¹ Mu mwaka wa makumi yatatu na mutanda iya kuteka kwakwa Asa, Baasha imfumu ya Isreali aliminine mu kupama Yuda no kukulako Roma, pakwebati Tengasuminisha uuli onse ukuya nangu ukwingile mu calo Asa imfumu yakwa Yuda. ² Elo Asa aliletela Silfere na golide ifyafumine mu mumiputule yakusungilemo nganda yakwa Yawe. Na munganda ya mfumu, nokucituma kuli Beni Hadadi imfumu ya Arani, uwaikele mu Damaski, Atile, ³ ''leka kube icipangamo pakati nebo na webo, ngefyo cali pakali ka kwatata na wiso, mona, nditumine kuli webo Silvere na golide. omaula icipangano na Baasha imfumu ya Israeli, pakwebati engandekaneka.'' ⁴ Beni Hadadi alyumfwile ku mfumu Asa no kutuma ba mushika ba milalo ku kusansa imisumba yakwa Isreali. ⁵ Balisanshile iyoni, Dani Abele Maimi ne misumba yonse iya kusungilamo iyo kwa Nafutali. Nomba ulo caishileba fyo Baasha alyumfwile ica, alilekele ukukula Rama no kuleka umulimo wakwe wiminine. ⁶ Elo Asa imfumu alibukile onse Yuda pamo na ena. Balisendele amabwe ne mbao shakwa Rama shintu Baasha ali mukukulilako umusumba. Elo imfumu Asa alibomfeshe filya fipe fyabukule ku kukula Geba ma Mispa. ⁷ Pali ilya inshita Hamani kamona alile kuli Asa imfumu yakwa Yuda no kutila kuli ena, ''Pantu walishintilila pa mfumu yakwa Aramu, kabili tawashintilila pa Yawe Lesa obe, aba milalo ya mfumu yakwa Aramu balifyukile ukufuma mu maboko yobe. ⁸ Bushe abena kushi nabena libya tabali umulala uukulu, na ma celela ayengi nabaume bapali bakabalwe? kabili, pantu ulalishitilile pali Yawe, alikupele ukucimfya pali bena. ⁹ Ico amenso yakwa Yawe yalalola uku no ku ukupulinkanya isonde lyonse, pakwebati engailanga ukukosa pe punda lya bantu abo mitima yaba iyapwililka kuli ena, Lelo mulicitile ifya buwelewele no bulwi.'' ¹⁰ Elo Asa alifulilwe kamone; alimubikile mu cifungo, ico alimulilwe pali uyu mulandu. Pa nshita imo ine, Asa alicishisha abantu bamo bamo. ¹¹ Moneni imicitile yakwa Asa, ukutula kukutampa na kumpela, moneni, fyalembwa mwibuku lya sha mfumu shakwa Yuda na Isreali. ¹² Mu mwaka wa makumi yatatu na pabula iya kuteka kwakwe, alicushiwe no bulwele mu makasa yakwe. Nangula ubu bulwele bwalicililemo, tafwaile ubwafwilisho ukufuma kuli Yawe, lelo kuli Bakonda fye capwa. ¹³ Eco Asa alisendeme pamo nefikolwe fya kwe, ukufwa mu mwakla wa makumi yane na umo wa kuteka kwakwe. ¹⁴ Balimushikile mu nshishi yakwe, ilyo ayimbile umwine mu musumba wakwa Dabodo. Balimulalilikile pa cakukalika icasulamo ifye fungo ne misango yonse yasanka wishiwa fye fungo ifyapekanishiwa naba kasankanya na fya ninkila. Elo bacitile umulilo uukulu mu kumucindika.