¹ Abiya alisendeme ne fikolwe fyakwe, kabili balimushikile mu musumba wakwa Dabidi. Asa umwana mwaume wakwe, aishile kuba imfumu mu cifulo cakwe. mu inshiku shakwe icalo calitalele imyaka ikumu limo. ² Asa alicitile icabune ne calungama mu menso yakwa Yawe Lesa wakwe, ³ Ico alifumishepo ifipailo ifyeni ne misansama, Alitobawile nefyaimikwa fya libwe no kuputaula imilando ya ba Asera. ⁴ Alikonkomeshe Yuda uku fwaya Yawe, Lesa wa fikolwe fyabo, no kubaka amalango na mafunde. ⁵ Kabili alifumishepo imisansama ne fipailo fyakutumwinapo ukufuma mu misumba yonse yakwa Yuda. ubufumu bwalitushishe muli wena. ⁶ Alikulile imisumba yafyamba muli Yuda Yuda, ico icalo cali talele, kabili tekwete nkondo muli ilya myaka pantu Yawe alimupele umutende. ⁷ Ico Asa alandile kuli Yuda, ''Natukule iyi misumbo no kupanya ifibumba ukufishinguluka, ne mpungu mpongolo, ne mipindo; icalo cicili cesu pantu tulifwaile Yawe Lesa wesu. Tulimufwaile kabili alitupele umutende mu mbali shonse, ''Eco balikulile no kutunguluka. ⁸ Asa ali no mulalo abalikusenda ifishangu na misumbo; ukufuma muli Yuda alikwete amakana imyanda itatu abaume, kabili ukufuma muli Benjimini amakana imyanda ibili na makumi cine konse konse abaume abalesenda ifishangu no kusomone imifwi. Aba bonse bali baume babulamba. ⁹ Sela umwina kushi alibeshilile ali no mulalo uwa fita amakana ikana limo na ma celeta imyanda itatu, alishile ku Maresha, ¹⁰ Elo Asa alifumine alile kumukumanya kabili balyandamikile no bulwi nkukonka mu mupokapoka wa Sefata pa Meresha. ¹¹ Asa alilile kuli Yawe, Lesa wakwe, no kutila, ''Yawe takwaba umbim lelo nimwebo ku kwafwa umo uushikwete amaka ulo alolenkana nabengi. Twafweni, Yawe Lesa wesu, ico tu lishintilila pali webo, na mwishina lyenu tulishile pali cinkupiti uyu. Yawe, ni webo Lesa wesu; wileka umuntu akwanshe.'' ¹² Eco Yawe alipumine abena kishi ku ntanshi yakwa Asa na Yuda, Abena kishi balifumwike. ¹³ Asa ne fita fyali nankwe fyalibasupile ku Gera, Eco abengi abena Kushi balyumfwilem ukuti babwekeshepo, ico balyonawilwe umupwilapo ku cinso cakwa Yawe no mulalo wakwe umulalo walisendele ifya kutapa ifingi. ¹⁴ walyonawile imishi yonse iyashingulwike Gerari, ico umwenso wa kutina Yawe walishile pa umwikashi, umulalo walitapile imishi yonse, kabili kwali ifyakutapa ifingi muli bena. ¹⁵ Umulalo kabili walinawile abalikwikala mu ma Hema abacemi abashikala pamo; balisendele impanga ishingi pamo fye ne ngamali, kabili elo babwelulukile ku Yerusalemu.