¹ Akahekela wo aituta:Lehekela onu ko solo, bamoyi baino bane bebyi ane betsokowa, bane keka ye Mongalima bolwi a lokulu. ² Mbuse e baose mbalemoyi, Yesu akasila Petelo, Yakobo la Yoane, pe akakia aiboyemangine kelekele likolo li itsikolo. Akayalengisia felo eibo. ³ Tulu iyae ikakwa ta mwali pe bofufwake bo botsiyali a yema yefufoi ane seese lo mbolo. ⁴ Eliya la Mose bakatwa botangoli la Yesu: ⁵ Petelo akatusia lioyi, akaheka a Yesu: Kumi, eyitani ine toyale ane, tofuke banda basaso, limoyi po elao, limoyi po e Mose, limoyi po e Eliya. ⁶ Po ine betsitelembelaka yema ye boeki baka yala a boangi. ⁷ Lipata likuwaka wo, pe momolo e lipata mohehe ukatwa: Ano ebayi mona o wa o lokundo: bo mokoke! ⁸ Sikene bayekoli bakalitana mbala a mbala pe bakena Yesu akatsikala ye mangine la bo. ⁹ Tango ene ekisela wo a itsikolo, Yesu akahekela wo ine mito atsiheke yema yemoyi yene yekena ye ane, tee ane ekosekwa Mona o mito a loko. ¹⁰ Bakasusa lio liohi, la boyuholi muho u likita li bosekwi a loko. ¹¹ Bayekoli bakamuhola muho: po e mbi bakomi beheki ine Eliya kwalwe felo kwetu? ¹² Akineselia wo: Eliya ekolwa felo kwetu boyakeli bima kobitu. Pe po e mbi ekomi wo ine Mona o mito e kwena lumbe bweteli pe bobwelami ndundu? ¹³ Kasi lehekela onu ine Eliya elwei ala pe bakamwenesia lumbe kune ekundji bo kune ekomi wo po elae. ¹⁴ Ekatwana wo ngi bayekoli, bakena lindji li aito la bakomi bopomapomi laibo. ¹⁵ Tango ekena baito Yesu, bakakamwa pe bakamwaya lifindji. ¹⁶ Akuhola wo po e mbi epoma onu la ibo? ¹⁷ Mito omoyi akaheka: Kumu, lelweyi a mona o wa ngi yo, eholi molimo yebubu. ¹⁸ Isika kwisika yokomobwa wo molimo, umofilinga a mbu, monaetwa bahulo, emata baino pe akwe tumboo, ngalonga bayekoli ine babile wo molimo, pe betsikoki. ¹⁹ Liota li baito belumbi bwendji, Yesu akahekela wo, tee a saa mbi ekoki ngo boyali aino? Tee saa mbi ekoki ngo bosungi onu? Lwa lae ngwa. Bakamolwela lae. ²⁰ Tango ene ekena mona Yesu, molimo ukamonongesa a lokulu pe ukamofilinga a mbu pe akayabilinga a botusi bahulo. ²¹ Yesu akuhola ise: Ngonga yeenga emokela yo? Tee bolengela bo wae, ekinola ye. ²² Pe mbala ngia molimo umofilinga a yohe pe baye po bo moholaki. Kasi, lokoki bokeli mai yema, tosunga, tokela bowaowa. ²³ Yesu akamohekela: Lokoki!... Ikoki ikelama ngi mito o bwinoli. ²⁴ Aisanga, ise o mona akamata: Ngihinola, sunge ngo a bolimbo bo wa bo bwinoli. ²⁵ Yesu, la bweni baito, akngoela molimo u bibitsi pe akamohekela: Molimo u yebubu la loko, lemwekela, twa ngi mona pe sohula ngae aisiaka. ²⁶ Pe akatwa a mehui pe bomonongesi alokulu loeteli. Mona akakwa aine molonda, baito bakasumesa soko ine akawa. ²⁷ Kasi Yesu, akamobwa lifindji, akamwemalesa, pe akemala likolo. ²⁸ Tango ekahola Yesu a mbele, bayekoli bakamohuhola: Tsine e mbi otsi tsakaki milimo bibe? ²⁹ Akahekela wo: yo yelenge yokoki botoi kwa a losambo. ³⁰ Bakokoka pe bakatenesa Galilea. Yesu etsikundaki ine balembele lo likita. ³¹ Po ine lihano eteteyaka bayekoli ba hae, akahekelaka wo Mona o mito ekofakema a bafindjiba baito, e ekowa, pe buse e mwasa isaso ekosekwa. ³² Kasi bayekoli betsi sosolaki yo liohi, pe bakahanga bomohuholi. ³³ Bakatwa a Kapalanauma. Ekatwana bo a mbele, Yesu akahuhola bo: Tsina e mbi epomapoma onu a ndole? ³⁴ Kasi beteyalaka hai po ine a ndole betepomaka kati eyibo po e bolembeli nda eteyalaka efulako. ³⁵ Kwine akayala, akahetahetaka laho a baele pe akabahekela: La mito yemoyi ekundji boyali mito o felofelo, ekoyala mito mbuse e baito kwatu pe ekoyala mosungi e baito ngia. ³⁶ Pe akasila mona yemoyi, akamwisa mwika afindji, aka mobwa a afindji, akahekela bo: ³⁷ Mito sanga mito ano ekohukola emoyi kati e balengela akahukola ngo mangine, pe mito ano ekundji ngo, etsi kundji ngo, kasi ano etomji ngo. ³⁸ Yoane akamwekela: Kumu, tokenaki mito omoyi etsaka melimo membembe a lina lilaho; pe tomofetesaki po ine etsi tolandi osu. ³⁹ So mofetesa, Yesu akahunisa po ine mito ano ekela likita a lina li la ekoki sika mbuse boheki mbekombe a lina li la. ⁴⁰ Ano etitefa osu ebayi po e iso. ⁴¹ Pe mito sanga mito yengoti ebayi a lina lila, po ine ebayimito o Klisto, etso ko ungesa solo litomba li lae. ⁴² Kasi, la mito akatemola mona emoyi yene ehinoli, esengelami ba nange a ngingo yebende li moliki, pe ba mofilinge a liange li mokwa. ⁴³ La lifindji li laho ebayi po e laho libaku, motena, wali po e laho ohole a lifindji emoyi momolo bumake. ⁴⁴ La boyali a afindji yele pe bokeyi a yohe ane etsilimana. ⁴⁵ La mokele e laho li motoma a libia, tena, lo mokele ene ohole la etumbe la bomake, ⁴⁶ Esikani ine mokele yemofilinge a yohe, a ine yohe etsilimana ⁴⁷ la baiso i laho libayi po elaho libia, tusesa a lokulu; ebayi wali o hole a keka ye Mongalima kwa baiso emoyi a ine oyale a baiso byele bane bekomofilinga a yohe etsilimala. ⁴⁸ ehelo lohambo la bo lotsiha a yohe. ⁴⁹ Po ine mito ngia e koyala mokwa ye yohe. ⁵⁰ Mokwa yema wali, kasi la mokwa eka lumba, etsokobana wali a ine o lambe a oye bima e onu? Yala a mokwa yo mangine, pe yala a baito bisikani ngia.