¹ Yesu ane tuiki yelooboeti bale loye Judée aboetise Jourdain baito ofela baka yala esika imoi, denge emeseniye botei. ² Bafarisayo beluaki basolole la he, po ine bamoke, ebai yeitani molome ekoki bobili muali la he la mbele. ³ Akabahinola: bikomele omu Mose? ⁴ Mose etua isakimokanda mokanda la bobili muali laho la mbele ⁵ Yesu aka ekela boo: Atina e motema makasi eino Mose akaesa onu lo ndenge emebeko. ⁶ Kasi la libandela, Mongalima ekeli molome la mwali, ⁷ Po hemoli molome ekotika ise la la inena, la bonangani la muali, ⁸ bo baele, be kokua ilongo émoi. La oyo baokokwa bilongo baele, kasi bekokwa yelongo yemoyi ⁹ Mito etikoka buholi yeene enangi Mongalima. ¹⁰ Ane eyalibo a mbele, baka mouhula alingi na lo lioi. ¹¹ Akayekela boo: Ano ekofeta mwuali owahe pe akasila mwuali osiaka, akakela ekobo; ¹² Pe la mwuali akatika molome owahe la bosilaka osika, akakela ekobo Bakamoluela abana moke, pui ine ambue boo, kasi bayekoli baka ulesa bane beluaki la bana. ¹⁴ Yesu, akena oyo, akatukisama a motema pe akayekela boo: mina baluekwua bana balengela, pe sofetesa boo; pui ine bokondji u mongalima lobai lo motindu loo baito ¹⁵ Leekela onu solo, mito ano etsokoyamba bokondji u mongalima aine loo bana bake etsokohola. ¹⁶ Mbuse aka mbua boo afidji, pe aka pambola boo, abuiselaka boo bafidji ¹⁷ Ane akisela Yesu andole, molome omoi aluele, pe akaya filinga alui felo elaye: molakesi malamu, akamuhola, lekembi poine lesangole bomoi useko? ¹⁸ Yesu aka moyekela oetango mitomalamu po embi? mito malamu ebai sanga mongalima ye mangine. ¹⁹ Olembeli mebeko: sokela ekobo; soolaka; sooiba; sootatola lokuta; otsikwesi mito; oesi ato lokumu pe la inena ²⁰ Aka moinisela: molakesi, indelembela lo akita ngia abolengela. ²¹ Yesu, aka molitangela, akamokunda, pe akamoekela: ikomolumbi yema emoi; kiaka; tamba ngia bine bibai yahoo, esa a babola, pe okoukola libodja a likolo. Mbuse lua, pe onge ngo. ²² Kasi, aka ina bosio bo elioyi lio mito akakia abowaowa, poine eyelaki a bima bifulaku ²³ Yesu, aka litazinga zinga elahe, aka bekela bayekoli ba ahe: iekoyala bopoti po e ino bane bwiki bohumoi boholi a bokumi bo Mongalima. ²⁴ Bayekoli baka balimoha a lioyi line lete beka Yesu. Pe, la bouleli, aka ba ekela: Bana owa, ebai bopoti la baane bisi longundo boholi a bo kumi bo Mongalima. ²⁵ Ebai a bolembu po e kamela boeti a ndufaka li mokeke esikani te mito o mbela boholi a bokumi bo Mongalima. ²⁶ Bayekoli baka balimoha a isiaka bofela, pe baka yabekela ba moyi la basiaka; pe nda ekoki bo umi? ²⁷ Yesu la boliti boo, pe aka beka: yoo etsi koka la baito, kasi taa a Mongalima: pamba te kwitu ekoki po e Mongalima. ²⁸ Petelo aka banda o mwekeli: lita toka tsika kwitu, pe toka mobila oye. ²⁹ Yesu aka yanola: le bekela onu la bosembo, etsi bayi a mito ano baka okowa po ela pe po e mboli ndjale,mbele iyae, too banginena, too basikinena, too