¹ Rehoboamu alile ku shekemu pantu Isreali yonse yalikwisa ku Shekemu ku ku mucita imfumu. ² Ulo Yeroboamu umwana mwaume wakwa Nebati alicumfwile ici (pantu ali mu Egupti, umo afulumukile ukufuma ku mfumu afulumukile ukufuma ku mfumu Solomone), ali bwelulukile ukufuma ku Egupti. ³ Eco balitumine no kumukuta na Yeroboamu no lukuta lonse ulwa Isreali lwalishile; balilandile kuli Rehoboamu no kutila, ⁴ ''Wiso ali citile ikoli lyesu nkwafya nomba eco kanshi cito mulimo wakosha wiso ukwanguka, elo angushako ikoli lyafina ilyo abikile pali fwebo, kabili tukakubombela.'' ⁵ Rehoboamu alilandile kuli bena, ''mukabwelu lukile nakabili kuli nebo panuma yanshiku shitatu, ''eco abantu balile. ⁶ Imfumu Rehoboamu yalipwishe na baume abakalamba abali kwiminina kuntanshi yakwa Solomone Wishi mu nshita ali uwa mweo; alilandile, '''kuti mwampandamano nshi kukuleta ubwasuko kuli aba bantu? ⁷ Balilandile kuli ena no kutila, ''nga muli bwino kuli aba bantu elo mikobasekesha, no kulanda amashiwi ayasuma kuli bena, elo bakaba ababomfi benu lyonse.'' ⁸ Lelo Rehoboamu ali sulile ukupanda amano kwa baume abakalamba uko bamupele, nokuya kwipusha abalumendo abalikukula pamo na ena, abali kwiminina kuntanshi yakwe. ⁹ Alilandile kuli bena, ''kupanda amano nshi mukompele, ukwakwebati twingasuka abantu abalandile kuli nebo no kutila, angushako ikoili ilyo wiso abikile pali fwebo?'' ¹⁰ Abalumendo abali kukula pamo na Rehoboamu balilandile kuli ena ukweba ati, ''Ifi efyo ufwile ukulanda ku bantu aba kwebele ukwebati wiso Solomone ali citile ikoli lyabo ukufina, lelo ukwebati ulingile ukuli cita ukwanguka. Ifi efyo ufwile ukulanda kuli bena, Akantengesha kandi kali kulile uku cila umusana wakwa tata. ¹¹ Eco nomba, nangu tata wandi alimitwikile ne koli ilyakufina, nkalundfako kwikoli lyenu. Tata wandi ali mu limwine ku fikoti, lelo nebo nkamilimwina ku ba kaling'ongo.'' ¹² Eco Yeroboamu na bantu bonse bali shile kuli Rehoboamu pabushiku bwalenga butatu, nga filya imfumu yalandile, ''mukabwelulukile kuli nebo pabushiku bwalenga shitatu.'' ¹³ Rehoboamu alilandile kuli bena bukali bukali, ukuleku suula ukupanda amano kwa baume abakalamba. ¹⁴ Alilandile kuli bena ukulekukonka ukupanda amano kwa abalumendo, ukweba ati, ''Tata wandi alicitile ikoli lyenu ukufina, lelo nkalundako kuli lyena. Tata wandi ali milimwine ku fikoti, lelo nebo nkamilimwina kuli bakaling'ongo.'' ¹⁵ Eco imfumu tayaumfwile kubantu, pantu cali kwaluka mu milandu yaletelwe na Lesa, kwebati Yawe kuti asendela kunse icebo cakwe ico Ahiya umwina shilo kuli Yeroboamu umwana mwaume wakwa Nebati, ¹⁶ Ulo Isreali yonse yamwene ukwebati Imfumu tayaumfwile kuli bena, abantu balimwasukile kabili balilandile, ''cakaniko nshi tukwete muli Dabidi? Takukwetemo icakupyaninina mu mwana mwaume wakwa Jesse; cila muntu afwile ukubwelulukila kwi Hema lyakwe, Isreali, nomba mona ku nganda yobe, yali bwelulukile kuma Hema yabo. ¹⁷ Lelo pabantu baume Isreali abalekwikala mu misumba yamu Yuda, Rehoboamu alitekele pali bena. ¹⁸ Elo imfumu Rehoboamu yalitumine Adoramu, uyo wali kwangalila abali kubomba abantu bamu Isreali balimupolele kumfwa na mabwe. Imfumu Rehoboamu yalifulumikile bwanmgu bwangu mwi ceteta lyakwe ku Yerusalemu. ¹⁹ Eco Isreali yaliba muku sangukila aba munganda yakwa Dabidi kuli bumo bushiku.