¹ Bosepeli bo Pasika pe tofoé bone bolumbi fulu, atinga etikalaki sanga baose bayele mbuse. Pe ba Nganga bafulaku pe ba Sadukayi be yalaki a bolani ndenge be okombwa Yesu a ayele ebitake po e boo molaki. ² Baka bekana: etsi bayi mwasa o lisano po baito be kokela lienge ³ Bune eteyalaka Yesu a Betania, a mbele e Simoni mito e maba, mwali omoyi aka hola, bune eyalaki ye a mesa po e bolei; eiki yetuka emoyi ye lohuno ekolongake pe akauna yetuka, aka utakela Yesu likolo li moto. ⁴ Bamoi baka banda bohekani bo laibo a bwango po embi bo mbengesi baina elumba eitanake? ⁵ Etikokaki itambeme a akonda boeteli kama isaso, pe boisei bane betundi. Baka hangwela mwali emoli. ⁶ Kasi Yesu aka beka: momina ni. Po embi ekela onu ye hoyo? aka kela yema emoyi eitanake po ela; ⁷ po ine baose kwitu boyali a baito etundake isikani imoyi, pe bokoki bokeli yo wali ene ngonga kwitu ekundji onu, kasi botsiana oyali la ngo baose ko atu. ⁸ Aka kela ine ikoki a lahe; aka isa libela, baina e lumba eitanake po eboya tahi bilongo owa. ⁹ Nga ekela onu a bosembo, bisikani ngia ene booko sakola sango eitanake moki kwitu, booko bekela pe, po ene mwali, po ine aka kela po ela. ¹⁰ Yudasi Mokeriota, emoyi li laaho la bayele ekiaki ngu ba nganga nzambe bakonzi po e botambi Yesu. ¹¹ Mbuse eo bokoki, baka nangela, pe baka beka toko aesa oye basambo, pe Yudasi aka paana imoyi ndenge i itanake po e motambi. ¹² Mwasa o felo li tofoé line li lumbi kusu e bofulesi tofoé, isikani tooko kela yelekeli lo pasika, bayekoli ba Yesu baka mwekela: kohé ekundji oye toke bo kengi pasika? ¹³ Pe aka toma bayekoli bahe baele pe aka ba bekela: kiaka a lohia lifulaku, bookotumana a molome emoyi etoli yeloko yee baye, boo moonge. ¹⁴ Isikani emoyi aka hola, bo hekele kumi e mbele: kumi aka beka: kohé ebayi isikani ioko lee ngo Pasika la bayekoli ba ha? ¹⁵ Pe eeko enesa onu yelingi ye mbele efulake, la ba kiti, pe kwitu ikoki: aho nde bo to kengele Pasika. ¹⁶ Bayekoli baka kiaka, baa katunga a lohia lifulaku, pe baka ukola bima ko ndenge ete ba hekelaka, pe baka lengela Pasika. ¹⁷ Likose loka lwa, aka lwa boo la ba laaho la baele. ¹⁸ Ane eyalaki boo a mesa pe belia, Yesu aka heka: nga hekela onu osembo, emoyi kati e ino, e lia la ngo, eo ko fake. ¹⁹ Baka banda booki owawa, pe be mwekela emoyi mbuse o osiaka: ebayi ngo? ²⁰ Aka ba inoela: ebayi emoyi kati e ba laaho la bahele, eisi la ngo lifindji kati e bima bi olei. ²¹ Mona o mito aka kia, loo ndenge ekomami po e lahe. Kasi bo owawa la mito efaki Mona o mito. ite biaka a bonangeli po aho mito atsi otane. ²² Eyalaki boo olei, Yesu aka sila ifoé, pe, mbuse e boulesi lokumu, aka tena pe aka baesa, aka beka: Sila, ene ebayi bilongo ela. ²³ Aka sila mbuse keni, pe, mbuse e boulesi lokumu, aka baesa, mbuse baka nua boo ko motu. ²⁴ Pe aka ba bekela: ene ebayi ngelo iya, ngelo io sanganesi, ika utaka po e ofela. ²⁵ Nga bekela onu a bosembo, ndji oko nuaka mbuma e fino tee ko mwasa ene le oko nua mbala esiaka a keka e Mongalima. ²⁶ Efwesi boo bo hambi ambo bo Mongalima, ba kakia o etsikolo o olive. ²⁷ Yesu aka ba bekela: onu ngia boo ko yala baane be pala okwei a masumu, po ine ikomami: le oko mofa mosenzeli o pate, pe pate be oko tsangana. ²⁸ Kasi mbuse e bosekwi, ngo engweta felo a Galilalia. ²⁹ Petelo akamohekela ine: Atako bo ngia bakakwa a babia, kasi ta ngo. ³⁰ Pe Yesu akaheka a lahe: Nga mohekela oye solo, oye, bonombe ko bone botsio, felo ine koko elele mbala yele, ohokolambole ngo mbala isaso. ³¹ Kasi Petelo akamwekela kwa ngulu: La ika bia ine le we elaho, ndjohokomolambola. Pe bo ngia bakabeka ndenge ko emoyi. ³² Bakakia ska ane a ilongo yetaka bo Getesemani, pe Yesu akaheka la bayekoli ba lahe: Boyala ane, yenina yeokosambale ngo. ³³ Akasila lahe Petelo, Yakobo pe Yoane, pe akabanda bokoki bowa la boangi la boha. ³⁴ Akahekela bo: Molimo uwa ukabia la boha tee kwa bohowo, botsikale ane pe bokengele. ³⁵ La, akakela ye bokeyi felo, akakwa a mbu, pe asambela ine, la ikunana, yene yenina