ubo Lesa acitile ku Dabidi, Solomome nakubena Isreali abantu bakwe. ¹¹ Efyo Solomone apwishishe inganda yakwa Yawe ne nganda yakwe. Na conse icaishile mu mutima wakwa Solomone ku kucita mu nganda Yawe na mu nganda yakwe , ali citile fyonse bwino. ¹² Yawe alimokele kuli Solomone ubushiku no kulanda kuli ena ati, '' Nigufwe pepo lyobe, kabili ninsala pano pantu ku kube nganda ye lambo. ¹³ Nga cakuti naisale myulu pakuti kwikamabako imfula, nangu naeba makantu ukusansa icalo, nangula natuma icikuko pa bantu bandi, ¹⁴ Elo abantu bantdi, abo abetwa pe shina lyandi bakainasha abene ukupepa, ukufwaya icinso candi, no kubwela ku mibele yabo ibi, nkomfwa ku mulu. kelela amasambi yabo kuposha icalo cabo, ¹⁵ Nomba amenso yandi yakesuka pamo na matwi ukufwisha ku mapepo yakacitwa pamo pantu. ¹⁶ Pantu nomba nisala no kushisha ino nganda ku mkubamo ishima lyandi ukufika umuyayaya. Amenso yandi no mutima wandi fikabamo inshiku shonse. ¹⁷ Nomba webo, nga wakulaenda mu cinso candi ngefyo Dabidi wiso alikwenda, ku kucita conse ico nakweba no kubake ifipope fyandi ne fya bupingushi fyandi. ¹⁸ Elyo kapampamike icipuna ca bufumu, ngefyo mapingene na Dabidi wiso nga nalanda ati, '' takwakabule mu luko lyenu uwa kufilwa ukuteka Isreali. ¹⁹ Lelo nga mwafutatuka, nokusula ifipope ifyo nabika pali mwebo, no kuya mukulumbanya imilungu imbi nokuifukamina wena, ²⁰ Lyena nkabanukula pa mpanga iyo nabapele, neiyi nganda iintu nashishishemo ishina lyandi nkaiposa ifume pa cinso candi, no kuibika ukuba ipinda kabili icakuse kesha mu bantu na bantu. ²¹ Ne nganda ino iyabe iyapulamo, onse ikapitamo akapapa no kupeshiwa amano. Bakepusha ati, 'ni pa cinshi Yawe acitila icalo ne nganda ifi? ²² Bambi bakasuka ati, 'pantu balisulile Yawe Lesa wabo, uwafumishe ifikolwe fyabo mu calo ca Egupti, kabili baikatilile imilungu imbi balishinshimwine no kuibombela. Eico Yawe aletela ububi bonse ubo pali bena.''