¹ Yesu pe aka banda kwa lisiaka bo tey pembeni e baye efulaku. Pe lindji li baito penza baka yala kelekele baye, bongo aka lila a mokato pe aka yala mwa mosiko, likolo li baye li fulaku. Kasi atinga, lindji li baito be yalaki a mbu. ² Bongo, aka batanda botei bo akita lindji a masese, pe boekeli boo a litea li lahe: ³ Bookoke. Mito emoyi aka tsua po e bo honi. ⁴ Pe tango e biaki yee bohoni, mai peni ikakwa kelekele i ndole: pe ba nooli baka lwa po e bolei. ⁵ Mai peni ika kwa isikani ya anga, eelo etsi bai a mbu eitanaka; ika tua, lasalasa po mbu emoli etsi bayi lindji. ⁶ Kasi, tango mwasa eeko tsua, eeko iaka, po elumbi mesile. ⁷ Ene emoyi ika kua a mbu e keke: pe keke ika hola, pe etsi toesi mboto. ⁸ Ene emoyi ika kwa a mbu eitanake: pe eka aesa mboo i wali, ika banda botui tuku isaso, pe tuku mbalemoyi pe kama emoyi. ⁹ Aka bekela boo: bane bebai a atoyi bi okoki ba okoke. ¹⁰ Ati nga tango e yalaki ye matuke, bane be yalaki kelekele e lahe kwa bayekoli laaho la bayele, baka banda bo mo huholi po e masese. ¹¹ Aka beka: sekele e monsatu ine bokonzi i Mongalima; eesameli onu, kasi po e bane be bai eelo a ewolo, bakita ngia e koeta sanga la masese, ¹² a bolitaka boliti bo tsiena pe a bookoka bokoki botsi lembela tina. a bo angi bohuholi metena po basumu ba ibo ba lumbe olimbisami. ¹³ Aka eka a lisiaka: botsi lembeli lo masese? ondei ndenge boo ko mbwa tina e bakita ngia? ¹⁴ Mooni emoyi eona liloba. ¹⁵ Bane be biaki mosiko e ndole, isikani e oni bo liloba, baka okoka kasi mbuse emoli sakana aka luhola loo liloba ene beokokaki. ¹⁶ Basiaka ndenge ko emoyi, be ekulaki liloba , isikani i abanga, la baka okoka liohi pe baka sila kwa kamo; ¹⁷ Kasi etsi bai a mesile melahe, aka lumba bo emali, pe la batungisi, boka lwa la ba minyoko po ete liloba ekotunga sanga a okoi. ¹⁸ Bane besilaki a keke; bo nga beokokaki liloba, ¹⁹ kasi batungisi bene tango, kwa nguya i bokosi, kwa bomengo ikafengesa liloba, pe posa ndenge a ndenge. ²⁰ Basiaka be ukolaki liloba a mbu eitanake, boo nga be okoki liloba pe baka inola, pe baka ota mboto tuku isaso, tuka mbale emoyi, pe mokama. ²¹ Akabahekela aituta: Beatolaka mwendi po boisi seese ye mesa, to seese e yelika? ta beanoisa likolo li etoli-mwendi? ²² Po ine etibayi a yema yemoyi yene eyitami yokolumba botsui, etsibayi a sekele en etsokwenana polele. ²³ La mito iki batoyi po bookoki, ookoke. ²⁴ Akabahekela aituta: Bokele kengekenge a bakita bane beokoka onu. Beekomomeka a emekeli yene emeka oye bainina aho, beokomwisela po elaho. ²⁵ Po ine beekwaya ano iki aho, ano etsi iki beekomoluhola la line liyiki ye. ²⁶ Akaheka aituta: Ebayi oyo pe la keka ye Mongalima aine mito emoyi akwisa lohuma a mbu; ²⁷ laa akengala to ayale aiso, botsio la mwasa, lohuma ihole la boholi la ane etilembeli. ²⁸ Mbu e holisa ye mangine, la matiti, mbuse keke, mbuse huma ngia ebayi a keke; ²⁹ pe koyene yenena yekakomela huma, batene po ine yenena yekumana. ³⁰ Akaheka aituta; La mbi eekohumanesi osu keka ye Mongalima, to yekwe yendei yekwenesa osu? ³¹ Iyulani a lohuma lo seneve, lone, loka moona a mbu, lobayi boke bweteli melona ngia yene bebayi a mbu. ³² kasi, tango ene ehonami loo, alile, lolue bonene bweteli meteka ngia, pe eola a bitahe bine enene, a ndenge ine nooli i loola ikoki boyali seese e elimalima. ³³ A bikwe ofela lolemge loo etehekelaka ye woo liohi, ko une etekokaka woo bomokoki. ³⁴ Etsiteahekela soo aikwe, kasi a boo, ete limbwelaka ngia a bayekoli. ³⁵ Woo mwasa, a likose, Yesu akahekela boo: To hete a yene yemoyi libongo. ³⁶ Mbuse e boulesi lindji li aito, bakamoulesa a bwato ene ete yalaka ye, basiaka baato beteyalaka alaye. ³⁷ Ukemala umoyi homba ufulake, pe baye bakahola a bwato, tee a bolialesi. ³⁸ Pe ye, etengalaka a yelika likolo li kuse. Bakamumaka, pe bakamwekala: Nkumi, oye otsitungesama ine osu towa? ³⁹ Abohumoyi bwaye, akamgoela homba, pe akaheka a liange li mokwa: Hai ! soheka ! pe yefofo ukamina, pe ekayala hai ufulako. ⁴⁰ Mbuse akabahekela: Po e mbi ebayi onu a bowa bune? Iya etsibayi onu a bwinoli? ⁴¹ Beteyalaka a boangi efulako, pe bakahekelana bamoyi la basiaka: Ano ebayi nda, yefofo pe liange li mokwa li motosa?