¹ Bakayatsuana muku u libange li mokwa, a moki u Gadarena. ² mbala emoyi yesu akatsua a wato, aka ena mito omoyi ebayi a melimo mbe. ³ Omoli mito holome eyalaki a mbele elahe a liana, pe mito etikoki bo monangi meliki. ⁴ po ine mbala ofela ebyaki a mbolo a makele pe be monangi a monyololo, kasi etenakola myo minyololo, e buna mbolo, pe so mito emoyi etibiaki a ngulu e bo moyini. ⁵ etsi homa, otso kwa mwasa, kati e liana pe likolo li ngomba, e ofa mewi, pe e mitenakola la limukele. ⁶ Akena Yesu esika, aka tsila, akofa balui felo elae. ⁷ pe esumba mewi a mongongo makasi: mbi eyali kati elao la ngo? Yesu,mona o Mongalima o likolo, nga molonga la lina o Mongalima, so kele ngo mabe. ⁸ Mpo ine Yesu emwekelaki: tsua ngi ano mito, molimo ebitake. ⁹ pe, aka mouhola: lina lihao nda? ofela lina li la, aka moulesi, po ine tobayi ofela. ¹⁰ pe, aka molonga kwamo ine atsi tome boo eholo u moki. ¹¹ Eteyaka hamo, ngambo e yetikolo, lindji li ndehe be heta. ¹² pe milimo mbe baka molonga a boeki: totoma kati e ndehe po ine tohole ngibo. ¹³ Aka baesa ndingisa. pe melimo mbe bika tsua, bikahola a ndehe, pe lipinga li ndehe baka kya luwele o libange li mokwa: beyaaki penepene koto iyele, pe bakuteha a libange li mokwa. ¹⁴ Baane beeyaki belesa nama bakatsila, pe baka tsaka mboli a lohia lofulaki pe a lohia loke loke lo nduhu. Baito bakakya boliti bine bietaki. ¹⁵ Bakalwa kelekele e Yesu, pe bakena molimo mbe, ano akayalaka a lindji li milimo mbe, eyali sese, etoli tulu, pe ndenge boitake; pe bakahola a obangi makasi. ¹⁶ Bane beyeni bine bietaki bakabasumbela mboli bine biluelaki mito melimo mbe pe la lindji li ndehe. Sikene bakabanda o longi la Yesu a okwee a yo lohia lohibo. ¹⁸ ndenge elilaki ye a bwato, ano eyalaki la milimo mbe aka mohuhola ndingisa e botsikali la ye. ¹⁹ Yesu etsi mwaesi ndingisa,kasi akamwekela: kiaka a mbele elaho, ngi ba haho, pe baekela kwitu ine kolo akakela po elaho, pe yao ndenge emookelaki owawa. ²⁰ Akakia, pe akabanda o beki a Decapole kwitu ine Yesu ekeli po elahe. Pe boo kwitu baka kamwa. ²¹ Yesu momolo o wato akaeta mbale e loyé, eelo, lindji lii baito bekulani kelekele elahe. ete yalaka kelekele o libonge bo mokwa. ²² Angonga emotsi kumu emoyi e synagogi, etomi Yeiro, la bomweni, akayakwesa a mekele miyae, ²³ pe akamwekela line lisambo a lokulu: mona owa owali ebayi elo a botati makasi, lwa, mwisela ndela, po ine ahume pe aukole bomoyi. ²⁴ Yesu akakia laye. Mpe lindji li baito be moonga pe bemohamola. ²⁵ Sokoawo, mwali emoyi eyaaki amo etati botsui ngelo iketa milenga laaho a iyele. ²⁶ Akena pasi mingi a ndala li bafandji ofela, akaungesa bima biyae ngia, pe etsiukeli bohomi, kasi ebayi soko otati. ²⁷ Ane eokoki ye lolaka lo Yesu, akalwa mbuse e lindji li baito, pe aka motala tulu. ²⁸ Eyaeka: la lekoki soko letale tulu iyae, le okuma. ²⁹ ko a ngonga emoli ngelo likatenea pe akaokoka a momolo iyae te aakuma. ³⁰ Yesu aka yalembela mangine lokulu litsui ngwaye; pe, aka ula kati e lindji li baito, aka eka: nda etali tulu ela? ³¹ Bayekli elaye baka mwekela: okena lindji li baito be mohamola pe oye o eka: nda etali ngo? ³² pe aka lita zinga zinga elae po aene ano ekeli lo mbeko. ³³ Mwali, owangi pe ongilimi, bweni ine iketa ngwaye akaya kwesa a mekele meyae,pe aka mwekela bosembo ngia. ³⁴ Kasi, Yesu aka mwekela: mona owa owali, boyambi elaho bokamuumesa, kiaka a kimia, pe uma. ³⁵ Eteyalaka ye eya eka, baito bakatsuana ngi kumu e synagogi beyaeka: Mona owao owali akawa: po embi etungia oye kumi? ³⁶ Kasi Yesu, eti liti yoo aloba, akaeka la kumu e synagogi: so anga, inola. ³⁷ pe akafeta mito a moonge, sanga Petelo, Yakobo la Yoane monginena o Yakobo. ³⁸ Bakayatsua a mbele e kumi e synagogi, eelo Yesu akena lindji lii baito ba lokulu pe baito be lela pe be ofa meuwi makasi. ³⁹ Aka hola, pe aka ekela boo: po embi ekela onu yetole? pe po embi bolela? mona etsi wi, eengali iloo. ⁴⁰ pe baka moola. Ane etuisi ye baito ngia a eholo, akasila ise la inena o mona, pe baane belwaki laye, pe baka hola eelo eyali mona. ⁴¹ Aka motala a lifindji, pe akaeka: Talitha Koumi, tina emoli: lifoku li mona owali,nga mwekela, emala. ⁴² Ko amo, lifoku li mona owali akemala, pe aka hela po ine eteyaka a milanga laaho a iyele pe baka kamoa. ⁴³ Yesu aka baesa mbeko makasi po ine mito so limoyi atilembele ine lihoyi, pe akaeka ba aesi lifoku li mona owali bima bi oleyi.