¹ Elyo Solomone alandile ati, ''Yawe alilandile ukwikala umwafitisha, ² Lelo nimikulile inganda iya sansuka umwakwikala umuyayaya." ³ Elo imfumu yalipilibwike no kupala uluta lonse ulwa bena Isreali, elyo lonse ulukuta lwa bena Isreali lwaliminine ⁴ Alilandile ati, ''lekeni Yawe, Lesa wabena Israeli, alumbanishiwe, uwa landile kuli Dabidi tata, nokufisha ukuboko kwakwe, alilandile ati, ⁵ Ukutula pa bushiku ubo nafumishe abantu bandi mu calo ca Egupti, nshasalile umusumba wa mu mikowa yonse yabena Isreali ku kukulamo inganda, yakubamo ishina lyandi, kabili nshasalile umuntu nangu umo ukuba cilongo pa bantu bandi abena Isreali. ⁶ Nomba ndisalile Yerusalemu, pakuti ishina lyandi emo likekale, kabili ndisalile Dabidi ukuba pa bantu bandi abena Isreali.' ⁷ Nomba cili ca mu mutima wakwa tata Dabidi, ukukula inganda mwishina lyakwa Yawe, Lesa wabena Isreali. ⁸ Lelo Yawe alilandile kuli Dabidi tata, 'mulandu wakuti cali ca mumutima ukukulalila ishina lyandi inganda walicitile bwino pakuti abe mumutima obe. ⁹ Nangu cingaba ifi, taufwile wakula inganda, umwana obe mwaume, uukafuma kumwana obe akabula inganda mwi shina lyandi ¹⁰ Yawe alifishishe icebo ico alandile, pantu ndishibe ndimine mwi punda lyakwa Dabidi tata, kabili ndikele napa cipuna ca bufumu bwa Isreali, nge fyo Yawe alalile. Nikula inganda pe shina lyakwa Yawe, Lesa wakwa Isreali. ¹¹ Ni mbikamo ne cipao, ecipangano cakwa Yawe ico apangile naba ba Isreali.'' ¹² Solomone aminine ku cinso cacipailo cakwa Yawe Lesa pa mulola wa lukuta lose ulwa bena Isreali, no kufungulula indupu shakwe. ¹³ Pantu alipangile icakwiminapo ba mukuba, ubutali bwaciko imikono isano no bufumo bwaiko imikono isano ne cimo caciko imikono itatu, nalicibikile pakati ka lubansa lwakulililwa. aimine pali ici no ku fukama panshi pa mulola wa lukuta lonse lwa bena Isreali afungulwile indupi shakwe no kulosha ku mulu. ¹⁴ Alilandile ati, Yawe Lesa wabena Isreali takwaba Lesa umbi nga webo mu myulu and nangula pano isonde, uusunga icipangano no luse ku babomfi benu abenda mu cinso cenu mu mitima yabo yonse. ¹⁵ Mwe babakilila umubomfi wenu Dabidi tata, ico mwalalile ku ena. Ee mwalilandile ku kanwa kabili mwafilishe na kuboko kwenu. nga fyo cili buno bushiku. ¹⁶ Na nomba Yawe Lesa wa bena Isreali, bakililemi ifyo mwalaile umubomfi wenu Dabidi tata ilyo mwalandile ati, ''takwakabulwe kuli imwe pa cinso cenu umwana uwakwikala pacipuna ca bena Isreali; kano fye abalupwa lobe nga babaka imibele yabo ca bena Isreali; kanofye abalupwa lobe nga babaka imibele yabo no kwendela mu malango yandi ngendi, ngefyo waendele ku cinso cani.' ¹⁷ Nomba mwe Yawe, Lesa wabena Isreali lekeni amashiwi yenu yafikilishiwe ayo mwalandile ku mubomfi wenu Dabidi. ¹⁸ Bushe Lesa icinecine engekala nabantu pamo calo? Moneni, yonse imyulu no mulu ifine tekuti imukumane, pali bufi ili itempele ili nkulile! ¹⁹ Eico napapata cindikeni ili pepo ilya mubomfi wenu na kukukabila kwakwe, Yawe Lesa wandi; umfwemi kukulila na kukupepa uko umubomfi wenu alepepa ku cinso cenu. ²⁰ Lekeni amenso yenu yesuke no ku lolesha pe tempele akasuba no bushiku incende iyo mwalaile ukubikapo ishina lyenu lekeni mumfwe kwi pepo lya mubomfi wenu alepepa ukulola kuli iyi ncende. ²¹ Kanshi umfweni ukukabila kwa mubomfi wenu na bantu benu abena Isreali ilyo bakalapepa ukulola kuli iyi ncende. Ee, umfweni ukufuma ku ncende mwaikelepo, ukufumu mu mulu, kabili nga mwaumfwa mubelele uluse. ²² Nga umuntu obembuka kamanakwe no kulengwo kulapo umulapo, ilyo aisa alapa ku cinso ca cipailo cenu mu nganda ino. ²³ Umfweni mu mulu no kucita pinguleni ababomfi benu