yemokule ye yesika. ³⁶ Eteheka: Abba, Aha, bima ngia biumani ko ngwaho, mbele isele ngo yesika line likele! ngia ta ene ndenge ekundji ngo, kasi ndenge ekundji oye. ³⁷ Pe akahinoela bayekoli, akahena bo belali, pe akaheka la Petelo: Simoni, ehengali! otsikengela ata ngonga emoyi! ³⁸ Bokengele pe bosambele, po ine botsikwe la basenganya; molimo ubai wali moni ulemba-lembi. ³⁹ Akakia kwa ingina yesika, pe akasambela kwa moli ndenge e losambo. ⁴⁰ Ahakalenga, pe akahena bo kwa ingina behengali, po baiso baibo betebiaka soko ba ilo. Betsikoki ata bomwaesi yeyano. ⁴¹ Ahakalenga mbala e isaso, pe akahekela bo: Bwengali sikane, pe kohomani! yenina yekalua, bolite, Mona o mito akafakama a ndala i baito ba basumu. ⁴² Emalani, toke, bolite ano akafake ngo akafilafila. ⁴³ Pe sikasikane ko une kobaiye obeki Yudasi akalua omoyi o la bo a bahele,, pe laye yelemga lindji li aito betoli bileka pe la betomani la bakumi bifulako, la bakomi pe la mehuholo. ⁴⁴ Ano ekomofaka etasa a bo yelembo; ano ekomopepwa ngo nde ye bomombwe pe oloe lahe a libela. ⁴⁵ Kwenina yekalo abo, bakayafila ngi Yesu, Akaheka: Labbi! pe akmopepwa. ⁴⁶ Nde bo baito bakisa Yesu ndala, pe bakamombwa. ⁴⁷ Omoyi ano ete yalaka a ho, akatosesa yeleka, akofa mosaleli u kumi efulako, pe aka motena litoyi. ⁴⁸ Yesu, akabanda boheki, akahekela bo: Bokalua, o ine mbuse e baito ba lienge, la bileka, pe la meambe likita li bombwi ngo. ⁴⁹ Nde biaka baose ngia baino, botu a tepele, pe botsitimbwa ngo. Kasi aine bakomi bakokisame. ⁵⁰ Une bo ngia bakamotsika, pe bakatsila. ⁵¹ Mona o holome omoyi akamonga, a bilongo bilahe ete biaka soko a dalape umoyi, pe bakamombwa ye, ⁵² kasi akatsika tulu elahe pe akayumesia soko bolimbo. ⁵³ Bakakia la Yesu ngu kumi efulako,ko ene akasangana bo ngia bakumi bafulako, la mehuholo pe ba komi. ⁵⁴ Petelo akonga bo la esika tee ko momolo u lopango lo kumi efulako; akayala ilongo umoyi la basaleli betebiaka penepene e yohe po ine baomele. ⁵⁵ Bakumi bafulako pe ba sanhedrin bikapala temo imoyi etsi bai po e Yesu, likita ba moholaki betsi ukoli. ⁵⁶ Lindji bakaesia temo itsi bai po e lahe, ka batemo betsenani. ⁵⁷ Bamoyi bakangoa, pe bakatola temo emoyi esuma po e lahe, beheka ine : ⁵⁸ To te mokokaka e beka: ingo tsaka ene tepelo ekeli bo a bafindji ba baito, pe a baose basaso ingo o fukaesia ene etsiokobia efukami la bafindji ba baito. ⁵⁹ Ata ko oyo liohi litebekaka bo temo ya eibo isteneni. ⁶⁰ Mbuse emoli kumi efulako akahemala katikati bokutani, akahuhola Yesu, pe akaheka: otseki ata yema? likita limbi lipala bo po e laho? ⁶¹ Yesu akayala hai, pe etsiheka, kumi efulako akamohuhola kwangina, pe akamohekela: obayi Klisto, Mona o Mongalima ehenesami? ⁶² Yesu akayanola: Lebayi. Pe bokwena Mona o mito boyali a lifindji li molome a lokulu e Mongalima, pe bolui a lipata li likkolo. ⁶³ Sikane kumi efulako akahaka tulu e ahe, pe akaheka: yendei temo epala onu aisia? ⁶⁴ Bokokaka bosehakoli, onu bwene iya? bo ngia bakinolana o ine eumani b loko. ⁶⁵ Pe basia bamoyi bakemala bo mohutakeli totai, bomopula bihoho a botsio pe la bo mofi bibotu, la bo mohekeli: Lembela? Pe basaleli bakamosila la bomofi bo mbata. ⁶⁶ Yene yenina ye tobiaka Petelo a yekolo, akena omoyi mosali u mokumi efulako. ⁶⁷ Akahena Petelo eotala yohi akomolita, pe akamohekela: Oye pe, otebiaka la Yesu e Nazalete. ⁶⁸ Akamolambola la boheka: Ndji molembeli, ndji tongoli ndenge epala oye ine obeke. Akatsuapo ine ake a sanda, koko akalela. ⁶⁹ Mosaleli u mito o wali, la bomweni akabanda boangina behekeli bane betebiaka amo: Ano ebayi omoyi o bobaito. pe akalambola ko aingina. ⁷⁰ Mbuse e yenina, bane betebiaka amo bkaheka ko aingina a Petelo: Ebayi lo ko oyo obayi o bo baito, po ine obayi mo Galilaya. ⁷¹ Nde akabanda bopomapomi pe la bolamboli: Ndjilembeli ano mito ebeka onu. ⁷² Sikasika ane, po mokombe u suka koko ekalela. pe Petelo akakanesi bakita betemohekalaka Yesu: felo ine koko elela mbala yele, okolambola ngo mbala isaso. Pe akakanesia ye, akalela.