¹ Hesekia alyambile ukulekutaka ulo akwete imyaka amakumi yabili na isano; alitekele imyaka amakumi yabili napabula mu Yerusalemu. Nyina balikumukuta abati Abijah; ali umwana mwanakashi wakwa Zechariah. ² Alikitila ifyakulungama mu menso yakwa Yawe ngafintu Dabidi wishi akitile. ³ Mu mwaka ayambule ukulekuteka mu mwenshi wa kwamba Hesekia aliswile ifbi fya nganda yakwa Yawe elo alifilungikile. ⁴ Aliletele ba ba shimapepo elo nabena Lebi, elo alibakolonganikile pamo mu lubansa ulwa kukanbanga. ⁵ Alilandile kuli bena, ''kutikemi kuli nebo mwebena Lebi! Mulekuiwamya mwebene, elo mulekuwamya inganda yakwa Yawe, Lesa wafikolwe fyenu, elo mulekufumya po ifyamuselu pa cifulo camushilo. ⁶ Pakwebati ifikolwe fyenu fyalibembukile elo balicitile icakubipa mucinso cakwa. Yawe Lesa wesu ; balimusulile, balipilibwile finso fyabo ukulekufuma kucifulo uko Yawe ekala, elo balipilibwilileko nanuma shabo. ⁷ Nakambi baliseleko ifibi fya muputule elo balishimishe inyali; tabatutumwine ne fye fungo nelo ukulekuninika ifyakuninika mu ncende yamushilo kuli Lesa wakwa Isreali. ⁸ Elo ubukali bwakwa Yawe bwaliponene pali Yuda na Yerusalemu elo alibapangile ukulekuba icakutinya icakupapusha, elo necakulekutona ngefyo mungalekumona na menso yenu. ⁹ Uyu emulandu ba shifwe bafwila mu buta nabana besu abaume, abana besu abanakashi anabakahsi besu balibele mu busha pali iki. ¹⁰ Lelo cilibele mumutima wandi ukulekupa ngana icipangano na Yawe Lesa wakwa Isreali pakwebati icifukushi cabukali bwakwe cingalekufuma palifwebo. ¹¹ Mwebana bandi abaume mwilekuba bana nganilelo pakwebati Yawe alisalile mwebo, ukulekwiminina ku cinso cakkwe, ukuleku mushinshimuna, elo nokwebati mukofwaukwa ukulekuba ababomfi bakwe elo kulekutuntumuna ifye fungo.'' ¹² Elo abena Lebi balimine; Mahath umwana mwaume wakwa Amasai, na Joel umwana mwaume wakwa Azaria, uwamubantu ba mubena Kohathite; na bantu bamu Merari, Kish umwana mwaume wakwa Abidi, na Azariah ma Gershonite, Joah umwana mwaume wakwa Zimmah, na Eden umwana mwaume wakwa Joah; ¹³ Aba mu lupwa lwakwa Elizaphan, Simri na Jeuel; elo abamulupwa lwakwa Asaph, Zachariah na Mattaniah. ¹⁴ Elo abamulupwa lwakwa Heman, Jehuel na Shimei, Elo na bamulupwa lwakwa Jeduthum, Shemaiah na Uzziel. ¹⁵ Balikilingene ba wabo balikuishisha abene elo balingilemo umwalikuleku bela ifunde lyamfumu ukulekonka amashiwi yakwa Yawe, ukulekusangulule nganda yakwa Yawe. ¹⁶ Bashimapeo balingile mukati kanganda yakwa Yawe ukulekusangulula, balifumishe fyonse ifyabusali ifyo basangile mwi hema lyakwa Yawe mu lubansa lwa nganda. Abena Lebi balikibulile ukulekutwala ku mulonga wa Kidron. ¹⁷ Lelo balyambile ifyakushishiwa pabushiku bwakwambo bwamwenshi wakwamba. Pakule kufika pabusiku bwa cinekonsekonse balifikile kumuputule wakwa Yawe. Elo panshiku nashimbipo cinikonse konase balikushishe nganda yakwa Yawe pabushiku bwalekulenga ikumi limo na balipwishishe. ¹⁸ Elo balile Hesekia, imfumu mukati ka cipango elo balilandile, '' Tulisangulwile inganda yakwa Yawe yonse icipailo cafyakuninika nefipe fya ciko fyonse, elo necintamba ca mulalilo wamfumu fyonse, elo necintamba ca mulilo wamfumu nokulekubikapo ifipe fya ciko fyonse. ¹⁹ Elo talipekenye nokulekushisha ifipefyonse