¹ Bafalisayo la bamoyi bakomi, bakalua a Yelusaleme, kelekele e Yesu. ² Bakena bamoyi bayekoli boleyi a ndala ebitake, kuine, yoosoto. ³ Kasi, bafalisayo la ba zwifi betsilia bima felo la betsisoi ndala wali, ndenge eheki miholo; ⁴ pe mbuse e bouli a esikani e lisanga, belia ko bakakwa pee. Beyali pe aisiaka bienelo i okoko, aine bosoe likele, ndjiko la yetuka ye elene. ⁵ La bafalisayo la bakomi bakamuhola: Po e mbi bayekoli e laho betsi litangela biemaelo bi okoko, kasi belia bima a ndala osoto? ⁶ Yesu akabahekela: Isuma, Yisaya etehekaka likolo li ino, ikomami: ano mito ekumese ngo a monua, kasi motema owaye ebayi yesika lango. ⁷ ko okunda nga bekumese ngo, la boyahesi biemaeli bi baito. ⁸ Bofeta biemaelo bi Mongalima, kasi bolitela bokoko li baito. ⁹ Akabakela aituta: Boisesa efela biemaelo bi Mongalima, po e bakita eyino bi okoko. ¹⁰ Kasi Mose ehekaki: Kumesa ato la anohe, pe: Ano ekohumaka ise la inena ekohukola yetumbu ye loko. ¹¹ Kasi onu, boheka: La mito omoyi akaheka la ise la inena owaye: Yene yeokomokehele ngo ebayi corban, kwine, bafako ngi Mongalima, ¹² botsitsika aha la ima o wao, ¹³ bokofesi liohi li Mongalima po e bakita ba lohia, ine ikeli onu pe bohekeli basiaka bakita yefela bine bihulani. ¹⁴ Kwaho, akahetaka lindji li aito isiaka, akabahekela: Okoke ngo onu ngia, pe bolembele. ¹⁵ Etsiali a ewolo ye mito yema ene, i hola ngwae, i mombemgesa; kasi kwitu ine itoa ngi mito, nga i mombengesa. ¹⁶ La mito ebayi a batoyi yokoki, aokoke. ¹⁷ Mbuse eboholi a mbele, bayekoli bakamohuhola yene yekwe. ¹⁸ Akabahekela: Onu, baito betsiki hondo? Botsilembeli ine bima bine biholi ngi mito itsi mombengesa? ¹⁹ Po ine yo itsihola a motema owaye, kasi nga a solo, ihola mbuse bisikani bisusake, bine bipemesa bima ngia. ²⁰ Akaheka aituta: Ine itoa a mito, nga i mombengesa. ²¹ Po ine momolo , nga motema u mito, itusesa bakita babe, yekobo, bondumba, boholakani, ²² wiya, moyaiyai, lolendo, bolulaluli, wango, ²³ Bima bibitake ine itoyi momolo,la bimbengesa mito. ²⁴ Yesu, akakia a lohia lo Tyr la Sidoni. Akahola a mbele emoyi, po ine mito atsi mwene; nga etsi koki boitami. ²⁵ Po ine yemoyi mwali, yene mona o wae o wali eyali a molimo u mbindo, ekakoka ye beheka po e lahe, pe akakia boyafilingi a mekele me yae. ²⁶ Mwali omotsi ebayi kiliki, sylo-fenisiene eyohotami. Aka monga hondo a motosele melimo mebe a eholo e mona. Yesu akamwekela: ²⁷ Tsika bana baliale felo, po ine etsihitani te bima bi balengela, bafilingele mbwa. ²⁸ Kohoyo Nkolo, ekinola ye, balengela ba mbwa, seese e mesa, bela bawe bine bana befilinga. ²⁹ Sikene akamwekela: po yehekeli elaho, kiaka, melimo mebitake bikatua ngi mona o wali elaho. ³⁰ Pe, ekahula ye a mbele, aka hana mona ehengali a yelika, melimo mebe baka motua. ³¹ Yesu akatsika lohia lo Tyr, akakia a Sidoni muku liange li mokwa li Galilea, akatenesa moki u Dekapoliya. ³² bakamoluela yemoyi mito o loko ano etilembeli boheki, bakamohonda ine amwisele bafindji. ³³ Akamosila kelekel e yetuluku, akamwisa taka a yehokelo, pe akamombua lolame a totayi to wae; ³⁴ Pe akalilesa baiso likolo, akatusesa mohe, pe akaheka: Ephphatha, kwuine yuwola. ³⁵ Kwamo biokelo bikuhowa; lolemo lo wae lokandoa, pe akaheka wali. ³⁶ Yesu akahekela bo ine batsikele mito, kasi ndenge akahekela ye oyo, kwano bakabanda bohekeli baito efela. Beyalaki okamwi ofulako, pe behekaki: ekela bakita ngia monamu, eokokesa baito ba loko ehekesa ba bubu.