inena elae, too ise elae, too bana bahe, too mbu iyae, ³⁰ etsi ukola mokama la kama, sikane kati ya line bilanga kama, mbele, banginena, basikinena, bana, pe mbu, la pamela, pe, bilanga kama bine biyeli, bo umake bo seko. ³¹ Bafela ba felo beko yala ba mbuse, pe bafela ba mbuse beko yala ba felo. ³² Bete biaka a ndole po e bolili a Yelusaleme, pe Yesuaketa felo ei bo. Bayekoli ba biaki a lienge, pe bete mo bila a bo angi. Pe Yesu aka sila aingina ba labo la biyele kelekele elahe, pe aka banda obahekeli line likoki li molwela. ³³ Lita, tolile a Yelusaleme, pe mona o mito beo ko mofaka ngi ba nganga ba fulaku pe ngi ba komi, baka mwisa a lingi li loko, pe baka mofaka ngi ba pakano. ³⁴ Beo ko moola, beo ko mofilingela totai, beo ko mofa a motungu, pe beo ko moolaka; pe, mbuse e baose isaso, eo ko sekwa. ³⁵ Bana ba Zébédée, Yakobo pe Yoane, baka yafila ngi Yesu, pe baka mwekela: Kumi, tokundji okele po e iso ine lyio okoonga osu. ³⁶ Aka ba bekela: mbi ekundji onu lekele po e ino? ³⁷ Inola po iso, baka mwekela, toyale emoi a lilome pe osiaka a liyali, ene ngonga eeko yala oye a kembo elao. ³⁸ Yesu aka ba inoela: botsi lembeli bine bilonga onu. Bokoki bonoi keni ene enua ngo, too bo batisami la batisimoene ekoki ngo bo batisami? Tokoki, baka eka. ³⁹ Pe Yesu aka ba mwineola: ebayi soko ooyo ine booko nua keni ene eeko nua ngo pe booko batisama la batisimo ene ekoki ngo bobatisami. ⁴⁰ Kasi po e boyali a lilome too a liyali etsi liti ngo, pe biokaesana a baane bilengelami po e ibo. ⁴¹ Ba laabo, e kokoka boo lo ndenge, baka banda bolimbi bonangeli ngi Yakobo pe Yoane. ⁴² Yesu aka ba etaka pe aka babekela: bolembeli ine baane belita osu ba ine ba Kumi ba hia be to enesa paima, pe ba fulaku be to isa sese e ibo. ⁴³ Etsi yali lo ndenge kati ee ino. Kasi ano ekundji boyali lifulaku kati e inu, ayale mosaleli boino. ⁴⁴ pe ano ekundji boyali ofelo kati e ino, ayale motuke o ino ko atu. ⁴⁵ nzambi Mona o mito e lui, ta po ba mosalesi, kasi po ebosalesi basiaka pe ba aesi boo umake bo ahe aine lifuti li bofela. ⁴⁶ Baka tsuana a Yeliko. Pe Yesu botsui ye elo, la bayekoli ba ahe, pe lindji lofulaku, mona olome o Timée, Bartimée, baofa molongi, beyalaki boyali pembeni e ndole. ⁴⁷ Aka okoka te ite yalaka Yesu o Nazaretha pe aka banda bo ofi mewi; Mona olome o Dawidi, Yesu ekele bowa. ⁴⁸ Bofela baka mo luta, po ine atsi beke. Kasi aka sumba mewi a lokulu, Mona olome o Dawidi, okele bowa. ⁴⁹ Yesu aka hemala pe aka beka: Mwetaka. Baka etaka baofa la bo mwekeli: ika ngulu, emala, e mwetaka. ⁵⁰ Mito o baofa aka filinga kasaka iyae, pe bwemali mbala emoyi, aka kia ngi Yesu. ⁵¹ Yesu bosili baloba, aka mo bekela: mbi ikundji oye ine lekele po elaho? Labuni, baofa aka mwinesela, le ulele bo eni. ⁵² pe Yesu aka mo bekela: kiaka, bo inoli bo haho bo ka moumesa. Kwamo, aka ulela bo oni, pe aka onga Yesu o ndole.