ukukanda unubifi ukumuletela imibele yakwe pa mutwe wakwe. Nokupela insambu ku mulungami ukumupela umwabelo umulungami bwakwe. ²⁴ Ilyo abantu benu Isreali bapumwa ku balwani pantu babembukila mwebo, nga babwela kuli mwebo, nokupapata ku cinso cenu, ukupepa, no kulomba ubwelelo kuli mwebo muli ili tempele. ²⁵ Elo kabili mukomfwe mu mulu mulekelele no lebembu lwa bantu benu abena Isreali; no kuleka bakekale mu calo ico mwapele kuli bena nakufikolwe fwabo. ²⁶ Nga imyulu yaisalika ne mfula takuli pantu abantu balibenmbwike kuli mwebo, nga bapepa ukolola kuli iyi cende, batotela ne shina lyenu, nokubwela ku membu shabo pantu mwabacusha, ²⁷ Lyena umfweni mu mulu no kulekelelo ulubembu lwa babomfi benu na bantu benu abena Isreali, nga mwabalanga imibele isuma iyo bafwile ukwendelalamo. Tumeni imfula pa calo cenu, ico mwapele ku bantu benu nge cakupyana. ²⁸ Napamo muli icipowe mu calo napamo muli ubulwele, mwaba ukukunkutana kwa mabula nangu ukufufuma, makanta nangula ifishimu, nangula abalwani babo bapuma umusumba ne mpongolo mu calo cabo, nagula icikuko no bulwele. ²⁹ Nomba nga cakuti amapepo no kupapata kwacitwa no muntu nangula ku bantu bonse abena Isreali, onse ukwishiba ifikuko no bulanda mu mutima ilyo alefungula indupi shakwa ukulola kuli iyi nganda. ³⁰ Lyena imwe umfweni ku mulu, incende iyo imwe mwikalako; mwele no kulambula umuntu onse umwabela imibele yakwe; mwalishiba umutima wakwe, pantu imwe mwaishiba imitima ya bana babantu. ³¹ Citeni ii pakuti bamutine, pantu bende mu mibele yenu inshiku shonse isha bwikalo bwabo mu calo ico mwapele ifikolwe fyabo. ³² No mulebeshi uushili wa mu bantu bobe abena Isreali, pamulandu we shina lyenu ilikulu, ne minwe yenu iyakosa kuboko kwenu ukwatambalikwa, baisa no kupepa ukulola ku nganda iyi, ³³ Kabili napapata umfweni mu mulu, incende iyo mwikalamo, citeni shonse ico umulebeshi amwipusha kuli mwebo, pakuti abantu bonse abapamo Isonde beshibe ishina lyenu no kumutina, ificita abantu benu abena Isreali, no kuti beshibe ukuti iyi nganda nakula ya inikwa ishina lyenu. ³⁴ Ngacakuti abantu baya ku kulwa na balwani babo, mu nshila yonse iyo mungabatuminamo, nga cakuti balipepele ku mwebo ukulola ku musumba uyo mwasalile, na ku nganda iyo nakulile mwishina lyenu. ³⁵ Lyena mumfwe ku mulu ku kupepa, kwabo no kupapata kwabo no kubalwila. ³⁶ Nga babembuka kuli mwebo, pantu tapali umuntu ushibembuka, napamo mwabakalipila no kubapela ku balwani, pakuti abalwani babatwale muli bunkole mu calo cabo, ukutali nangu mupepi. ³⁷ Nomba ngakuti baishiba ukuti bali mu calo baletwamo bunkole, nakabili bapapata kuli mwebo no kulomba ubwelelo kuli mwebo mu calo ico bayamo bunkole Ngabalandile ati, 'twabembuka, twapuluka twacita ica muselu; ³⁸ Ngacakuti babwelela kuli mwebo ne mitima yabo yonse kabili ne myeo yabo mu calo umo baba bunkole, umo basenda nga bankole, ngacakuti bapepele ukulola ku calo cabo, ico wapele ku fikolwe fyabo, no kulola ku musumba uyo wasalile, nakabili ukulola ku nganda iyo nakulite pe shina lyenu. ³⁹ Elo umfweni ukufuma ku myulu, incende iyo mwikalako kumapepo yabo nokupapata kwabo no kubalwila. Muleela abantu benu ababembuka kuli mwebo. ⁴⁰ Nomba, Lesa wandi, ndelomba shilekeni amenso yenu yesuke, na natwi yenu yomfwikishe ku mapepo yacitwa muno muntu. ⁴¹ Nomba imeni, Yawe Lesa, ukwisa ukwakutusha kwenu, imwe ne cipao ca bukose bwenu. lekeni bashimapepo benu Yawe Lesa, bafwale ifye pusukilo, nabacetekela basamwe mu busuma bwenu. ⁴² Yawe Lesa mwiyalula icinso caba subwa ukufuma kuli mwebo sungeni mumatontonkonyo yenu ifya cipangano no kubela kwa kwa Dabidi umubomfi wenu.''