ifyo imfumu Azah afumishe ulo acitile muku lekukano kulekukwate kitetelo mubuteko bwakwe. Mulekumona bali pantashi ya cipailo cakwa Yawe. ²⁰ Elo Hesekia imfumu alimine kumacaca elo alikolongenye bacilolo bamumusumba; alile nakunganda yakwa Yawe. ²¹ Bali letele ingombe ishilume cine lubali ba sukusuku cinelubali abana bampanga cinelubali, nabasaswe cine lubali, ngecisongolwelo ca lubembu lwabufumu, bwamwasila elo na Yuda alyebele bashimapepo, indupwa shakwa Aroni ukubatula pacipailo cakwa Yawe. ²² Elo balipeye ingombe shilume, elo bashimapepo balipokelele umulopa elo baliusansaile pa cipailo; elo balipeye nempanga nokulekusansa mulopa washiko pacipailo. ²³ Baliletele ba sawe pacikonsolwelo ca masambi pamenso yamfumu elo necilonganino; bali bikilapo iminwe palifyena. ²⁴ Bashimapepo balifipeye, elo balipangile iciso ngolwelo ca masambi nomulopa wafiko pacipailo ukulekukonsolwela Isreali onse, pakwebati imfumu yalilandile ukwebati icakuninika ne cisongolwelo calubembu cikafwaikwo ukulekupangilwa Isreali yonse. ²⁵ Hesekia alibikile abena Lebi mu nganda yakwa Yawe ne ngema, ifyamapango, ne fyaba nsango ukulekufipekanishishe mwifunde lyakwa Dabidi, Gadi, kalinda wamfumu, na Nathan, kasesema pakwebati imfunde lyafumine kuli Yawe ukulekupitila muli bakasesema bakwe. ²⁶ Abena lebi baliminine nefyafipe fyakwa dabidi, nabashimapepo elo nama penga. ²⁷ Hesekia alibebele ukulekupele chakuninika pa cipailo ulo icakuninika ca yambile ulwimbo lwakwa Yawe lwalyambile na Lwena, namapenga, ukulekubikapo ne fyafisobelesho fyakwa Dabid, imfumu yakwa Isreali. ²⁸ Icilonganino conse calikushinshimuna aba kwimba balikwimba elo abamapenga balikulisha ifi fyonse fyalitwalilile mpaka nelo icakuninika capwile, ²⁹ Ulo bapwile ukulekuninika imfumu na bali na yenu balikukontama nokulekushinhsimuna. ³⁰ Nafimbipo, Hesekia imfumu, elo nentungulushi balipele abena Lebi ifunde ukulekwimbila Yawe ishamalumbo namashiwi yakwa Dabidi naya kwa Asaph, kamona. Balimbile shamalumbo nensansa elo balifukeme panshi nokushinshimuna. ³¹ Elo Hesekia alilandile, ''nomba muli inashishe mwebene kuli Yawe, bweleni kuno nokulekuleta ifyamalambo nefyakutotela mu nganda yakwa Yawe. icilonganino chaliletele ifyamalambo elo nefyakutotela elo bonse abalukikwata umutima wakuiteme uwa baliletele ifyakuninika. ³² Impendwa yafyakuninika ifyo icilonganino caletele shali ingombe ishilume amakumi cine lubali basukusuku umwanda umo elo nabana bampanga abalume imyanda ibili. ifi fyonse fyali fya pakuninika kuli Yawe. ³³ ifyamalambo fyakushishiwa fyali ingombe ishilume imyanda mutanda elo impanga amakona yatatu. ³⁴ Lelo bashimapepo balikepeshe abakulekufunda ifyakuninika fyonse, elo ba wabo abena lebi balibafeile mpaka incito yabombwa elo mpaka nelo bashimapepo baishishishe abena pakwebati abena lebi bali abakute kanyo kulekushisha abene ukukuila ba Simapepo. ³⁵ Mukulekulundapo kwali ifyakuninika ifya kufulisha fyali bombelwe nefyamafuta ya fya malambo ya cisansamushi elo kwali nefya malambo yakunwa ku cakuninika conse. Elo imilimo yanganda yakwa Yawe yalitenyanishiwile bwino. ³⁶ Hezekia alisansamukile, elo nabantu bonse nabena, pafyo Lesa apekaninishishishe abantu pakwebati umulimo wali uko bombwa bwangu.