¹ Yesu aka hola alingina asinagoga akatomana la mito omoi abotati u maba aka. ² Akamolita Yesu ambi ekomoesa boumi muasa osabata etebiaka po ine bamofunde. ³ Yesu akaeka une nda ebai abotatsi u maba emalalikolo. ⁴ Akaekela boo ine ebai wali po eboumisi mito lobiko muasa esaba habi awe? ata mito omoi etinola. ⁵ Po ine, akabanda boeteti akalita boo andenge mbe-mbe, akaekela boo ndenge enanga boo metema miahiboo, aka moekela mitotatsi u maba, tambesi ngo lifindji lilaho aka motambesa pe lifindji lilahe likuma. ⁶ Bafalisayo bakatua alingina bakatumana aba erodiana baka palana u ne bamakele mabe. ⁷ Yesu akahena oyo aka toi a bayekoli muku olibange lifulaku lindji li baito baka mobila a galileya. ⁸ Pe a yudea, la yelusaleme, la Idume, la baye ba Yuludani pe penepene Tyr la Sidone, lindji li baito bakahokoka bakalua ngwuahe. ⁹ Akaekela bayekoli bahe yalani sanga ndenge ekoyekele ngoo ounu amokoka une ekekeli, po ine beti amamana alikinda. ¹⁰ La ndenge une eteumesi lindji libaito bane betebiaka ahotatsi, bakaya filinga kwuahe po bamobwue ¹¹ Melimo ebitake ane ekena boo bakamotimela aluhi besumba mehui obai mona Mongalima. ¹² kasi akatoma boo une aliba lisikisiki line likita sohekelani mito. ¹³ Alila likolo etikolo akaetaka bane bekundji pe akakia penepene elahe. ¹⁴ Akasila boo lahoo layele po atome boo. ¹⁵ Pe akatoma boo bate akuya ebobili basatana. ¹⁶ Hena lawo la yele bane ete sela Simoni, bimoitaka Petelo, ¹⁷ Yakobo mono Ozebede pe Yowane mongo inena o Yakobo, la bakamwahesa lina li Bwanege, li libola u ne mono Tonele; ¹⁸ Adele, Filipo, Batelemi, Matiasi Yakobo mono o Ndalafe; Tade, Simo pe Kanite; ¹⁹ Peyudasi mokeli ota ane ekotamba Yesu ²⁰ Bakakia a mbele, lindi li baito baka bila bo alengena, a botuyi beti teyalaka a tango po ine bale bima bia hibo. ²¹ Baboti ba Yesu baka okoka bakita ngia ndenge eheti bo, baka lua po emosili ye; la baka yeka ine e bai pe mbembe e makanisi. ²² La bane bekoma kola baka tua a Yelusaleme, baka yeka ebai amelimo mbe-mbe mene mi beleze bule mokondi u melimo mbe-mbe po ebosasi melimo ebitake. ²³ Yesu aka yetaka bo akayekela bo a denge ye masese ondeyi ndenge Satana ekoki bo sasi satana? ²⁴ Lakeka e kafakana lo mangine keka u Mongalima, etikali seko. ²⁵ Pe soki mbele e moi e kafakana lo mangine lo mbele etikali. ²⁶ La satana a ka ngowa ye mangine aka fakana e tikoki po oyo po e lahe mangine. ²⁷ Mito e tiholi a mbele e molome olokulu po e botsaki bima biahe, la felo onange e moli molome o lokulu nde o kotsaka mbele e lahe. ²⁸ Lekela o nu bosolo mosumu ngia bekolimbisama po e mono o mito pe botuki bone bokokela bo. ²⁹ Mito ane ekosekola molimi mosatu e tihukola bolimbisi e bai a lisumu liseko. ³⁰ Yesu akayeka oyo po ine bo bakaheka: ebai a melimo mbe-mbe ³¹ Elui bo ine pe bangi inena bane behemali ha e wolo baka toma bo mohetaki. ³² Lindji beyalaki pembeni pembeni e lahe pe be moyekela: lita inena o waho pe la banginena be muhola. ³³ Aka inola bo: nda e bai inena o wa, pe ba nda bebai ba mongowahaya? ³⁴ pe, a kalita bane beyalaka pene pene e lahe: lita a kaheka inena owa pe ba mongowahaya. ³⁵ Ata nda ano e kokela mokano u Mongalima ye ebai mongo inena o wa mosoko inena owa, pe inena owa.