¹ Bobaose, baito lindji bakatumana kwa ingina, pe betsi bayi la yema ye bolei. Yesu akahetaka bayekoli pe akabahekela, ² ngo okokela line linginda bowa po lita baose basaso ko bebayi penepene e la pe betsi bayi ata ye bolei. ³ La nga ulesa bo ngi bo la semba, bekolumba ngulu a ndole. Po ba moyi kati eyibo belwi yesika. ⁴ Bayekoli ba haye bakamwesa eyano, yaho ndenge bokolialesia osu bo la tofohe, ane, a ilomgo i yesobe? ⁵ Yesu akuhola bo: Bobayi a tofoe twenga? mbayi twele akabeka bo. ⁶ Mbuse emoli akayalesia baito a mbu. Akasila tofoe mbayi twele, pe, mbuse e bosambeli, akahunakola, pe akahesia bayekoli ba ahe ine bafake; pe bakafakela lindji li aito. ⁷ Betebiaka pe la mayi tosweswe toketoke, pe Yesu, akasambela, bakabafakela. ⁸ Bakalia pe bakaliyala, pe bakatola batungu mbayi twele bilyali la bilingi bine bitetsikala. ⁹ Betebiaka penepene e mili mekeleka. Mbuse Yesu akahulesia bo. ¹⁰ Sikene akahola a bwato la bayekoli ba lahe, pe bakakia a lohia Dalamanuta. ¹¹ Bafalisayo bakabanda bohekelani la la Yesu, pe, po e bomomeki, bakamuhola yelembo yemoyi yelwi i likolo. ¹² Yesu, akongoa lindji a motema o wae, akaheka, likita li mbi lihuhola bane baito yelembo? Ngahekela onu solo, yelembo etsiokwesamela onu. ¹³ Akatsika bo, akahola a bwato, po likita li bokei ene emoyi mbale. ¹⁴ Bayekoli bakalendanesa bosili tofoe, bakatsikala soko a imoyi a bwato. ¹⁵ Yesu akahekela bo: Bolohale la bwese bo metindo la Bafalisayo la Elode. ¹⁶ Bayekoli bakuholana akeka oyo likita totsibayi la tofoe. ¹⁷ Yesu akalembesa bo, akahekela bo: likita li mbi likanesa onu, po bokalumba tofoe? onu botsibayi alingina a bayele, pe botsilembela hema? ¹⁸ Bobayi a metema bemakasi? bobayi a baiso, botseni? la batoyi, botsokoka? botsibayi la bakanesi? ¹⁹ Yenina ye te aisi ngo lindji li aito tofoe omoyi, bilingi bi tofoe bi yehenga bitetsikala? bo bakaheka ine laho a yele. ²⁰ Yenina kahe yetelesaki ngo lindji li baito a tofoe mbaitwele po e baito mili mekeleka, yenina batumgu biliali a beteni ine botekiaka aho? mbaitwele eteheka bo. ²¹ Akahekela bo: botsilembeli aingina? ²² Bakakia a Betesaida. Bakalwela Yesu la mito ehuhi baiso bokongi ine amwisele lifindji. ²³ Akambwa mito ehuhi baiso lifindji, akakia lahe mosiku lohia; akamwisa totou a baiso, akamwisela ndala, pe akamohuhola amba ehena yema yemoyi. ²⁴ Akalita, pe akaheka ine : nga ena baito, kasi bebayi o ine mete pe ye meyela-yela. ²⁵ Yesu akamwisela kwaingina lifindji a baiso, yenina yetekalita mito ehuhi baiso wali akuma kwa aho. Mbuse emoli akahena libelalibela. ²⁶ Yesu akamotoma a mbele e lahe, akamwekela ine: otsihole a lohia. ²⁷ Yesu la bayekoli la bahe, bakakia a meki me Sezale la Filipe, pe a ndole akahula bo ko une motuna: Beheka ine ngo le bayi nda? ²⁸ Bakahesia eyano: Yoane Mobatesi; basia, Eliya, basia omoyi o ba polofeta. ²⁹ Pe akahekela bo, onu bohetake ngo lebayi nda? Petelo akayanola: Oye obayi Klisto. ³⁰ Yesu akahesia bo metindo a bwango ine botsihekele mito. ³¹ Mbuse akabanda bohekeli bo ine Mona o mito ehekwena menyoko, behekomofilinga a bafindji ba mehuholo, ba banganga bifulako la bakomi, bekomoholaka pe eekosekwa mbuse e baose basaso. ³² Akahekela bo yoho mbeko polele polele. Pe Petelo, akamwetaka kelekele, akabanda bomwekeli kwimoli mbeko. ³³ Kasi Yesu, akalenga pe akalita bayekoli, akangwela Petelo, pe akheka: Mbuse e la, Satana! otsiyaesi la Mongalima, obayi sanga a bakanesi e baito. ³⁴ Mbuse, akahetaka lindji li aito la bayekoli e lahe, akahekela bo: La mito ekokunda bolui mbuse e la, ayafete ye mangine, atole yekulusu e lahe pe aonge ngo. ³⁵ Ano ekokunda bohumesi bomoyi bo lahe e kohungesa, kasi ano ekohungesa bomoyi bowahe po e la pe la mboli ndjahali iyokomumesia. ³⁶ Tsina etsibayi la mito akatola bima ngia bi moano, mbuse akahungeaia molimo o wahe. ³⁷ Mito ekwahesia mbi likita libolngesani a molimo o wae? ³⁸ Nda ko nda ano eko baha lo bosoni bowa pe la baloba e la a yene yeleko e bikobo pe e basumu, Mona o mito ekobya pe la soni po e lahe, yenina ye okolwa ombe ye la bokonzi bo Ise la ba andjelu basantu.