² Muasu u felofelo u poso, bo wali e tekia a liana, a i kombe kombe, kune a kabandamuasa bo hanoi. ³ Baka poma mito la muinahe: da e to kofesela libanga yesika e boholi a liana. ⁴ pe, a bokasola ka baiso, ba kena lianga, line li kolongi li kalenga. ⁵ Bakahola liana bakena bolengela holome eyali eyali a lifindji lio lome e toli kandjo e fufake, pe baka hanga. ⁶ Abayekela bo: botitungisane; bopahana Yesu la Nawalete e te bakamela e kulusu; a kasekwi, e tibahane, lita e sikani yene e hamwisaki bo. ⁷ Kasi kiaka bo ka yekela bayekoli pe bo bebekela Petelo a hete felo e helo a Galilaya: helo bo ko mwena, kune e te yalaka u nu. ⁸ Baka tsha liana pe baka shila. bohangi pe mobulu u ka bua bo, pe betsekia a mito, po e bwangi bua i bo. ⁹ Yesu, a ka sekwi a kobe muasu felo u poso, a kahenasa felo a Maria Mangadala, a no e motuseka melimo mbe-mbe sambo. ¹⁰ A ka kia bosubi boli a bane ba kayala la he pe bane be motungisi pe bomolelisi ¹¹ Akahoha bo e bai la bomoi pe baka mwena be tsinoli a lisiaka. ¹² Buse e moli, a kenana, a ndenge i siaka, a yele kati i bo bane beyalaki a dole po e bo kei a lohiya. ¹³ Baka hula ka boyekeli basiaka, be ti i noli: ¹⁴ Bala e moi, baka toi, la ho a ka moi, tango e bai bo a mesa; a ka kwela bo metema a tale eibo pe metama ngulu ya i bo, puine bo e tsinoli a bane be te mwena ka bo sekwi. ¹⁵ Pe a ka yeka bo kiakani a moki kutu, pe bosake pe kondjali ngu baito ho watu le mokeli. ¹⁶ Ano e kuinola e kobatisima e kuma, kasi one etsinoli e tsuma. ¹⁷ Lita bikamwisi e konga bane e ko inola: la lina lila, be ko bila molimo be bitake; be eko heka; monua i siha; ¹⁸ Bekobwa fele; la ba la nua ba moi bane ba bola kisi yema e moi e tsokoke la bo mabe be ko i sila ba findji pe batatsi be e kuma. ¹⁹ Nkolo buse boheki a katolana a likolo pe a kayala la li findji la molome la Mongalima. ²⁰ Pe ba baka kia bosakoli meku kwitu Nkolo esalaki aibo pe a kayalese lo liohi la bikamuiseli la bina bitekoki sana