¹ Nomba uluntu fyonse fi fyapwile, bonse abantu bakwa Isreali abali mulya bafumine nkuya kumisumba ya kwa Yuda nokuyakutobaula mutupimfya ifyaimikwa fyelibwe nokukwisha ba Ashera, balitobele imisansama ne fipailo monse mu Yuda na Benjamin, namuli Eframu na manase mpaka baonaula fye bonse. elo abantu bonse ba kwa Isreali babwelulukile, cila muntu ku musumba nefikwata fyakwe. ² Hesekia alisalangenye bashimapepo nabena Lebi pa fyakaniko fyabo, umuntu no muntu umwalikubela umulilimo wakwe, Bashimapepo na bena lebi alibebele ukutula amalambo yakoca na malambo ye senge, ukupyunga, ukutotela, elo nokulumbanya pa mpongolo ya nganda yakwa Yawe. ³ Kabili alipelepo pa cakaniko ca mfumu umutulo wakoca ukufuma kufikwatwa fyakwe, ulucelo ne cungulo amalambo yakoca, na malambo yakoca pa nshiku shesabata, na pa myenshi ipya napa mitebeto yasontwa, ngefyo calembwa mumafunde yakwa Yawe. ⁴ Kabili ali konkomeshe abantu abaikela mu Yerusalemu ukulekupela icakaniko caba shimapepo na bena Lebi, pakuti balekutwa lilila ukubela amafunde yakwa Yawe. ⁵ Cilyafye amafunde yayanene, abena Isreali bapeleshe ifisabo fyanranshi ifya ngano, ifya mwangashi upya, amafuta ubuci, na fyonse ifya mubusomboshi bwa mumabala. Balikuleta neca pekami ica muli fyonse ifingi nganshi. ⁶ Abantu bakwa Isreali na Yuda abalikwikla mu misumba yakwa Yuda nabo bali letele ica pa kumi ca ngombe ne mpanga, elo ne ca pekumi cafyamushilo ifyakutula kuli Yawe Lesa wabo, nokufitulika mumina mumina. ⁷ Cali ni mumwenshi walenga batatu uluntu batendekele ukutulika minamina ifyamusangulo fyabo, no kwisa kupwisha mu mwenshi walenga cine lubali. ⁸ Umuntu Hezekia na bacilolo baishilekumona imna, balicindikile Yawe na bantu bakwa Isreali. ⁹ Elyo Hesekia aipwishe bashimapepo nabena Lebi pa lwa mina. ¹⁰ Azariah, shimapepo mukalamba, wa ba nganda ya kwa Zadok, alimwasukile ukulanda ati, ''Apo abantu batendekele ukuleta imitulo mu nganda yakwa Yawe, twalilile nokukwata ifingi, kabili tulikwete ifingi ifishelepo, pantu Yawe alipalile abantu bakwe. Nefishelepo eifi fingi fili apa.'' ¹¹ Kabili Hesekia alikonkomeshe ukupekanya imputule yakusungilako ifipe mu nganda yakwa Yawe, nabo balipekenye. ¹² kabili baliletele ifyabupe mucishinka, ifyekumi nefintu ifyakuba ifyakwa Yawe. konaniah umwina Lebi ali nimushika uwalikufilolekeshapo, elo na wabo ali ninkonkani Yawe. ¹³ Jehiel, Hesekia, Nahath, Asahel, Jerimoth, Iozabad, Eliel, Ismakiah, Mhath, Elo na Beniah bali nibamushika panshi yakuboko kwakwa Konaniah na Shimel wabo, pakusonta kwakwaHwsekia, imfumu, Na Azariah, chilolo pa nganda yakwa Lesa. ¹⁴ Kore umwana mwaume wakwa Imnah umwina Lebi, uwalikusunga impongolo ya kukananga ewali kulolekesha pa fyabupe fyakutemenwa balikutula kuli Lesa, kabili ewali kwakanya ifyapelwa kuli Yawe elo nemotulo yashilisha. ¹⁵ Abali panshi yakwe bali ni Edeni, Miniamin, Jeshua, Shemiah, Amariah, elo na Shecaniah, mu misumba yabashi mapepo, abalepela mucishinka kuliba munyinabo mu fyakaniko fyabo kuli bonso abacinoami na bashili bacindami. ¹⁶ kabili balipeleko abaume abali ne myaka itatu no kucilapo, abatantikwe nokulembwa mu fitoto shafikolwe fyabo abangile mu nganda ya kwa Yawe, ukulinga na nokubomba kwa bushiku no bushiku, ukulekubomba ukulingana nefyakaniko fyabo. ¹⁷ Balikwakanya kuli bashimapepo ukulingana no butantiko bwa fikolwe fyabo, elo cimo cine nakubena Lebi imyaka amakumi yabili nokucilapo, ukulingana nokumba kwabo mufyakaniko. ¹⁸ Balisanshishemo na bonse abaice abakashi babo abana babo abau,e, nabana babo abankashi, aba mwibumba bonse pakuti balinecishinka ukuisunga abamushilo. ¹⁹ Na kuli bashimapepo, mulupwa lwa kwa Aroni, abalikwikala muncebde shabulimi mumishi ya misumba yabo, nangu ne misumba yonse, kwalisontelwe abaume pe shina ukulanyakanya kuli bonse abatantikwe mundupwa shafikolwe fyabo pakati kabena Lebi. ²⁰ Hesekiah alikucita fifine monse muli Yuda. alicitile ifyabune, ifyakukulungama, Nefya cishika pa cinso ca kwa Yawe, Lesa wakwe. ²¹ Muli conse ico alikubomba mu milimo ya mu Nganda yakwa Lsa, mumafunde nefipope, mukufwaya Lesa wakwe, alikubomba no mutima wakwe onse, nokutunguluka.