1
Bafalisayo la bamoyi bakomi, bakalua a Yelusaleme, kelekele e Yesu.
2
Bakena bamoyi bayekoli boleyi a ndala ebitake, kuine, yoosoto.
3
Kasi, bafalisayo la ba zwifi betsilia bima felo la betsisoi ndala wali, ndenge eheki miholo;
4
pe mbuse e bouli a esikani e lisanga, belia ko bakakwa pee. Beyali pe aisiaka bienelo i okoko, aine bosoe likele, ndjiko la yetuka ye elene.
5
La bafalisayo la bakomi bakamuhola: Po e mbi bayekoli e laho betsi litangela biemaelo bi okoko, kasi belia bima a ndala osoto?
6
Yesu akabahekela: Isuma, Yisaya etehekaka likolo li ino, ikomami: ano mito ekumese ngo a monua, kasi motema owaye ebayi yesika lango.
7
ko okunda nga bekumese ngo, la boyahesi biemaeli bi baito.
8
Bofeta biemaelo bi Mongalima, kasi bolitela bokoko li baito.
9
Akabakela aituta: Boisesa efela biemaelo bi Mongalima, po e bakita eyino bi okoko.
10
Kasi Mose ehekaki: Kumesa ato la anohe, pe: Ano ekohumaka ise la inena ekohukola yetumbu ye loko.
11
Kasi onu, boheka: La mito omoyi akaheka la ise la inena owaye: Yene yeokomokehele ngo ebayi corban, kwine, bafako ngi Mongalima,
12
botsitsika aha la ima o wao,
13
bokofesi liohi li Mongalima po e bakita ba lohia, ine ikeli onu pe bohekeli basiaka bakita yefela bine bihulani.
14
Kwaho, akahetaka lindji li aito isiaka, akabahekela: Okoke ngo onu ngia, pe bolembele.
15
Etsiali a ewolo ye mito yema ene, i hola ngwae, i mombemgesa; kasi kwitu ine itoa ngi mito, nga i mombengesa.
16
La mito ebayi a batoyi yokoki, aokoke.
17
Mbuse eboholi a mbele, bayekoli bakamohuhola yene yekwe.
18
Akabahekela: Onu, baito betsiki hondo? Botsilembeli ine bima bine biholi ngi mito itsi mombengesa?
19
Po ine yo itsihola a motema owaye, kasi nga a solo, ihola mbuse bisikani bisusake, bine bipemesa bima ngia.
20
Akaheka aituta: Ine itoa a mito, nga i mombengesa.
21
Po ine momolo , nga motema u mito, itusesa bakita babe, yekobo, bondumba, boholakani,
22
wiya, moyaiyai, lolendo, bolulaluli, wango,
23
Bima bibitake ine itoyi momolo,la bimbengesa mito.
24
Yesu, akakia a lohia lo Tyr la Sidoni. Akahola a mbele emoyi, po ine mito atsi mwene; nga etsi koki boitami.
25
Po ine yemoyi mwali, yene mona o wae o wali eyali a molimo u mbindo, ekakoka ye beheka po e lahe, pe akakia boyafilingi a mekele me yae.
26
Mwali omotsi ebayi kiliki, sylo-fenisiene eyohotami. Aka monga hondo a motosele melimo mebe a eholo e mona. Yesu akamwekela:
27
Tsika bana baliale felo, po ine etsihitani te bima bi balengela, bafilingele mbwa.
28
Kohoyo Nkolo, ekinola ye, balengela ba mbwa, seese e mesa, bela bawe bine bana befilinga.
29
Sikene akamwekela: po yehekeli elaho, kiaka, melimo mebitake bikatua ngi mona o wali elaho.
30
Pe, ekahula ye a mbele, aka hana mona ehengali a yelika, melimo mebe baka motua.
31
Yesu akatsika lohia lo Tyr, akakia a Sidoni muku liange li mokwa li Galilea, akatenesa moki u Dekapoliya.
32
bakamoluela yemoyi mito o loko ano etilembeli boheki, bakamohonda ine amwisele bafindji.
33
Akamosila kelekel e yetuluku, akamwisa taka a yehokelo, pe akamombua lolame a totayi to wae;
34
Pe akalilesa baiso likolo, akatusesa mohe, pe akaheka: Ephphatha, kwuine yuwola.
35
Kwamo biokelo bikuhowa; lolemo lo wae lokandoa, pe akaheka wali.
36
Yesu akahekela bo ine batsikele mito, kasi ndenge akahekela ye oyo, kwano bakabanda bohekeli baito efela.
Beyalaki okamwi ofulako, pe behekaki: ekela bakita ngia monamu, eokokesa baito ba loko ehekesa ba bubu.