¹ Kune etakami osu meyengebeni la bwinoli, tobayi hai la Mongalima a ndole e Nkolo eiso Yesu Kilisito. ² La nda tokokaki bwinoli alo ngolu, lemotsi twemali kikili, mpe toyasila a yelikya ye nkembo e Mongalima. ³ Aisiaka, osu tonangelakola ata yekeleko ye menyoko, a bolembelake ine monyoko wayakola yelikya. ⁴ Yelikya yebayi yelonga katsi e bomekami mpe yo yelonga yebai yelikya. ⁵ Ainzi, yelikya yetsikosa mpo ine loondo lo Mongalima lotsangani a metema myaiso a ndole e yelimo ye tsangaa yetetwayamela. ⁶ Fuko ine, ane eteyalaka osu so lokulu, Kilisito, a yo yekeleko, etewela baito ba mbeko mbe. ⁷ Ibayi nkwokoso ine bawele moyengebene, emoi mbala, mito ekoki bwinoli ine awe fuko e mito o mbeko nzali. ⁸ Kasi Mongalima emeka lokundo lolae ngiso, la ine, yekeleko yeteyalaka osu mesumuki, Kilisito akawa fuko eiso. ⁹ La oyo, une ebayi osu sikene bayengebeni a ndole e ngelo iyae, tokuma solo la nkanda a ndole elae. ¹⁰ Mpo ine, la toyalaki menguna, tokokokana la Mongalima a ndole e loko lo mona owae, sikene kune inesi osu bokokani, tokuma mpenza a bumake bowae. ¹¹ Mpe ta soko yo, kasi aisia, tokumesa Mongalima a ndole e Nkolo Yesu Kilisito, la nda sikene tokaukola bokokani. ¹² Tsina emotsi, kune etihola yekweli a ndole e mito omoi a mwano mpe a ndole e mbeko mbe loko, mpe ine loko lokahola ngi baito ngia,mpo ine baito kwatu betekela mbeko mbe. ¹³ Fuko ine tee a molembo yekweli yeteyalaka a mwano, ainzi, yekweli yetsiyala, la molembo utsiyali. ¹⁴ Ainzi loko lotekonza baito banda yekeleko ye Adamo tee nga Mose, ata ngi bane betsitekalaka yekweli a ndole e bouni molembo aine Adamo, yee ano ekokani lano mito ekoki bolwei. ¹⁵ Kasi itsibayi ta libonza liokunda aine yekweli, fuko ine, la ndole e yekweli ye mito komoi ko baito bofela bewei, bongo toeke mbi e ngolu e Mongalima mpe libonza li bowaowa lilwei ngi mito komoi, Yesu Kilisito, ikatsangana likolo li baito bofela. ¹⁶ Mpe itsiyali ta libonza aine ine ilwei a ndole e mito komoi ano etekwa, fuko ine mbus e yekweli nga yesambi yekakwa yetumbo, kasi libonza lio okunda likakwa boyengebeni mbuse e bikweli. ¹⁷ La ndole e yekweli yomoi loko lokakanza a ndole alae, bane beukola bofela bo yeboto mpe libonza li boyengebene bone bwaya bumake a ndole e Yesu Kilisito. ¹⁸ Boye, kune eukolibaito yetumbo a ndole e yekweli ye mito omoi, koyo mpe ekuma baito kwatu a yekela ko yemoi ye boyengebeni. ¹⁹ Fuko ine, a ndole e bolumbi botosi bo mito omoi, yefela ye baito bakaukola yekweli, ndenge emoi, la botosi bo mito omoi, bofela bo baito bekoyala meyengebeni. ²⁰ Ainzi nga, molembo ukahola fuko ine mbeko mbe ifulaku, kasi elo efuluki yekweli, ngolu mpe efuluki: ²¹ Fuko ine, kune ekonza a ndole e boyengebene fuko e bumake bo sekoo, la ndole e Yesu Kilisito Nkolo eiso.