¹ Umupanshi wakwa Lesa walishile pali Asaria umwana mwaume wakwa Odede. ² Alifumine ailile ku kumanya Asa no kulanda kuli wena, ''kutika kuli nebo, Asa na onse Yuda na Benjamini; Yawe ali nobe, ilyo uli nankwe. Nga wamufwaya, akosangwa kuli webo, lelo nga wamukana, akokukana nobe. ³ Nomba pa nshita ntali, Isreali ali uwakubulisha Lesa wa cine ukwabula shimapepo wakusambilisha, kabili ukwabula amalango. ⁴ Lelo mu kumanama kwabo balikubwelela kuli Yawe, Lesa wakwa Isreali no kumufwaya, Alisangilwe muli bena. ⁵ Muli shilya inshita takwali umutende ku walimukufuma nangu uwali mukwingila, lubali ulu ubwafya ubukulubwali pali bonse abekashi ba mu fyalo. ⁶ Balitowilwe mu tupimfya uluko lwalikwimina uluko, no musumba ukwimina umusumba, ico Lesa alibalimwine ku misango yonse iya bucushi. ⁷ Lelo ube uwakosa, kabili wileka amaboko yobe ayakunaka, ico umulimo obe ukalambulwa.'' ⁸ Ulo Asa aumfwile aya mashiwi, ubusesemo bwakwa Odede kasesema, alikosele no kufumya ifya muselu, ukufuma mu calo cakwa Yuda na Benjamini na misumba intu apokele ukufuma ku calo ca m,pili icakwa Eframu, noku kulula icipailo cakwa Yawe, icali ku ntanshi ya muputule wa nganda yakwa Yawe. ⁹ Alikolongenye Yuda onse na Benjamini, nabo bonse abali kwikala nabo abantu ukufuma kuli Eframu na Manase, no kufuma kuli Simyoni ico balishile ukufuma ku Isreali kuli ena mu mpendwa iikulu ulo ba mwene ukuti Yawe Lesa wakwe ali nakwe. ¹⁰ Eco balikolongene capamo pa Yerusalemu mu mweshi wa butatu, mu mwaka wakulenga ikumi na isano yakuteka kwa Asa. ¹¹ Batulile amalambo kuli Yawe muli bulya bushiku fimo mu fyatatapwa fintu baletele; imitwe ya ngombe imyanda cine lubali ne mpanga amakana cine lubali naba sawe. ¹² Balingile mu capangano cakufwaya Yawe, Lesa wa fikolwe fyabo, ne mitima yabo yonse, ne myeo yabo yonse. ¹³ Balisumine ukutila uyo onse uwakana ukufwaya Yawe, Lesa wakwa Isreali, alingile ukwipaiwa, nangu fye umuntu munono nangu mukulu, nangulafye mwaume nangu umwanakashi. ¹⁴ BAlilapila kuli Yawe ne shiwi ilyasansuka, no kupundisha na mapenga ne nsengo. ¹⁵ Onse Yuda balisansamwike pa mulapo, ico balapile ne mitima yabo yonse, kabili balifwaile Lesa no kukabila kwabo konse, nao alisangilwa kuli bena. Yawe alibapele umutende onse ukubashinguluka. ¹⁶ Kabinge alifumishepo maaka nakulu wakwe ukufuma mukuba na mfumu, pantu alipangile icakuselesha ukufumya mu caimikwa cakwa Ashela. ¹⁷ Asa aliputwile icakuselansha alicishonawile ku lukungu noku cocela pa mumana wa mukulu wa Kidrone. Lelo imisansama tayafumishiwe mukati ka isreali. nangulacali fyo, umutima wakwa Asawali uwa cishinka mu nshiku shakwe shonse. ¹⁸ Aliletele mu nganda yakwa Lesa yakwa Lesa Silfer na golide ne fipe fintu wishi no mwine bafele kuli iyo mulimo. ¹⁹ Takwali kabili ubulwi mpaka na mwaka wa makami yatatu na yasano mukuteka kwa Asa.