¹ Kwa akombe, banganga bifulako beteananga liano la mehuholo la bakomi, la ba sanhedrin. Mbuse e bonangi Yesu, betelwa aye, ehelo ngi Pilato. ² Pilato akamohuhola: Obayi Kumi e ba Zwifi? Yesu akahinola: Okaheka. ³ Banganga bifulako beteananga bakita ofela po e lahe. ⁴ Pilato akamohuhola kwa isiaka: Oye otsihinoli? Okena bakita emotsi bemofundji. ⁵ Pe Yesu etsihinoli, la Pilato akahanga. ⁶ La fetsi kwitu, beanotusesea yemoyi mokangemi, ano lindji li aito ekundji. ⁷ Eteyalaka yemoyi mokangemi, lina li Balabasi eteyalaka a yene bakita li boholaki yene etekelaka ye. ⁸ Yene lindji li aito, bahekaki ine a mebeko ye lohia batusese mito yemoyi. ⁹ Pilato akabahinola; Bokundji leatsikele Kumi ye ba Zwifi ? ¹⁰ Po ine belembelaki ine banganga bifulako betemofukaka po e pamba. ¹¹ Kasi bakumi ye banganga bifulako betesukuma lindji li aito po ine Pilato atusese Balabasi. ¹² Pilato, akasila aloba, pe akabahekela: Onu bokundji mbi ekele po ano bo mweti Kumi ye ba Zwifi? ¹³ Bakanganga aisiaka: Mwise a yekulusu! ¹⁴ Pilato akabahekela: Yema ye ndei etekela ye? pe bakanganga aituta ofela: Mwise a yekulusu! ¹⁵ Pilato, la bokundji bosepelesi lindji li aito, akatusesa Balabasi; pe mbuse e bomofi Yesu mete, akamomina po ine ba mwise a yekulusu. ¹⁶ Mesangiahilombo bakamohelesa Yesu ehelo a momolo, ko ine, momolo yesikani bosambisi, pe betesanganaka ngia ehelo. ¹⁷ Betemotolesa kandjo, la mombute ye keke likolo li moto e lahe, ine boo betengaka. ¹⁸ Pe bakabanda bo mwesi okalo: Okalo, Kumi ye ba Zwifi! ¹⁹ Pe betemofaka a moto yemoyi mwete, betemosenakela, pe, betehimba balwi, pe betekumbama mbele e lahe. ²⁰ Mbuse e bo motuki, bakamotusesa kandjo, pe bakamwisela kandjo e lahe, pe bakakia e lahe po bomoisi a yekulusu. ²¹ Betefilaka yemoyi mweti a botoli yekulusu li Yesu ano ehulaki a yehua, Simoni e Silena, ise o Alekisandele la Lufusu; ²² beteamoelesi Yesu a Gologota, ine elimboli esikani e yekokolo. ²³ Bakamwaya vino yene yesangani a myrre, kasi etsi nwei. ²⁴ Betemwisa a yekulusu, pe betetsaka tulu e lahe la bolembeli nda ekosila mbi. ²⁵ Eteyalaka ngonga e yesaso yene betemwisaka a yekulusu. ²⁶ Yekomelo yemwenesa likita li bo monangi: Kumi ye ba Zwifi. ²⁷ Betemwisa a yekulusu la batomboki bayele, omoyi a lifndji li molome pe isiaka a lifindji li mwali. ²⁸ Yene yokakokesa yene beheka mekomeli: Eteisa a molongo li batomboki. ²⁹ Behetaheti beamoseka, pe bemofa meto e ibo, la boheki: Ee! oye nga mito yene embengesa tepelo, pe etonga wo a masa isaso, ³⁰ o humwe oye mangine, la o okwa a yekulusu! ³¹ Banganga efulako pe, la bakomi, beteaseka bo angine, pe beheka: Etehumesa isiaka, etsiteahumesa ye mangine? ³² La Klisto Kumi ye Yisalaele atsile sikene a yekulusu po ine osu tolite pe tohinole! La bane betetsiamaka a yekulusu betemoseka a isiaka. ³³ A bolui a ngonga mbale emoyi, botsio ikisela tuu likolo li moki ngia tii kwa ngonga ye sumbanga emoyi. ³⁴ Yesu etenganga a mohehe lokulu: Eloi, Eloi, lama sabakatani? ine elimboli: Mongalima o wa, Mongalima o wa, po e mbi akatsike ngo? ³⁵ Bemoyi beteyalaka ehelo, la bohokoki, bakaheka: Lita line ehita ye Eliya. ³⁶ Emoyi la bahe akakia ofela bolialesi yepondje yemoyi la vinegre, pe, eteatsia a mwete, po bomwisi a nwe, la bweki: mina tohokena une Eliya ehekolwa bomotusesi. ³⁷ Kasi Yesu, akanganga makasi, akawa. ³⁸ Tulu ye tepelo ekapaswana mbala yele, bobandi likolo tii kwene seese. ³⁹ Yene bakengeli, beteyalaka felo e Yesu, la bweni te etewahala ane lolenge, beheki: Ko oyo ano mito eteyaka Mona o Mongalima. ⁴⁰ Eteyalaka la baali ba ine belitaki ehelo mbale, yene wo Malia Magadala, Malia, ineno o Yakobo ano mineur, pe la Yosesi, pe la Salome. ⁴¹ Ba ane betemobilaka pe bomoyasaleli tango eteyalaka ye a Galilea, pe basiaka a lahe a Yelusaleme. ⁴² La bolui a likose, lokola betekengaka, kwine, bokongi sabata, ⁴³ etelwa Yosefu mito e Alimate, yene mohani, yene ekonga ye mangine keka ye Mongalima. Akakia bomohekeli Pilato, po e bomohuholi molonda li Yesu. ⁴⁴ Pilato eteakamwa oine akawa sikasikane etita bayine bekenga kunda po bomohuholi aine a lembele la etewa a tango nini. ⁴⁵ Bomwekeli la ano mito mokengeli, akamwaya bilongo a Yosefu, ⁴⁶ pe Yosefu, mbuse ebokoli tulu yemoyi, bakamotusesa Yesu a yekulusu, la bomonangi a lone tulu, bakakia bomokundi a kunda yene yetulami a babanga mbuse bakaisa yefulako libanga a boholi a kunda. ⁴⁷ La Malia Magadala la Malia inena o Yosesi betelita ane betemotsiaka.