¹ Ulo Rehoboamu afikile mu Yerusalemu, alilonganikile abanganda yakwa YUda na Benjimoni, amakana umwanda umo na makana amakumi cine konse konse (180, 000) abaume abasalilwe abali ifita ku kulwa na Israeli, kuku bwesesha ubufumu kuli Zehoboamu. ² Lelo icebo cakwa Yawe cali shile kuli Shemaya umuntu wakwa Lesa, alulanda ati, ³ ''Landa kuli Rehoboamu umwana mwaume wakwa Solomone, imfumu yamu Yuda, elo kuli Isreali Yonse mu Yuda na Benjamini, ⁴ 'Yawe alanda ici, ''Tamulingile ukusansa nangu ukucito bulwi kuli ba wenu. cila umo alingile ukubwelulukila kunganda yakwe, pantu ndi lengele ici kukucitika,'' Eco balyumfwilile amashiwi yakwa Yawe elo balibwelulukile ukufuma kukusansa Yeroboamu. ⁵ Rehoboamu alikele mu Yerusalemu elo alikulile imsumba mu Yuda ku kuicingilila. ⁶ Alikulile Betelehemu, Etamu, Tekoa, ⁷ Betsuri, Soko, Adalamu, ⁸ Gati, Maresha, Sifi, ⁹ Adoraimu, Lakishi, Aseka, ¹⁰ Sora, Ayalone, Hebrone Iyi emisumba yakoseshiwile mu Yuda na Benjamini. ¹¹ Alikoseshe amalinga elo alibikile bamushika muli fyena, na matala yafya kulya, amafuta no mwanganshi. ¹² Alibikile nkwela na mafumo muli yonse imisumba elo alifikoseshe ngashi. Eco Yuda na Benjamini bali shile kuba kuli ena. ¹³ Bashimapepo nabena Lebi abali kuba mu Isreali yonse balile kuli ena ukuleku fuma muli mipaka yabo. ¹⁴ Pantu abena Lebi balishile impanga shabo isha mulemfwe ne fyuma pakwebati bese ku Yuda na Yerusalemu, pantu Yeroboamu na bana bakwe abaume balibafumi shemo, pakuti babombe milimo yabushimapepo yakwa Yawe. ¹⁵ Yeroboamu aliisontele umwine bashimapepo bapancende shapa mulu ne mbushi ne fiponti fya tulubi twa ngombe apangile. ¹⁶ Abantu ukufuma mu mitundu yonse iya Israeli balishile panuma yabo, abo abali kubika imitima yabo, abo abali kubika imitima yabo ku kufwaya Yawe, Lesa waku Isreali; balishile ku Yerusalemu ku kutuula kuli Yawe, Yawe Lesa waba shibo. ¹⁷ Eco balikoseshe ubufumu bwa kwa Yuda elo bali Rehoboamu umwana mwaume wakwa Solomone ukulekukose mu myaka itatu, elo balyendele imyaka itatu mu nshila yakwa Dabidi na Solomone. ¹⁸ Rehoboamu aliyupile umukashi umwine; Mahalati umwana mwanakashi wakwa Yerimote, umwana mwaume wakwa Dabidi, no wakwa Abihaili, umwana mwanakashi wakwa Eliabu, umwana mwaume wakwa yese. ¹⁹ Alimufyalile abana baume; yeushi Shemaria, na Sahamu. ²⁰ Panuma ya Mahalati, Rehoboamu alibulile Maaka, umwana mwanakashi wakwa Abishalomu; ali mufyalile Abiya, Atai, Sisa na Shelomiti. ²¹ Rehoboamu alitemenwa maaka, umwana mwanakashi wakwa Abishalomu ukucila bonse bambi abakashi bakwe na banakashi bamumbali (alyupile abakashi ukimi na cine konse konse elo amakumi mutanda aba abakashi bamumbali, elo amakumi kuba wishi wabana baume amakumi yabili na cine konse konse(28) na makumi mutanda abana banaka shi). ²² Rehobomu alisontele Abiya umwana mwaume wakwa Maaka ku kuba umukalamba, intungushi pali ba wabo; ali kwete itontomkanyo lyakumucita imfumu. ²³ Rehoboamu alitekele mano mano; alisalangenye bonse abana baume bakwe ukufuma muli yonse mpanga Yuda na Benjamini kuli onse umusumba wamalinga. Alibapele kabili ifyakulya ifingi elo alibafwaile nabakashi abengi.