¹ Hesekia alitumine inkombe kuli onse Isreali na Yuda, elo kabili alilembele amakalata kubena Erulemu na ku bena Manase, ukuti bafwile ukwisa ku nganda yakwa Yawe mu Yerusalemu, ukwisakusefya icakucilila kuli Yawe Lesa wakwa Isreali. ² Ku mfumu intulushishakwe, elo nabonse icinabwingi mu Yerusalemu balikolongene pamo, basuminishanya ukusefya icakucilila mu mwenshi walenga bubili. ³ Tabasefeshe pa nshikunkulu, pantu bashimapepo tabaishishishe elo abantu tabakolongene mu Yerusalemu. ⁴ Pali ci cintu caliweme mumenso ya Mfumu na kulukuta lonse. ⁵ Eico balisuminishenye ukupanga imbila kuli Isreali onse, ukufuma Beersheba ukufika kuli Dan, ukuti abantu bafwile ukwisa mukulesefya icakucilila kuli Yawe, Lesa wakwa Isreali, Mu Yerusalemu. Pakuti tabali kukonka nokucita abantu abengi ngecalembwa. ⁶ Nomba inkombe Balile namakalata kufuma ku mfumu na bacilolo bamfumu monse mu Isreali na muli Yuda, umwalikubela ifunde lya mfumu. Balilandile, ''Imwe mwebantu bakwa Isreali, bweleleni kuli Yawe, Lesa wakwa Abraham, Isaac, na Isreali, pakuti Engabwelela kuli abo abashilapo abapuswike ukufuma mukuboko kwa mfumu sha Assyria ⁷ Mwilakuba ngafikolwe fyenu nangu ngaba wenu, abashakwete icishinka kuli Yawe, Lesa wafikolwe fyabo, pakuti alibasangwile icakupapako, ngefyo mulemona. ⁸ Nomba mwilakutalama mikoshi, ngefyalukiba ifikolwe fyenu; nakileni kuli Yawe iseni no mwashila mwakwe, ico aisangulwila umwine umuyayaya, elo akupepeni Yawe Lesa wenu. Epakuti icifukushi cabukali bwakwe acifumye kuli mwebo. ⁹ Ngacakuti mwabwelela kuli Yawe, Bamuninenwe na bana benu balinokusanga ukwelelwa kuli balya babasendele nga bafungwa, kabili balino kubwelela mulici calo. Pantu Yawe Lesa wenu, wa cikuku no luse, elo talikufumyako icinso cakwe kuli mwebo, ngacakuti mwabwelela kuli Ena.'' ¹⁰ Nomba inkombe balikupita mu musumba no musumba mu vcalo ca bena Efraimu na bena Manase, ukufikafye nku bena Zbuluni, lelo abantu balikubaseka nokuleku bapumya. ¹¹ Nangucalibefi, abaume bamo aba mu bena Ashera na bumu bena Manasseh na mu bena Zebuluni balicefeshe nokwisakufika ku Yerusalemu. ¹² ukuboko kwa Lesa nakbili kwalishile pali Yuda, kukubapela umutima umo, kukucita funde lyamfumu na bacilolo ilya mu cebo cakwaYawe. ¹³ Abantu abengi, ulukuta ulukalamba nganshi, lwalilongene mu Yerusalemu kukusefya umutebeto wamukate ushitutumuka mu mumweshi wacibili. ¹⁴ Balimine no kusenda ifipailo ifyalikuba mu Yerusalemu, elo ne fipailo fyonse ifyakufutumwinapo ifyefungo; balifiposele mumu mana wamukuku wakidron. ¹⁵ Elo baipeye abana bampanga wa cakucilila pa bushiku bwalenga ikumi nashine mu mwenshi wa cibili. Bashimapepo na bena lebi baliketwe insoni, eco balisangulwile no kuleta amalambo yakoca mu nganda yakwa Yawe. ¹⁶ Baliminine mu fifulo fyabo ukukonka ifyo calwmbwe mumafunde yakwa Mose umubomfi wakwa Lesa. Bashimapepo balikanishe umulopa untu bapokelele ukufuma mumaboko yabena Lebi. ¹⁷ Pakuti abengi aba mulukuta tabali abaisanguluka. Kanshi abena Lebi balipeye abana ba mpanga bacakucilila kuli bonse abashaisangulwile abafililwe no kutula amalambo yabo kuli Yawe. ¹⁸ Abantu abengi, abengi ukufuma ku Efraimu na bafumine ku manse, Issachar na Zebuluni, bali tabalaisangulula, nomba balilile icakucilila, umushalikubela icalembwa. Pantu Hezekia alibapapatile, ukweba ati, ''Yawe musuma enga belela onse uluse. ¹⁹ Uyo umutima wakwe waiminina ku kufwaya Lesa, Yawe, Lesa wafikolwe fyakwe, nangu talasangululwa umwalikubela amafunde yamu cifulo camwashila.'' ²⁰ Elo Yawe alyumfwile kuli Hesekia nokuposha abantu. ²¹ Abantu bakwa Isreali abalimu Yerusale balikusefya umuteneto wa mukate wakubula ukututumuka pa nshinku cine lubali nensansa ishikalamba. Abena Lebi na bashimapepo balikwimbila Yawe ubushiku no bushiku, balikwimba namaka nafilimba kuli Yawe. ²² Hesekia alilandile mukukoselesha kuli bonse abena Lebi abalwike ukubomba kwakwa Yawe. Eco balilile umutebeto pa nshiku cine lubali, balikutula amatambo ye senge, elo balikulapila kuli Yawe, Lesa wa fikolwe fyabo. ²³ Ulukuta lonse kabili balisuminishenye ukulundako inshiku shakubefya nashimbi cine lubali, balisefeshe nansansa. ²⁴ Kuli Hesekia imfumu ya bena Yuda alipele ukukuta imitepa ya ngombe ikana limo elo impaanga amakana cine lubali ngo nutulo; Na bacilolo nabo balipele ulukuta imitepa yangombe ikana limo elo impanga amakana ikumi ne mbushi amakana ikumi. Nabashimapepo abengi balisangulwile. ²⁵ Ukukuta lonse lwakwa Yuda, pamo nabashimapepo na bena Lebi, elo nabantu bonse abashile ukufuma kubena Isreali, na ba lebeshi abafumine mu calo cabena Isreali elo nabekashi ba mu bena Yuda bonse balisangalele. ²⁶ Kabili kwalinsansa ishingi mu Yerusalemu, pantu ukutula pa nshiku sha kwa Solomone mwana Dabidi, Imfumu yebena Isreali, takwatalile kubapo umutebeto ngo yu mu Yerusalemu. ²⁷ Elyo bashimapepo, abena lebi balimine no kupala abantu. ne shiei lyabo lyalyumfwikile, nepepo lyalifikile ku mulu, ku cifulo camushilo ukwikala Lesa.