¹ Toko beka ombe iya? Tote kokaka bo umoi katsi e mbeko mbe-mbe, tsina ine ngolu efulake? ² Totsi yali aelo. Osu bane be umi katsi e mbeko mbe-mbe, iya ekoki osu bo umi aisiaka katsi e mbeko mbe? ³ Onu bo ungi ine osu kwatu to batesani katsi e Yezu Kilisito, la lokoo lo ahe nde e batesani osu? ⁴ Towei lahe la libatisa katsi e lokoo lo ahe, tsina ine, kune esekwi Kilisito a lokoo lo nkembo e Aha, koyo pe osu to yele katsi e bo umake bo fai-fai. ⁵ La koyo, la osu tokakwa mwasa kumoi la yee la ndole e lokoo lo ahe, to oko yala pe koyo la ndole e lokoo lo ahe. ⁶ La bolembeli ine ngalusa e mito o iso ete bakesama a yekulusu layee, tsina ine bilongo bi mbeko mbe bimbenga, po ine totsi yale metuke me mbeko mbe aisiaka. ⁷ Po ine ano e wei aka enda nongo e mbeko mbe iyahe. ⁸ Ainzi nga, la toka wa la Kilisito, to inola ine to oko uma ombe layee lokola. ⁹ Tolembeli ine Kilisito ete sekwa katsi e mewei etsi oko wa aisiaka, lokoo lotsi yali la lokulu aisiaka likolo li ahe. ¹⁰ Po ine ewei, pe ibai po e mbeko mbe nga e wei yee mbala ko emoi; aka ulela bo umake, pe e uma po e Mongalima. ¹¹ La koyo, onu mangine, bo ene ine bowei la mbeko mbe, pe ine bo uma po e Mongalima katsi e Yezu Kilisito. ¹² Mbeko mbe itsi yale a likumi aisiaka la bilongo bi lokoo lwa ino, pe so okoka tama i ahe. ¹³ So faka binama bi aino a mbeko mbe, aine bisaeli bi sekene; kasi bo yaesi uno mangine ngi Mongalima, aine baito be umi katsi e lokoo loyaki onu, pe fakela Mongalima binama bi aino, aine bisaeli bi boyengebeni. ¹⁴ Po ine mbeko mbe itsi oko yala la lokulu likolo li aino, po ine onu bobai, ta seese molembo, kasi seese e ngolu . ¹⁵ Mbi aisiaka! To kokaki bokeli mbeko mbe, po ine toyali, ta seese e molembo, kasi ta seese e ngolu, ta koyo! ¹⁶ Botsi lembeli ine la bofaki onu ngia mito omoi aine motuke po e bo motosi, bobai metuke miano ekoki onu botosi, iyale mbeko mbembe bone botoma onu a biyengebene? ¹⁷ Kasi Mongalima e ukola botonzi aine, mbuse eboyali metuke me mbeko mbe, botosaki la motema umoi baoyi bane bete te hanaka boo onu. ¹⁸ La bo mini mbeko mbe, boka kwa metuke me boyengebeni. ¹⁹ Le beka aine baito ba moki, tsina e bolembu bo bilongo, ko ndenge ene e faki onu binama bia ino aine metuke me sekene pe bo umi molembo, po e bo umi molembo, la koyo aesa sikane binama bia ino bokwei metuke me boyengebeni, po e boyali tsanga. ²⁰ Po ine, ane ete yalaki onu metuke me mbeko mbe, boyalaki melembo me boyengebeni. ²¹ Huma mbi yo otosi onu? Huma ine iyo okesa onu bosambo bonoombe, po ine suka auka e boo baoyi ibai lokoo. ²² Kasi sikane, kune akatswa onu a linga li mbeko mbe, pe boka kwa metuke me Mongalima, bobai a lohuma lwa ino lo tsangaa pe a suka bo umake bo sekoo. ²³ Po ine lifutsi li mbeko mbe li bai lokoo, kasi lifako li lokundo li Mongalima, li bai bo umake bo sekoo katsi e Yezu Kilisito Nkolo eiso.