¹ Tikweka mbi fuko e ise oiso Abalayama, ano eukoli, la yelenge yee bilongo? ² La Abalayama eteyalaka moyengebene la mesala meyae, ekoki boyakumesi, kasi ta felo e Mongalima. ³ Fuko ine iya eeki Likomi? Abalayama etinola Mongalima, mpe imotsi ikamwaya boyengebeni. ⁴ Ainzi nga, lano mito ekela yesili, ekoki eukole lifutsi, ta soko aine ngolu to bowaowa, kasi aine yema yekokani a lotomo lomotsi, ⁵ Mpe lano etsisala, kasi inoli ano eaya boyengebeni, bwinoli bowae bobayi a boyengebene; ⁶ Kalondenge Dawidi eeka ine wali bobayi a mito ano eaya Mongalima boyengebeni swine akele mesala. ⁷ Yenanga wali a bane belimbisami a sekene yaibo, mpe ine mbeko mbe yitami. ⁸ Yenanga wali la lito ano Nkolo etsilitsi mbeko mbe iyae. ⁹ wo wali bobayi sokofuko e bane beteni bolefo, sumi nga bane betsiteni bolefo? Fuko ine toeka ine bwinoli botekwesaka Abalayama moyengebani. ¹⁰ Iya etemolwelaka boyengebeni, iteyalaka mbuse sumi nga felo e botenami bolofe bowae. Etsitetenamaka ino bolefo, eteyalaka a losolo. ¹¹ Mpe akaukola yelembo yee botema bolefo, aine yebomo ye boyengebene yeukoli yee la bwinoli yekeleko yetsitetenaka ye bolefo, tsina e boyali ise o baito nga betsiteni bolefo bane binoli, fuko ine boyengebeni boyale aibo. ¹² Mpe ise o batenami bolefo, bane betsiyali soko botenami bolefo, kasi bane belanzi bwinoli bo ise oiso Abalayama tekeleko yetsitenaka yee bolefo. ¹³ Boyo, itsiyali ta la molembo eteyalaka liuna li lisango li mwano ngi abalayama sumi nga la liota lilae li mbuse, ibayi nga la boyengebena bo bwinoli. ¹⁴ Mpo ine, la bosangoli bebayi a bdole e molembo, bwinoli bobayi so tsina, mpe liuna litsiyali. ¹⁵ Tsina ine molembo wota nkanda, mpe ine elo etsiyali molembo bolimbi botosi melembo mpe botsiyali. ¹⁶ Tsina emoli basangaoli beyali a tsina e bwinoli, fuko ine iyale tsina e ngola, tsina ine liuna likelame a liota li mbuse kolitu, ta soko a line libayi sese e molembo, kasi mpe a line libayi a bwinoli bo Abalayama, ise oiso kwatu, kuune ekomami yo: ¹⁷ Nga mwisa ise o motango uneenene u bikolo. Ebayi ise oiso felo e ano lomoli etinola yee, Mongalima, ano eaya bumake ngi bawei, mpe ano taka bima bine bitsiyali aine la biteyalaka. ¹⁸ Ata koyo, eteyalaka a yelikya ye bwinoli, ine ekokwa ise a bikolo bofela kune etemwekelaka wo ise: une nga ekoyala liota lilao li mbuse. ¹⁹ Ata kune etsitelembaka bwinoli bowae, etsitelitelaka bolembi bo bilongo biyae, fuko ine eteyalaka a bilanga pene e mokama umoi; mpe ine Sara etsitekokaka bootsi bana aisia. ²⁰ Etsisi monga, la bolembo bo bwinoli, a tsina e liuna li Mongalima, kasi eteyapotesaka a bwinoli, a bokumesi Mongalima. ²¹ Mpe inoli ine eakami a liuna yokokosema. ²² tsina emotsi iokoukola yee boyengebeni. ²³ Kasi etsibayi soko tsina elae matuke ine ikomami ine imotsi imwaesami. ²⁴ Ibayi ino a tsina eiso ekayema boyengebeni, a osu bane binola a line lyano etumoa a loko lo bawei Yesu Nkolo eiso. ²⁵ Ano etefakema tsina e mbeko mbe yaiso, mpe etumoa a loko lo bawei fuko e lisambi lyaiso.