¹ Ahaz alikwete imyaka amakumi yabili ulo atendekele ukuleteka, elo alitekele imyaka ikumi limo namutanda mu Yerusamu, talikucita icakulungama mu menso yakwa Yawe, ngefyo Dabidi icikolwe cakwe cacitile. ² Mukulekupilibula alyendele munshila sha shamfumu shamu Isreali alipangile nefya kwegelela fyakwa bali. ³ Mukulekulundapo alyokele ifyafifutumwino mumupokapoka wa Ben Hinnon elo alilengele abana bakwe ukulekupita mumulilo, ukulekuli ngana nefyamucitile fyamuselu ifyabantu abo Yawe atamfishe ukulekufuma mu calo cabo pacinso ca bantu bamu Isreali ⁴ Alipele lambo elo alyokele ifyafifutumuno pa misansamo elo namumpili elo na munshi ya cimuti cakatapakatapa conse. ⁵ Elo Yawe Lesa wakwa ahaz alikumupa mu minwe yamfumu yaku Aramu, ama Arameans yalimucimfishe elo yali musendele ibumba ilikulu ilya bakaili ukuleku ba leta ku Damascaki. Ahaz naena alipelwe mu kuboko kwa mfumu yacalo cakwa Isreali uwamucimfishe mwikwipaululwa ukukulu nganshi. ⁶ Elo pekah umwana mwaume wakwa Remaliah mubushiku bunofye alipeye amakana umwanda umo namakumi yabili mu Yuda elo bonsefye bali abaume aba kukosa pakwebati balisulile Yawe Lesa wa fikolwe fyabo. ⁷ Zicri, umwaume wa kukosa uwaku Eframu, alipeye Maaseiah umwana mwaume wa mfumu, Azriakam, cilolo wa kucipango, elo na Elkanah uwakonkele mfumu. ⁸ Umulalo wa Isreali walisendele bunkole ukulekufuma muli balupwa lwabo amakana imyanda ibili abakashi, abana baume elo na abana banakashi, Balibulilepo nefyakutapa ifyakufulisha, balibwekeshemo ku Samaria. ⁹ Lelo kasesema wakwa Yawe eko ali baliku mukuta ati Odede. Alifumine ukulekuya mukulekukumanya umulalo uwalikwisa mu Samaria, Alilandile kuli bena, ''pakwebati Yawe Lesa wafikolwe fyenu, alifulilwe Yuda alibapele mu kuboko kwenu. Lelo mulibeulwile mu bubiubwali kufika na kumulu. ¹⁰ Lelo mukofwaya kulekusunga abaume na bana kashi abamu Yuda elo na Yerusalemu nga basha benu. Elo bushe ta mukwetepo na mulandu wenu kuli Yawe Lesa wenu? ¹¹ Elo nomba, mulekukutika kjuli nebo; Bweleshe nimo abakabili abo mufumishe kuli bawenu abenu abo abomufumishe kuli bawenu abenu, pakwebati ubukali ubwa kutinya ubwakwa Yawe buli pali mwebo. ¹² Elo intungushi shimo isha bena Eframu Azaria umwana mwaume wakwa Jehona, Belechia umwana mwaume wakwa Meshilemoth, Jhiziah umwana mwaume wakwa Shallum, elo na Amasa umwana mwaume wakwa Hadlai alimine abo ababwelele ukulekufuma ku nkondo. ¹³ Balilandile kuli bena, "MWilekuleta abakaili kuno pakwebati mukopanga fimo ifikalekuleta pali fwebo isambi kuli Yawe ukulekulunda pa masambi ne membu shesu, pantu ulubembu lwesu lulikulile elo pali icitukushi cabukali pali isreali ¹⁴ Lelo abaume balishile abakali elo nefyakutapa pamenso yantungulushi elo nolukuta lone. ¹⁵ Abaume abalikulumbulwa mu mashina balimine elo balisendele nabakaili, elo balifwikile na bonse abalino bwamba muli bena nefyakutapa balifwikile elo balibapele intasa. Balibapele ifyakulya nokunwa. Baliposeleshe ifilonda fyabo elo bali bikile abalikunaka pa mpunda. Balibabwekeshemo kuli balupwa lwabo mu Jeliko (uukoitwa umusumba wa malumbo) Elo balibwelelemo ku Samalia. ¹⁶ Pali kulya kashita imfumu Ahaz alitumine inkombe kushamfumu shaku Assyria ukubepusha ukulekumwafwa. ¹⁷ Elo nakambi aba Edomite balishile elo balipumine Yuda, ukulekusenda abakaili. ¹⁸ Aba pfiliste nakambi balicimfishe imisumba yakwisamba elo neyaku Negeu waku Yuda Balisendele Bethsemesh, Aijalon, Gederoth Soko ne mishi yaiko, Tima ne mishi yaiko, elo na Gimzo nemishi yakwe. balile mukule kwikala muli insho ncende. ¹⁹ Elo Yawe alitentemwine Yuda pesamba pamulandu wakwa Ahaz, imfumu yakwa Isreali pakwebati alicitile fyabubifi mu Yuda elo alibembukile Yawe apakalamba. ²⁰ Tiglath- Pileser. imfumu yaku assyria alishile kuli ena elo kulekumucusha mu nshila yakulekumukoselesha. ²¹ Elo Ahaz alisanshile inganda yakwa Yawe elo namayanda yamfumu elo ne ntungulushi, kukulekupela ifipe ifyakukosa mutengo kushamfum,u shaku Assyria. lelo ukulekuciteci tacamwafwile. ²² Iyi mfumu imoine Ahaz yalibembukile nako ukulekusangukila Yawe mushita yakwe iyakumanama. ²³ Pakwebati alipele ilambo kuli tu lesa twa mu Damascaki, tulesa utwa mucimfishe, alilandile, ''ukwebati pantu tulesa twamfumu shaku Aram twalibafwile nkotupele lambo, muletelele na Isreali yonse. ²⁴ Ahaz alilonganikile pamo ifyafipe fya mu nganda yakwa Lesa nkulefiputaula mu tupifya. Alisele ko ifibi fya nganda yakwa Yawe elo ali ipangile umwine ifipailo mu cifutu conse ica Yerusalemu. ²⁵ Mumusumba onse uwakwa Yuda alipangile misansamo ukukofye fyamalambo kuli tu lesa tumbi. Alikalifishe Yawe Lesa wa tikolwe fyakwe, umutima. ²⁶ Lelo ifikitwa fyakwe ifyashala, lelo ne nshila shakwe shonse, intanshi elo nempela, mona fyalilembwa mucitabo cashamfumu shamu Yuda elo na Isreali. ²⁷ Ahazalilele nefikolwe fyakwe, elo bali mushikile mumusumba, mu Yerusamu, lelo taba muletele mu manda shamfumu shamu Isreali. Hsekia umwana wakwe umwaume alibele imfumu mwipunda lyakwe.